كشتة قميري في أرض الصمان 10/1430هـ

اقتباس: المشاركة الأصلية كتبت بواسطة رجال الرجاجيل    الله يقطع ابليسك ياخوي المهند اشوني ماشفت الصور الا عقب الفطور والا كان جا علم لاني صايم الست من شوال وتوني بادي الصيام بس فية ملاحظة لونكم شايلبن روس الطيور كان اجمل وبالهناء والعافية ؟

فك الله الغاز ... وما أفطرت إن كان خرب عليك الصوم ...
الله يتقبل منا ومنك ...
أما شغلة الروؤس .. فحلاتها إذا عضيته وطلع مخه ... يجي له نطعه ..!!!
وهذا اعتقادات الشيبان اللي معنا .. لاتقول شيء ثم يخلون الريش ..!!

منتهى الجمال تقاريرك ..

إبداع حتى الإشباع ..

عسى العافية أحلى من الطعم ..

رحلاتكم سعيدة دومًا ..

تسلم يالمهند على الكشته الرائعة

يازين هالكبسه ياالمهند الله يهنيكم بها

اما هالقرص ماله ام داعي

كل هالطلعه كوم وهالمعوق كوم وش طالع يبي وش طالعين به تبون
الله لا يفتنا ووه بس

يعطيك العافيه يارب
ع التقرير الرائع
عن الرحله بس بيني وبينك
الرز شهيتني فيه
الله يوسع صدوركم بالعافيه

الف شكر يالمهند

المهند ،اسم لايغيب عن الابداع ضمير متصل في محل رفع فاعل بالضمة.
ودي والله اطلع معك لكن مدري عن ظروفك.
نتف بذمة واخلاص .

مشاء الله عليكم
بالعافيه على بطونكم

وعليكم السلام ورحمة الله وبركاته ...
هالأسبوع التقآرير كلهآ طبخ ... وخيرآآت .. عسآها دوم ..
وكالعآدة نشآهد آجمل التقآرير وآروعهآ بعدسة أخي المهند ..





وشسمه الحين الصمآن مافيهآ الآ الضعوي <-- تسمع بهآ ..

.. ماتسوى عليكم قطع الخطوط عشآنها ..
والله يحفظ لكم شيآبكم .. بس تخيلت نفسي مكآنك .. شموس .. وهذرة شيآب ..
وش حآدك ع الغثى والتعب .. <-- عشان نتفت طير



بالعآفية عليكم .. الحمد الله اللي ماعطآني ربي حبهآ ..

سلمت يدينك .. كن بخير

اقتباس: المشاركة الأصلية كتبت بواسطة ولد أبوه    منتهى الجمال تقاريرك .. إبداع حتى الإشباع .. عسى العافية أحلى من الطعم .. رحلاتكم سعيدة دومًا ..

اللهم آمين الله يمتعنا بالعافية الدائمة ...
ولد أبوه .. إن تكلمنا عن الابداع فلن نبلغ معشار ما تقدم ..

فبارك الله فيك ...