سواليف الضحى العااااالي

اقتباس: المشاركة الأصلية كتبت بواسطة هيّاف    هبووووووب أنت مبدع خطير عندك خيال واسع بالطرح استمتعت بدخولي صفحتك لاعدمنا طلتك وعساها تكمل فرحتك عطاك الله العافيه

الابداع هو حضورك هنا متصفحي

يا هياااااااااااااف

اتشرف بوضع بصماتك في مدونتي

اقتباس: المشاركة الأصلية كتبت بواسطة طفولة تمير    مدونه جميله وسواليف اجممل وين ايامك غايب عنا،،انتظرك سواليفك عن المزرعه والا شكلك بعتها،،ماتجيب لها طاري،، الشهر المبارك عليك اخوي هبوب الريح

هلا وغلا بطفولة تمير

الاجمل هو حضورك الجميل ووضع بماتك بمدونتي

وتقبل الله منا ومنك صالح الاعمال طفوله

اليوم اخذتلي تعسيله على قولتهم (( نومه )) عقب الفطور المغرب

وهذا اللي مصحيني هالحزه مدري وين اروحله

العالم كلها بالاستراحات والشوارع فاضيه

شربتلي لبن بقر من انتاج بقرتنا ودلخت المغرب ونمة وفاتتني صلاة التراويح

والحين صاحي مدري وين اروح له تقول شغال خفير اسهر على راحتكم

بس خل عنك الحتسي المنتدى مليان عالم اثركم تسهرون

والظاهر ان هذا وقته تتجمعون فيذا هالحزه

يمال العافيه يا مدونتي

نروح ونجي مالنا الا انتي

هلتس ظما قصرت وانا القط دخيخلات من الشبتسه

والحيظان مليانه ماء وطين

والله مدري وش حادني على الشقى والتعب

لكن يمدحون الصباب المكينه الماء باااااااارد والواحد يشاهق مشاهق بالحيل

يفسخ التعب ولا كنك سويت شي

ابد وخذلك غطه تحت المعشش برااااااد يهفهف تقول تحت كنديشه


اااااااه بس متى يذن المغرب

أضحكتني أضحك الله سنك أجل شربت لبن بقر وراحت عليك التراويح انتبه بالمره الجايه

عطاك الله العافيه

اقتباس: المشاركة الأصلية كتبت بواسطة هيّاف    أضحكتني أضحك الله سنك أجل شربت لبن بقر وراحت عليك التراويح انتبه بالمره الجايه عطاك الله العافيه

حياك ربي يا هياف

لبن البقر زين مهنا غنات عنه

خل عنك الحتسي

الجريش له نكهه في رمضان وخصوصا بعد التراويح واذا صار عند ابوك شياب قالطين واميمك مصلحه هاك الجريش اللي يخلي الواحد ياكله حتى ولو هو شبعان

عليه قطيعاااااااات لحم صغار وبصل محمووووووووووس اف بس

لوحت المفاتيح ريحتها جريش وبصل محموس من يدي >>>.....!!

ماشاء الله عليك يا هبوب تحب الجريشه هههه


يازين طعمه اذا صار مطبوخ على لبن بقر،،ما ودك تسلفني بقرتكم،،هع

واصل سواليفك الممتعه،،اخوي هبوب الريح،،

اقتباس: المشاركة الأصلية كتبت بواسطة طفولة تمير    ماشاء الله عليك يا هبوب تحب الجريشه هههه يازين طعمه اذا صار مطبوخ على لبن بقر،،ما ودك تسلفني بقرتكم،،هع واصل سواليفك الممتعه،،اخوي هبوب الريح،،

هههههههه اموت في الجريش

وش خليتي ما غير لبن البقر اذا صار حامض ومثلج ومحطوط في الفريزر له اسبوع

الا بسلفك بقرتنا وترجعينه بقرتين >>>>>>>>> ربا حيوانات هع