رُكْن النهاية

عـديـت لــي رجــم عـلـى راس نـايــف
،،،،،،،،،،بــاقــي رســومــه لـلـبـلــى مسـتـهـيـلـه
مبناه شرق اللي على الخيف لايف
،،،،،،،،،،وايـمـن مسـيـر الـلـي يـجــي للنفـيـلـه
وقــفــت بــــه وانــــا وقــوفــي كــلايــف
،،،،،،،،،وارخيـت لـه عـن عبـرة العيـن شيـلـة
له جابني من ماضي الحـب طايـف
،،،،،،،،،،يـوم الهـوى صــادف نـفـوس بخيـلـة
مانـي علـى المقفـي كثـيـرة حسـايـف
،،،،،،،،ولا نـيــب لـلـبـرق المـجـنـب مـخـيـلـه
مـــــادام مـاوبــلــه بــقــاعــي ذرايــــــف
،،،،،،،،،وش لـــي بـحــروة بـارقــه كـــل لـيـلـه
انــا وفـيـت وشـفـت مـاكـنـت شـايــف
،،،،،،،،،والـحـب عفـتـه يــوم هـــذي حصـيـلـه
لا ابديتها من هرجـة النـاس خايـف
،،،،،،،،والـيـا سـكــت بـوســط كـبــدي ملـيـلـه
لي صاحب لا قبـل ولا هـوب عايـف
،،،،،،،،مـتـحـيــر بــيـــن الـطــمــان وطـويــلــه
عــلــى ذلــولــه مـومـيــات الـسـفـايـف
،،،،،،،،تـبــدي لقـلـبـي مــابــدا مــــن رحـيـلــه
ضحـكـت لــه وابـديـت زاه الشـفـايـف
،،،،،،،،،،وارويــت مــن نـبـع الـمــوده صمـيـلـه
ان رحـــت يـاكـثـر الـركــاب النـكـايـف
،،،،،،،،،مــاكـــل خــيـــال يــحـــوش الـكـحـيـلــه
الشاعر
عيده الجهني

دام الحياه الفانية مستقره**** ورزقك يجيك وبين الأجواد مستور

لاتنشغل بالوقت برده وحره**** واحذر تصير بقسمة الناس مقهور

وحكم القدر لاجاك خيره وشره**** أشكر عظيم الشان والذنب مغفور

والمجلس اللي يزعجك لا تمره**** خله تراك بشوفته منت مجبور

والرجل سقها في صحاصيح بره**** ومد النظر مابين ريضان وزهور

لا صار وجه القاع ما فيه جره**** والمشي حافي والثرى توممطور

ساعات صمتٍ ما وراها مضره**** تسوى الكلام اللي به إذنوب وإشرور

أطلق خيالك وأترك النفس حره**** وخل الطبيعه في حياتك لها دور

وبالليل لا بانت نجوم المجّره**** أذكر بديع الخلق بـِ إحـساس وشعور

واسجد لرب الكُون مره ومره**** وإحفظ لسانك وأترك الكذب والزور

وفروض ربك خلها مستمره**** وطاعتك لا يدخل بها نقص وقصور

سلام تسليمٍ من البحر للنيل
،،،،،،،،،،،،،،،،يهب له ريح الشمال بشماله

يسوق ريح المسك والبن والهيل
،،،،،،،،،،،،،،،،والعود الازرق والعلوم الجلاله

على الاصيله فالجة صبح الاصيل
،،،،،،،،،،،،، صدر الشمال وعين نجد ودلاله

عسى السحاب اللي تمثنى الاقاذيل
،،،،،،،،،،،،،،،،،،يصب في راحة يديها خياله

الـلّـي ســرى ليـلـة الجـمـعـه وعـلــى ولاه
عــز الله إن لـيـلـة فـراقــه دروس وعِـبــر

الله يسـهـل خِـطــا رجـلــه و يـغـفـر خـطــاه
من يوم شفته .. وأنا دار ٍ إن عنده خبر !!

لو ما أستباح العيون اللي بكـت فـي رجـاه
ماضاق صدر الرياض وضاق صدر الخُبـر

خـذ كـل شـيء وعطانـي خنجـر مـن جفـاه
توغـلـت فــي ضلـوعـي .. قفلتـيـن وشـبــر

هـوايـة ٍ يستـلـذ إبـهــا وهـــو فـــي صِـبــاه
والظـاهـر إنـهـا تـبـي تكـبـر مـعـه لا كـبــر

لـــو إيتمـثـنـى حــريــره ضـفـتـيـن الـقـنــاه
قامت تغني له الامـواج يـا ( أسمـر عبـر )

وسـتـارة القـلـب يـــادوب إلتـفـاتـت مـهــاه
وتقدهـا مـن قِـدم !! وتقدهـا مـن دُبــر.. !!

أنــا دخـيـل ٍ عـلـى ربّــي وأنــا فــي حـجــاه
من كسـرة الخاطـر اللـي لا إنكسـر ماجبـر

لو ماقرى إسمي بعلبة ( زعفرانـه ) نســـــــــــــاهـ
قـسّـتـه الأيـــام وأخـلـفـه الـزمــان الـغـبـر

لا تـامـن الـوقـت لاشـفـت الحـفـاه الـرعـاه
يـشـيّـدون الـقـصـور .. ويلـبـسـون الـوبــر

وإن حاصرك زول من تغلي وضامك غـلاه
إن مـاذكــرت الـنـعـش وإلاذكـــرت الـقـبـر

تـدري متـى تنفـض يديـك وتعـاف الحـيـاه؟
لأعطاك ربّي ( معاناه ) وحرمك ( الصبر )

ليت الورق يقرا وش اللي كتب فيه ..
،،،،،،،،،،،،،،،،،،،،و ليت القلم يدري وش اللي جرا به ..//

أن كان ما تمسي فـ صدري مشاريه ..
،،،،،،،،،،،،،،،،،،،،،،،و لا أتضايق لو تضيق الرحابـه ..//

واه. صوتي اللي عجزت الناس توحيه ..
،،،،،،،،،،،،،،،،،،،،،،غريب يوم أصوات غيري تشابــه ..//

البيت بيتك و المواري مـواريـه ..
،،،،،،،،،،،،،،،،،،،،،،،،،لكن كـبرت ولاكبر معك بابه ..//

و الناي لو نقض جروحك بـ أغانيه ..
،،،،،،،،،،،،،،،،،،،،،،،،،،،،جروح غـيرك نـقـضتها ربابه ..//

ما هو يتيم أن كنت أنا اللي مغنيه ..
،،،،،،،،،،،،،،،،،،،،،،و لا هـو فـقـير أن كان جرحي زهابه ..//

و الغايب اللي يغري الشعر طاريه ..
،،،،،،،،،،،،،،،،،،،،،،،،،،،،،مـا قل قدره لو يطول غـيابه ..//

كم لي و أنا أحث القصايد تخليه ..
،،،،،،،،،،،،،،،،،،،،،،،،،،،حتـى تلاشـت رغـبتي في الكتابه ..//

و الشعر لو يفقد حروفه و أساميه ..
،،،،،،،،،،،،،،،،،،،،،،،،،،،مـدري وش اللـي بعـدها ينبغابــه ..//

أحترت بين أعتب عليه و أراضيه ..
،،،،،،،،،،،،،،،،،،،،،،،،،،،أخاف لا يـجـرح رضاه بـ عـتابه ..//

أحيان أقول آبيـهـ , و أحيان ماآبيـهـ ..
،،،،،،،،،،،،،،،،،،،،،،،،،،الا أبــيـه و لـو يبي لـي عـذابـه ..//

يـ اللي تجونه دامني ماأقدر آجيه ..
،،،،،،،،،،،،،،،،،،،،،،،،،وصوا ذهـابه .. لا يـشح بــ أيابه ..//

و قولوا له أني من كثر ماني أغليه ..
،،،،،،،،،،،،،،،،،،،،،،،،،،،،أشـرب سرابه و أرتوي من سرابه ..//

و على كثر ماأنسى اذا قلت ناسيه ..
،،،،،،،،،،،،،،،،،،،،،،،،،،،دار الزمان و جاب عشقــه و جابه ..//

حنيت لـ أيامه و ضحكت لياليه ..
،،،،،،،،،،،،،،،،،،،،،،،،،،،،،،،،،قبله وبعده كــل وقـتي رتابه ..//

أن لمت قلبي عاقبتني محانيه ..
،،،،،،،،،،،،،،،،،،،،،،،،،،،،و أن قلت ابرضا عز نفسي رقابه ..//

البارحة كنت أكسر الروح و أنهيه ..

،،،،،،،،،،،،،،،،،،،،،،،،،،،،كان الورق أرض و عيـوني سحابـه ..//

زرعت ماأحبه ولا عاد لي فيه ..

،،،،،،،،،،،،،،،،،،،،،،،،،،،،،،،و جنيت أحبه لو يطول غـيابه ..//

أنا أســـحب نفـــسي مـن حيـــاة انســــــان ...
لا حسيت إني تكــملة عـــدد فـي مجالــــي ...

لي مبـــادئ وكلـــن لـــه مبـــادئ وإيـــمــان ...
بأن كل شي في هالدنيا مصـيـره زوالــــــي ...

أنـا بنصحـك نصيـحه وتـرانـا يـالغالي إخـــــوان ...
لاشـــفت المــقفي بيقفي لاتلحقه بالــسؤالي ...

واذا صرت بحياتك ما اسـوى زياده او نقـــصـان ...
بـس خبـرنـــي لانك بيـــوم كـــنت غــالــــــي ...

واذا حسيت ان كلامـــك مـــعي رد للأحـــسان ...
طلبتك لايجي له يوم لســـانك على لـــســاني ...