الثويرات*الطراق*البريكة*البساتين*الخزامى*أم عشر*الذيبيه*أبوراشد*خارج نطاق التغطية*خطة السير*هدية .!!

الحمد لله على السلامة
وبيض الله وجهك ياملك الرحلات
على هذه الرحله
ونعم الصحبه صحبة صحاب الوالد الله يخليه لك

أحترامي وتقديري لجميع من كان معك

الحمد لله على السلامه يالمهند...
عز الله انه ربيع ينعناله ماشاء الله عليك..
تصدق اني ما شفت روضتكم هذي مع كثر دوجيي..



لكن عز الله انه حرف يشق الخشم..
اما قصه القبر اتوقع ان ارضه هداد وبني بنايه حتى يتماسك..
الله يعافيك ومشكور على هذي الابداعات يا مبدع..


تحياتي لك ومن معك..

اقتباس: المشاركة الأصلية كتبت بواسطة ابوفارس    المهند رح الله لا يعطيك الا العافيه ربي يوفقك ويخليك لعين ترجيك قل امين دعوة عجوز والله تقرير جميل رائع متكامل خلاص ماني كاشت هالاسبوع كفيت ووفيت كني معكم وزاد تقريك جمالا هالصحبه الرائعه عمالقة التربية وشويه في حقهم وين طلعتهم منه اما ابو حماد فيعلم الله ان له تقدير عندي مايوصف والله مو عشانه ابوك لا والله هالشخص له فضل علي مانساه لين اموت وافضل معلم رياضيات مر علي دون قصور في الباقين سلم عليه وحب راسه عني تكفا تقبل مروري

هلا بك أخوي أبوفارس ..
الله يعافيك وشاكر لك تلك الدعوات المباركة..
سلامك وصل .. والتحايا وصلت ..
ياهلا بك .. وشاكر لك مرورك ..

اقتباس: المشاركة الأصلية كتبت بواسطة عاشق ديرتي    ماشاء الله تباركـ الرحمن كفيت ووفيت عز الله انها كايفه واللي بعد شرفوا هالكشته امثال ابو كديان وابومناع فعلاً كايفه مانقص معكم الا ابو بسام غريبه ماخاواكم تسلم المهند على التقرير لكـ ودي وثنائي

سلمت ولا هنت أخوي عاشق ديرتي ..
وأبوبسام كان مرتبط في وقتها .. وإلا حطه على الجرح يبرا ..
شكراً لطلتك البهية ..

اقتباس: المشاركة الأصلية كتبت بواسطة دحوم الخالديه    ماشاء الله تقرير رائع شكران اخوي

عفوان أخوي دحوم الخالدية ..
لا هنت على المرور

اقتباس: المشاركة الأصلية كتبت بواسطة ابو مشعل    الف شكر لك اخوي المهند على هالصور الحلوه وتقررير جميل مثل جمال هالربيع الف شكر لك

العفو .. العفو ..
أخوي أبومشعل ..
شاكر لك حضورك ولاهنت ..

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    وعليكم السلام ورحمة الله وبركاته الحمدالله ع السلآأمة أخي المهند َ وآانْ شاآء ماتعبتَ ع هالتقرير َ المتكآأمل --> ولاهي غريبتنْ عليكَ تبآأركَ الرحمنْ .. آجوآأء ربيعيه رآأئعة .. دخلتَ جو مع هالتقرير كفيتَ ووفيتَ يالرحآألة سؤآأل القبر مكتوب َ علية كلآأم عجزت َ افهمة ..؟ وينْ مكآأن بالضبط َ ..!! وكنْ الميتَ بتآأبوت ََ..؟ ماننحرمُ

هلا بك أختي الوفاء بنت ..
والله يسلمك ..
القبر إن كاني ما نيب واهم مكتوب عليه مضارب بني نمار أو النمري ..
يبي من يشوف له شوفه ..
شكراً لمرورك ..

اقتباس: المشاركة الأصلية كتبت بواسطة جار القمر    ياحبي لك وتقاريرك يالمهند ربيع يهبل كانه صدق >> عنده شك ياحبي لهم صفة قديمة يحسبونهم يايطلعون في التلفزيون ليتك خليتها اسود وبيض شكرا يالمهند

العفو يا جار القمر .. وتراك من ضمن اللي خارج نطاق التغطية ..!!!
مرور جميل ..
بصراحة رحمتك يوم شفت توقيعك ودي أقيمك لكن من وين ..
هلا بك ..

ماشاء الله تبآركَ الله
حمد لله على سلآمتك ورحله ممتعه
مناظر تفتح النفس
تسلم يدينك على التقرير الكامل المكمل ..
والله يتم عليكم سعة الصدر والطلعات الحلوه..

لا تعبت يا المهند والحمد لله على السلامه
رحله رائعه يا الرحاله"
وسلمت الايادي على التقرير
سؤال وراكم ماطقيتو الخيمه في اليوم الثاني؟؟
ولا كان ذرا عند النقرهـ!
اوما الربيع كل ماله ويزين ماشاء الله
بارك الله فيك ولا تحرمنا من جديدك..