- [ ســجلَ دخـولـكَ و خروجكَ ] بـــ بـــيـــتُ أو أكثرَ من الشـعر ‌¬ الجزء الرآبع ] ! ‏

ومهما حصل عندي أمل ..
اني انا اشوفك ويجمعنا محل ..
ولو تضيق الدنيا عند الله فرج .

يا مروّق الكيف ياللي تبهر دلالك
فنجال رايق على ما تشتهي سوّه ..
ودي اضم الضحى لعيون فنجـــالك
ودي أرده عن الغيبــــــــات بمروّه ..
ودي اطفي سمـــوم القيض بظلالك
ودي اعدي طريــــــــق منقطع نــوّه ..

‏يوم عني غبت و غيابكك رحيل
ما سألتكك وين والرجعـه متى ؟
جمرة غيابكك لها فيني جميل
مغنيتني عنكك في برد الشتاء

‏خايف اني اضيّعك لو قلت احبّك
كل شيءٍ كنت أحبّه ضاع منّي

احتريت الشمس بـ فْصول الغياب
و اقتفيت النور بـ طْوال الدروب !
و ما لقيت إلا بـ سراب الإقتراب
حمرة ٍ تغرق سنا شمسي ’’غروب‘‘
غاب نور الصبح لآحلامي و ذاب
و ناح حلم ٍ ساير الضيم امغصوب
من هتيف اللي دعاني ثم غاب
غصة ٍ ضاقت على احساس امغلوب
و انطويت بـ حيرتي و الإرتياب
أكتبك ( حب ٍ ) و اسمّي بك ذنوب
ما وحيت الـ آااه في قلب ٍ مصاب
ما خذاك الشوق من عتم الهروب

بري حالي يوم طروك والعين اهملت
واحرقوا كبدٍ من البعد قدهي ناشفه !

الغلا لو يطول البعد لازم يدوم
ومن سلا عن هوى الخلان ماله عذر

كل غايب نقش في قلب خله رسوم
مامحاها الغياب ولا طواها السفر

من دونك العُمُر ما تغري ملذَّاته ،
ما لليالي حلا يا نعمة أيامي”

يا من يراعيني بعينه واراعيـه
بـعيون قلبي كل مـالاح زولـه
يفـز قلبــي لاتبدت مواريــه
واغض عنه الطرف والناس حوله
اقعد معه في الناس مـقدر احاكيه
اخشى لسـاني يختلف في مقولـه
يغلي الحيا في خاطري مقدر احكيه
يصرخ بصدري صمت قد طال طوله
اسـرح بفكري لا طرى طاري فيه
لا أقـدر ارد لـهم ولا اقدر اقـوله
لا اقدر افيض ســر قلبي ولا اخفيه
ولا اقـدر اداري لــه جروح عليلة
يــا من يناديني بـقـلبه واناديـه
يــا مودع ليـلي ليـال طويلــه
ينســى الغفى عيني إلى جيت باغيه
يا مـن يلوم اللي خـلا من خليلـه

فاقدينك والله انه من غلاك
وانت قلبك فاقد احساس وشعور
كم تغيب وتترك العالم وراك
ماتحسب شي والدنيا تدور
شف خفوق باع نفسه واشتراك
حاسب احساسك لايذبحك الغرور