:: طلعة صمانية .. 25 / 4 / 1432هـ : صور : مواقف : خلف الكواليس : لحظة وداعية ::

اقتباس: المشاركة الأصلية كتبت بواسطة نسيم    المهند،ماتلاحظ ان بعض الناس اذا بغى يطلع جمع بزوره !!!!!!!!!! مقصرين من بزرانا يجيب بزوره. وبعد انتم واجد ,4 والا 5 فيهم بركه ,لكن كذا وين حاجين؟

ههههههه

يا أخوك يا حليل بزارينهم عند بزارينا ...
لايشغلونك في تطيرة الشراب ...
ولا في الصياح والخوف في الليل ...

ووذفين ... تأمرهم يقول لك أبشر .. وحتى سيكله معه .. حتى ما يغبر عليك ...

بزورهم غير بزورنا ...

والكرة زينة بعض المرات .. تتغير السالفة .. وتتغير الوجيه ..

اقتباس: المشاركة الأصلية كتبت بواسطة أبو تميم الفيصل    تسلم يالمهند على التقرير الرائع امتعتنا كعادتك في اعداد التقارير ويكفي في تقريرك ابو مشل الله يرزقة مايتمناه ولايهونون باقي الشباب

الله يسلمك ويجزاك خير على دعواتك ...

أبو مشل والله يصلح له لقب ( أمير الشباب ) الله يحقق له مبتغاه ...

رجال نيته زينة وقلبه صافي .. الله يبارك له ..

اول شي يااااااااااااااا حبكم بالمهند للعصافير والحمام *~*


الشي الثاني



وشو هاللي بالكأس البلاستيك اللي يصبه بالصحن ما عرفته




ياحيااااااااتي والله اني من شفتكم حاطين عندهم قشر الموز والبرتقال وحامينهم قلت اكيييييييد بياكلونهم >> احلفي اجل بيصورون معهم هع هع


الشي الثالث



وشو ذا هاللي قااعد يمعط فيه ؟؟؟؟؟؟؟؟؟؟!!!!!!!!!


ادري والله حتسي واجد
بس من جد ابي اعررررف >> سديراويه هههههههه

عوافـي المهند ع التقرير

دآآآآآم ابداعـك

،

ماشآءالله تبارك الله رحله ممتعه وعسااهاا دوووم هالجمعه
وما خليت شي الاصورته وعسى الله يعطيك العافيه ..

اقتباس: المشاركة الأصلية كتبت بواسطة المهند    ههههههه يا أخوك يا حليل بزارينهم عند بزارينا ... لايشغلونك في تطيرة الشراب ... ولا في الصياح والخوف في الليل ... ووذفين ... تأمرهم يقول لك أبشر .. وحتى سيكله معه .. حتى ما يغبر عليك ... بزورهم غير بزورنا ... والكرة زينة بعض المرات .. تتغير السالفة .. وتتغير الوجيه ..

ياحليلهم والله عند اهلهم.
اجل سيكل !!!!!!!!!!!ثم ابلش بنشر اتفخه وحنا صحاح نزل المفكات ،عسى ماشر .والله لحذفه هو وسيكله

طلعة روعة لريضان الصمان الجميله
والحمام الفرنسي والارانب مع الربيع شي غير

والتقرير جميل بالكشخه الحلوه لابو مشل
شكرا يالمهند للتقرير الجميل والمتميز

ماشاء الله تقرير كامل ومتكامل اخوي
المهند وربع شقرديه
شكر لك :)

مآشآء الله طلعه غير وممتعه .. الله يسعدكم ويهنيكم يآرب..
خسآره شكل ربيع الصمآن انتهى ومآبعد شفنآه .. الله يرزقنآ بروحه له ..
عجبني تصويرك شكلك جآلس في برج مرآقبه ..




تسلم يمنآك على التصوير وبالذآت صور خلف الكوآليس والتعليق عليهآ ..
شكله الودآع الآخير قبل الذبح ..


كفيت ووفيت ويعطيكْ العآفيه ..

اقتباس: المشاركة الأصلية كتبت بواسطة ملح سديـر    اول شي يااااااااااااااا حبكم بالمهند للعصافير والحمام *~* الشي الثاني وشو هاللي بالكأس البلاستيك اللي يصبه بالصحن ما عرفته ياحيااااااااتي والله اني من شفتكم حاطين عندهم قشر الموز والبرتقال وحامينهم قلت اكيييييييد بياكلونهم >> احلفي اجل بيصورون معهم هع هع الشي الثالث وشو ذا هاللي قااعد يمعط فيه ؟؟؟؟؟؟؟؟؟؟!!!!!!!!! ادري والله حتسي واجد بس من جد ابي اعررررف >> سديراويه هههههههه عوافـي المهند ع التقرير دآآآآآم ابداعـك

ذا مهوب حتسي ... ذي كلها أسئلة ..!!

أما الأول :
فاللهم لك الحمد جربنا نأخذ ذبيحة لقيناها ماتصلح ... اللحم يمل منه الواحد في وجبتين ... وشلون في الرحلة كلها ...

أما الثاني :
هذي مرقة الحمام ... طعمها يصك في الرأس ... ويذكرني بطعم القميري ...

أما الثالث اللي ما ثلث ..!!
فأننا فضلنا أكلها طازجة .. ومأكلةً من ربيع الصمان ...

أما الثالث اللي مثلث ...
هذي مكرونة .. وفي رواية أم جنيب .. وقد كثر خرجهن في البر ...

والله أعلم ...

اقتباس: المشاركة الأصلية كتبت بواسطة &رذاذ الالماس&    ، ماشآءالله تبارك الله رحله ممتعه وعسااهاا دوووم هالجمعه وما خليت شي الاصورته وعسى الله يعطيك العافيه ..

اللهم آمين ... ويعافي الجميع ..

وش أسوي عينوي الموثق الاعلامي وقمت أصور ... وإذا ماصورت نطلت الكاميرا وقاموا يصورورن ..

يالله لك الحمد حتى التحميض ما فيه ..