كرسي الأعتراف مع الضيف ..( نسيـــــــــــــم)..

صديقي نسيم الغالي ..
في الوقت الحالي أو في الأيام الخوالي ..
ارحب بك في هذا الكرسي الذي عاد للنور مرة أخرى بفضل أختنا دنيا الأحلام ..
أشكرها على هذا .. وعلى اختيارها لضيف ليس باالسهل بل هو أحد قامات المنتدى
والمعروف بمشاكساته في أي حوار .. وهو إضافه جميله للمنتدى وحضور له طعم آخر
نسيم اسم عندما أرى له مشاركه أعرف أننا موعودون مع المتعه..
لا أخفيك يانسيم بأني أحد المعجبين بقلمك وبسعة صدرك التي تجبرنا للوقوف لك احتراما ..
أخي نسيم .. سؤال واحد فقط ..
انتسابك للمنتدى من عام2005 ميلادي ولكن حضورك الفعلي كان في عام 2008 ميلادي
سؤالي أين كان قلمك قبل 2008 .. !!
متمنيا لك قضاء أحلى الأوقات بين من تحب ويحبونك ..!!

1- أيهما أثّر عليكـ أكثر انقطاع الكهرباء في تمير الصيف الماضي أم الخلل الذي حدث في المنتدى ؟ ولماذا ؟
الله لايعيد ذاك الصيف صيام وصيد دخل بس نقصها شي واحد وتكتمل المواصفات (دوام) وبعدين اتفقنا على تسميتها يالداميا(سنة الكهرب)ليس لها مثيل لاني كنت حاط في راسي مكيف ونوم الحمدلله انها عطلة.
الخلل اللي اصاب المنتدى كبير والله واثر في نفسي الشىء اللي لايعلمه الا الله حقيقة اثر على بالحيل واهم الاسباب فقدنا اعضاء لهم محبة اعتبرهم اصدقاء وصدقيني ويشهد الله وانا في الشارع في العمل في البر احس بكم واعتبركم اصدقاء لي نسولف نمزح اقول في نفسي متى ارجع للمنزل حتى اجلس معكم والله هذا احساسي .واصاب بعض الاحيان بصدمة اذا النت عطلان والله تضيق بي الدنيا .
2- كثر اهتمامكـ أخيرا بمواضيع الطقس ، وغالبا ما تكون توقعاتكـ غير صحيحة ! فماالسبب ؟
لولا محبتنا للمطر واهتمامي به لما تكلمت عنه (وبعدين كل موسم له سوق وسلعة)الى جاء فصل الصيف والحر نفضي للحكي .
لالالالالالالالالالا اتهام باطل تذكرين يوم يجينا المطر كل ماقلت شىء جاء صحيح بمشيئة الله ههههههههههه وانشدي مخاوي تمير وابوحمد
3- في بعض ردودكـ نجد القسوة على المحاورين الأخرين فلماذا ؟
ابد لا قسوة ولا غيره بالعكس انا زي الزبده والقشطة .
شوفي اختي الداميا خاصة الحوار انا لي هدف وبعض الاحيان الاهداف المراد توصيلها يجيب الا يعلمها احد لكي يتحقق الهدف .والا انا بعيد كل البعد عن مجال العناد والانتصار للراي اريد ان كل واحد يعطي رايه يتكلم مايصير امعه والا يخاف من النقد ملينا من نغمة (مشكور الله يعطيك العافيه ماقصرت الخخخخخخخخ)نبي كل واحد يقبل النقد بأي اسلوب كان .

مشكور اختي الداميا

تحياتي نسسسسسسسسيم

اخوي العزيز قلب الاسد بالعامية المحببه المعروفة لدى الجميع نظرتي لك ينطبق عليها (الشك زايل)انا اعتبرك من اهل المبادي والقيم النبيلة ويشهد الله انني اتكلم من اعماق قلبي .اخوي تذكر عندما قلت لك (مع الخيل ياشقر) تذكر موضوع (بأي ثمن باعوها)الموضوع لك في منتدى الحوار هنا كنت ابحث عن صديق فنعم الصديق انت تواجدنا ودعمنا من وجودك انت والاخيار امثالك في هذا المنتدى.
انتسابك للمنتدى من عام2005 ميلادي ولكن حضورك الفعلي كان في عام 2008 ميلادي
سؤالي أين كان قلمك قبل 2008 .. !!

تبي الصراحة وقتها كنت لا اشاهد متعه اجي متصفحه لا اعرف منتدى ولا غيره بالعربي كنت اسمع بالنت ان فيه اخبار فقط ماكنت ادري ان فيه فروع واقسام بعدها بديت اسمع ان فيه شعر قلت يا الله نشارك شوي وبعدها تركته الى ان جاءت المشاركة الفعلية اللي انت ذكرتها.
دخلت في قسم الاخبار لاني شفت ابوحمد 2011شغال معهم قلت غريبه اصدق اكذب صار الرجال هو عرفته بالتوقيع (شاص)الرجل هذا من قديم ايام الكنود كنا شغالين فيه من جد وبعدها فقدنا الكنود .وعندما عرفته قلت المتعه هنا في المنتدى مع ابوحمد وكان يشكرني ويعطيني وجه اذا جبت خبر في المنتدى وتولعت بالمنتدى كلها من ابوحمد الله يعطيه العافية وطول العمر علما انه مايدري منهو نسسسسسيم ياقلب الاسد وهذا السبب.

تحياتي لك ياصديقي قلب الاسد

نسسسسسسسسسسسسيم

أخي نسيم جزاك الله خيرا على تلبيتك للدعوه وهنحن نصل معك إلى نهاية المطاف أتمنى مانكون أزعجناااااااااااك أو ضيعنا وقتك وبالتوفيق دنيا وآخره سلاااااااااام................
دنـــــــــــــــــــــــيا الأحلام

اقتباس: المشاركة الأصلية كتبت بواسطة دنيا الأحلام    أخي نسيم جزاك الله خيرا على تلبيتك للدعوه وهنحن نصل معك إلى نهاية المطاف أتمنى مانكون أزعجناااااااااااك أو ضيعنا وقتك وبالتوفيق دنيا وآخره سلاااااااااام................ دنـــــــــــــــــــــــيا الأحلام

جزاكم الله خير جميعا والله يوفقنا واياكم لما فيه خير .
تمنياتي للجميع بالصحة والعافية ومن العايدين جميعا مقدماً.
مشكور اختي دنيا الاحلام على اتاحةهذه الفرصة الجميلة مع الاخوان.

اخوكم نسسسسسسسسسسيم