صور ليلية ... لممشى الشغية الشمالية .. من شعيب رويغب ..

اقتباس: المشاركة الأصلية كتبت بواسطة دحوم99    مشاء الله سيل طيب الحمدلله واشكرك اخوي المهند على التقرير وتصويرك بالليل الف شكر لك تقبل مروري

هي مجرد مشاركة يا دحوم .. والاخوان ما قصروا .. صوروا بالنهار ..
العفو على المرور والحضور ..

اقتباس: المشاركة الأصلية كتبت بواسطة أبـوحـمـد    ما شاء الله سيول وارزاق ... هذيك الجهه هالسنه وامره الله عليها... كني مشبه على ابو نظاره... هع

الحيا على الحيا يا أبوحمد ..
عسى الله يعدله لنا في مزارعنا ومكاشيتنا ..

وراعي النظارة يوم خليته يقطع الشعيب جته الدوخه وانقلب رأسه ... ياويلي منه ..

اقتباس: المشاركة الأصلية كتبت بواسطة نسيم    ماشاء الله على هالسيل الزين والخيرات .شعيب رويغب وصل نورة والا توه؟

سحاب وسيول الصيف ... تخلي الواحد يكذب الرجال ..
يعني لو تروح هالحين يمكن ما تلقى إلا بعض الأثر .. لا وعقب ذا العج يمكن حتى الأثر ما تلقاه ..
وعلى كلام المتحد بقي عليه 800 متر البارح .. يعني ياقربه على طرافها ..
والله يلحقه بوحدة ثانية ..

رجاء خاص يالمهند بدون زعل الله يرحم والديك .

هالأيام شعيب فويلق يمشي .. والغالب شافه ..
سولفت على واحداً من الربع وجاء عاني من الرياض يمه .. ويوم شافه دق علي يقول أراك تكذب علي ..
هو يحسبنه وادي يبي له اسبوع يمشي ..

تبي العلم يالمهند،ترى ربي ماهوب ناشدنا عنه يمشي والا مايمشي .

ماشاء الله تبارك الله

لقطات وصور رائعة

لاهنت يالمهند
تقبل تحياتي

مشكووووووووور اخوي على الصور الرئعه ويعطيك العااااافيه اللهم اجعلها امطار خييير وبركه

مراحب ياهلا بسندباد التمير
ماشاء الله ، الله يجعلها امطار خير وبركه
مشكور على التقرير والله يعطيك العافيه

اقتباس: المشاركة الأصلية كتبت بواسطة نسيم    تبي العلم يالمهند،ترى ربي ماهوب ناشدنا عنه يمشي والا مايمشي .

العلم الصحيح يانسيم ..
أن الدنيا ماتسوى .. شيلة شيء على أخوك ..