نسائم نسيم

اقتباس: المشاركة الأصلية كتبت بواسطة نسيم    اعوذ بالله منظره بشع . اعتقد ان اللي سوابه كذا ورر يبي ياكله ونشببه. طيب واللي وراه هذا وشو يابوحمد . لكن بين انه متير الماخوذ وعكرة مغريه جدا .وش تبي بعكرته يابوحمد تبي تاكلها يامتوحش .غريبة في الدهنا وضب . تحياتي نسسسسسسيم

الظاهر ان الي وراه الرقبه كاني ما نيب واهم
ههههههه حلوه ابا اكلها
لا تقول الا خير
ما تدري وش يصيرلك في البر
والدهناء مليانه ضبان بس وين الي يصيدهن من 3سنوات رحت وطلعت للصمان
مع الدهناء رايح اضبب
والله مليانه..
تحياتي لك..

اقتباس: المشاركة الأصلية كتبت بواسطة ابوحمد2011    الظاهر ان الي وراه الرقبه كاني ما نيب واهم ههههههه حلوه ابا اكلها لا تقول الا خير ما تدري وش يصيرلك في البر والدهناء مليانه ضبان بس وين الي يصيدهن من 3سنوات رحت وطلعت للصمان مع الدهناء رايح اضبب والله مليانه.. تحياتي لك..

والله مافيه من الزين شىء لاطعم ولاشكل لكن الناس مبلية بالضب والضب مبلي بالناس .
ابوحمد نبي نتفق جميعا مانقرب الضب ونسوي حملة منع صيد الضب .
لكن المهند الله يهديه تقول ماذاق العيشة يلاحق الضبان في الصمان .
ياناس بدال الضب حبة دجاجة اطعم واحسن ولذيذ اذا انك ماتقدر تشري لحم يالمهند .
تحياتي يابوحمد

والله يا نسيم كل نفس وما تشتهي ...

خلك في السنة كلت الدجاج أو اللحمة 365 مرة .... يا أخي غير ... وكل ضب ..
ييجي يوم تبيض من كثر ما تأكل الدجاج واللي يجي يوم تبعي امبااااااااااع امباااااااااااع .. لكن وش يضرك لو يجي يوم وقمت تلافط كنك ضب!!
الله يا هو شيء خصوصاً إذا صار مربع وعضيته مع يده وقلت : أنا اللي آكل الضبان أكآل ... همممممممممممممم ...

والله لو أنه وقت ضبان لأخلي كبدك تحوم من كثرها ... شف وحدة من اللقطات ... هذا ضب الله يسلمك ماكل كيس شف وش طلع :



وععععععععععععععععععععع

اقتباس: المشاركة الأصلية كتبت بواسطة المهند    والله يا نسيم كل نفس وما تشتهي ... خلك في السنة كلت الدجاج أو اللحمة 365 مرة .... يا أخي غير ... وكل ضب .. ييجي يوم تبيض من كثر ما تأكل الدجاج واللي يجي يوم تبعي امبااااااااااع امباااااااااااع .. لكن وش يضرك لو يجي يوم وقمت تلافط كنك ضب!! كلامك واقعي ويدل عن تجربه لك يالمهند .اجل انت مغرق السوق بالبيض انصحك تجيبك لك فقاسه . الله يا هو شيء خصوصاً إذا صار مربع وعضيته مع يده وقلت : أنا اللي آكل الضبان أكآل ... همممممممممممممم ... والله لو أنه وقت ضبان لأخلي كبدك تحوم من كثرها ... شف وحدة من اللقطات ... هذا ضب الله يسلمك ماكل كيس شف وش طلع : وععععععععععععععععععععع

اعوذ بالله منظر مقزز ياخي وشلون تاكله وانت تشاهد المنظر هذا .
وجهة نظر لي خاصة انا اشكك في ادمية اللي ياكل الضب يالمهند.

تحياتي لك نسسسسسسسسسسسيم

الانسان يصاب بعض الاحيان بالملل يبي يجدد يمل من ترديد الحكي .يعني تخيل الروتين اللي تمشي عليه العام ملازمك السنة هذي الصبح فطور حليب فول بيض خبز تميس .الغداء رز لحم دجاج العشاء مكرونه قرصان ايه نسيت الجريش بعض الاحيان في الغداء هذا نوع من التجديد.

طيب الى متى وحنا كذا .ليه ماروح للمطعم ليه ما اقعد يوم يومين ما اكل شىء احسس نفسي بلاهانه اغلب هواها اللي دمرني وضيعت وقتي وانا اتبعها.
نسسسسسسسسسسسيم

نسيم الكل منا يحب ان يغير جو ويغير الاكل بس احس انك كاتم روحك رح يا اخي..

للشرقيه للغربيه رح للي خبري خبرك!!!

وش مقعدك في بيتكم في هالعطله بالذات..

او اذا طلعت للبر غير مهوب لا زم كبسه ودجاج والا لحمه حاشي

دور لك من التشكيله وانت جاي

بس اهم شي لا تنساني...

اقتباس: المشاركة الأصلية كتبت بواسطة ابوحمد2011    نسيم الكل منا يحب ان يغير جو ويغير الاكل بس احس انك كاتم روحك رح يا اخي.. للشرقيه للغربيه رح للي خبري خبرك!!! وش مقعدك في بيتكم في هالعطله بالذات.. او اذا طلعت للبر غير مهوب لا زم كبسه ودجاج والا لحمه حاشي دور لك من التشكيله وانت جاي بس اهم شي لا تنساني...

نسيم الكل منا يحب ان يغير جو ويغير الاكل بس احس انك كاتم روحك رح يا اخي.. للشرقيه للغربيه رح للي خبري خبرك!!!
فعلا كلامك في محله يابوحمد لكن حنا حكم علينا الزمن والظروف ان لا نغادرالا اذا تغيرت الظروف والاحوال المحيطة بي شخصيا .جبرني الوقت ان لا اكون حر نفسي والله مقيد يابوحمد وصارت تلك القيود مثل الصديق الحميم الذي لا استطيع فراقه ابدا كثير من الاخوان يسال ليه ليه ؟لكن نقول ان شاء الله في المستقبل تتحسن الظروف .
الان تشوفني في المنتدى والله احرص عليكم جميعا واحب تواجدكم وان لا اخسر احد منكم لاني بكل صراحة وانا اكتب وارد اتخيل اننا في مجلس واحد بل اقرب تجدني اضحك بصوت مرتفع والله ماتتخيله .
اجبرتني بلاعتراف يابوحمد !كيف اخترقتني بهذا الرد لا اعلم ؟اعتقد ان سؤالك يحمل حس محب وناقد محب لي شخصيا لذا اعترفت بما في نفسي .
ابدا لا انساك يابوحمد
نسسسسسسسسسيم

الاصطياد في المياه العكره .

اللئيم دائما يحب تصيد الزلات على الاخرين وتتبع الصقطات .
وين الستر وين المروءة وين وين وين .لماذا تذهب المثاليات الكاذبة التي ندعي باننا نحملها ونحن نكتب ونتكلم ؟
لماذا لانكون على قدر منها لو بنسبة ربع في الميه منها؟
هذي وهي كلمة اجل لوتكون صور وحركة ماذا يكون ؟
مادور الرسائل الخاصة؟لماذا وجدت؟
الى هذه الدرجة العقليات .حقيقة اتا مصدوم جدا .

تحياتي نسسسسسسسسسسيم

اه ياعبدالله بن عون كم انت شاعر وعملاق.
والله عيب الانسان يقول على نفسه شاعر وبن عون موجود .فعلا ذهب الحياء والله شىء مضحك اذا تسمع غير بن عون .وايضا العملاق الاخر محمد خلف الخس المطيري الذي سوف اتي بقصائدة ومساجلاته مع ابن عون .

لاباس ياقلب ٍ همومه تلامسه
بيدينها في كل ليل ٍ تخامسه
مايتركنه يوم واحد من الشهر
ولهن عليه إليا إنتحى الليل رامسه
وروح ٍ بنيران المحبة تحرقت
عليها الغرام مصولباتٍ محامسه
وعين ٍ ليا جا القلب يدله تذكره
عنودٍ تجدد مادرس من روامسه
ليا عرضت خطوا هنوف ٍ مخفره
حورية التوصيف بالزين طامسه
تجر ذعذاع الهوى في شليلها
كما وردةًٍ في مدرج السيل غامسه
في فيضة ٍ ريح البختري عطورها
ممطورة ٍ مثل أمس واليوم شامسه
ماطب فيها ألا بعض شرد المها
والطير توحي في طرفها هوامسه
فلا عاد أجيد السالفة مع منادمي
كن النهار بعيني الليل دامسه
ياوصل ٍ شاعر هوازن تعلمه
عن حالي اللي واهج الحب حامسه
ناده بصوت ٍ شاهر ٍ لين ينتبه
وقله رفيقك مخلب الهم لامسه
وأنا خابره كل الصعايب يرومها
على النوز ماتخط الضرايب نيامسه
تكفا يابو نواف روحي تعلقت
في واحد ٍ عنها الرجا الياس طامسه
وأخر ماأقوله لك ترى قلبي إحترق
كما لمبة ٍ فيها السلوك متلامسه
من واحد ماهوب ياوي ليا كوى
كوى القلب بأربع وألحق الكبد خامسه

نسسسسسسسسسسيم

وأخر ماأقوله لك ترى قلبي إحترق
كما لمبة ٍ فيها السلوك متلامسه
وين انت رايح يابن عون .
حرام الشعر والدرر هذي كل من هب ودب يسمعها .
من واحد ماهوب ياوي ليا كوى
كوى القلب بأربع وألحق الكبد خامسه
وين الاحساس يامن تعشقون الشعر.
لكن وش الحل اذا الانسان فاقد حاسة السمع والذوق .

تحياتي لمن فيه ذرة احساس او يحس انه في يوم من الايام ان له مشاعر. نسسسسسسسسسيم