نسائم نسيم

اقتباس: المشاركة الأصلية كتبت بواسطة الأنيق    حـمــام يـالـلـي عـلــى نـبـنــوب فــــي شـيـلــه الــفــن بـيـطــاره بالله علـيـك انـحــر الـرعـبـوب واســجــع بــفـــنٍ عــلـــى داره وان قال وش لك من المطلوب قــلْ لـــه مـــن الـولــف زواره الـــى تـبـسـم حـسـيـن الــــذوب حـــصٍ فـلــق عــنــه مــحــاره

حص فلق عنه محار !!!!!!!!!!ياسلام عليك يا انيق.
والا يقول الشاعر الاخر/
لاتبسم باللي كما صافي اللول ،،،،،،،بين الشفايا والكلام معسولا .

وش بقي من الزين علمني ؟
الانيق والله اني تبت عن هالكلام لكن حديتني عليه .

عاد لونها يحددها لنا المهند هو اول من ادخل الوزره لتمير خخخخخخخخخخ
ولان الوانها تجي غريبه

اقتباس: المشاركة الأصلية كتبت بواسطة شر التماسيح    عاد لونها يحددها لنا المهند هو اول من ادخل الوزره لتمير خخخخخخخخخخ ولان الوانها تجي غريبه

المهند هو من ادخل الوزار على هذا البلد الطيب ،الله يهديه سن سنة ماله داعي .
الوزرة لها استخدام معين بس حنا ماعرفناه، ولها سنع والظاهر ان اسمها يدل على السرعه في الحركه والانجاز .المهند يلبسها وهو لابس بنطلون طويل!!!!يعني اساء استخدامها.

والله يا مسكت لك تمساح يالتمساح ...

أنا أحسب أنه قوي .. وأثر ما عندك أحد ..



أثر الضب أشر منه .. لكن توه مدروخ ومطلع من الماء ...

على طاري الوزره ... لقيت أنها يمنع استعمالها عند اللي يلبسونها .. يعني يوم لبستها في سيرلنكا .. .قاموا يناظروني بعين تروع ..

ياعاذلين الشجي خلوه
الله يرشد بهم نوه

قل للهباسين لاسالوه
يخفي هوى مي ويموه

دليت باب ولا دلوه
فيه العجاريف ومروه

وارخيت دمع عليه اغلوه
كنه على وجنتي فوه

اقتباس: المشاركة الأصلية كتبت بواسطة الأنيق    ياعاذلين الشجي خلوه الله يرشد بهم نوه قل للهباسين لاسالوه يخفي هوى مي ويموه دليت باب ولا دلوه فيه العجاريف ومروه وارخيت دمع عليه اغلوه كنه على وجنتي فوه

هذا النوع من الشعر يسمى الزهيري يالانيق ،واكثر من يقوله اهل البصرة في العراق.

وفيه بيت جميل يقول فيه

نفعك لغيري وهمك بس انا شايله

اقتباس: المشاركة الأصلية كتبت بواسطة المهند    والله يا مسكت لك تمساح يالتمساح ... أنا أحسب أنه قوي .. وأثر ما عندك أحد .. أثر الضب أشر منه .. لكن توه مدروخ ومطلع من الماء ... على طاري الوزره ... لقيت أنها يمنع استعمالها عند اللي يلبسونها .. يعني يوم لبستها في سيرلنكا .. .قاموا يناظروني بعين تروع ..

بالله عليك اجل التمساح شكل بس؟وانا احسبنه خطير ،ايه يالمهند لاتغرك الاشكال .
الضب الضب يروع وبعض الاحيان تخف منه لو انه هاجد تخاف يتكلم ،خصوصا الى من نزل راسه ويناظرك من تحت ،لكن الى من صار هايش ماعليك منه .
اكيد تجي في ديرة ما يلبسون الا وزره ويمكن الوزره عندهم رمز ولبس رسمي تجي انت وانا نتعبث فيه ،اكيد بيقولون هذا يستهتر بنا.

النفوسَ آلوآفيهْ : رغمْ آلمصآعِب مآتميل
،،،،،،،،،،،وآلسمآ ، كِثر آلسحبْ مايغطي نورهآ. !

هل الفشل له علامات؟
هل فيه احد يستطيع ان يحدد وقت زمني لفشل عمل ماء؟او يملك الشجاعة في اصدار حكم نهاية امر ماء ؟
مثال بسيط على مصنع كان له دور وانتاج!
هل الادوات او الاشياء المستخدمة القديمة والمتهالكه لها دور في فشل مصنع، مع العلم ان المصانع الجديدة تملك احدث الالات والعماله مهندسين يحملون مؤهلات دراسية ؟
هل التقنية الحديثة مغيبه عن هذا المصنع؟

مسآء الَخيرَ : نسيمَ
متآبعة لـَ مدونتكَ المختلفة والرآئعة , فـَ لـآتحرمنآ هطول حروفكَ هنآ ,
آحترآمي |