يوم في حياة عضو

الله يعينك يومك صعب ومليء بالمصايب
صدق شكلك تحب الطقاق
اهلاوي استمتعنا بيومك ومغامراتك
من اجمل الايام اللي مرت علي

وضيفنا الجاي بإذن الله سيكون النادر
حياك الله ونبي يوم مميز
طرارويتشرط

ابشرو انتم تامرون امر
اليوم انزل موضوعي
وشكرا اختي احلام وردية

بإنتظارك يا مشرفنا

بسم الله الرحمن الرحيم
اولاً اشكر اختي احلام ورديه على الاستضافه طبعاً يومي مثل كل الاعضاء مافيه فرق كثير
بس فيه يوم يختلف عن يوم حسب المواعيد والعزايم وحنا ماعندنا نظام ومانحبه يعني حريه .
يالله نبدا اليوم وقت الصبح طبعاً اكيد بعد صلاة الفجر انام اقل من ساعه ثم اصحى الساعه 6 ونص اخذ لي بيالة شاهي ثم
نودي العيال للمدارس الله يصلحهم وعند الساعه 7 وربع اجي وافتح المنتدى لمدة ربع ساعه وودي اشب النار بس
ماش الوقت ضيق مايمديك تحك راسك
اخذ بعض الاخبار الرياضية وفي الساعة 8 الا ربع نشغل ونمشي للدوام علماً بان دوامي في حوطة سدير وليس تمير
وفي الدوام اكيد مخصص للشغل بشكل كبير فيه فطور جماعي كل يوم الساعه 9 نشكل ترى ماهوب (فول وعدس ومرق ).
اطلع من الدوام تقريبا الواحده والنصف
الساعه 2 في تمير طبعاً اتغدى واجي افتح المنتدى كمتصفح الى اذان العصر لان الوقت ضيق مايمدي المنتدى
يفتح ولا ابو كرم يذن بعد الصلاة اطلع اما نسير او نتمشى اهم شي نغير جو
او نروح للنادي اذا صرنا فاضين بعد المغرب مخصص للوالدة طبعاً كل يوم عندها مثل الدوام ولو ماجيت تسئل عني اذا كنت موجود
لازم اجلس مع امي الله يخليها لي ويخليلكم امهاتكم .
المهم اذا اذن العشاء صليت في المسجد اللي عند بيت الوالد ونمر البقاله وناخذ مقاضي للبيت ارجع للبيت
اذا ماكنت مرتبط باي موعد اجلس قدام المشب
خاصه هالايام والبرد يخلي الجلسه زينه اوقدام شاشة المحمول وشاشة التلفزيون وطبعاً اكيد منتدى تمير
هو اللي ماخذ كل وقتي بالليل في الساعه 11 اخذ برنامج الجوله في art وبعد نهايتها تكون الساعه 12 وفوق
نتوكل على الله وحط راسي وانام واقول الله يحفظكم جميع
صور لي اليوم عند مبارة الهلال والشباب
ماش هزايم اليوم كلنا لاهلال ولانصر

الله يعطيكم العافيه ومشكور اختي احلام وردية مره اخرى

ماشلله يوم رائع بروعتك اخى الغالي

تشكر عليه

اخوك اهلاوي

الله يخلي لك امك ويمتعها بالصحه والعافيه
ويصلح لك اولادك يخليهم لك ويخليك لهم
وجعل ايامك كلها سعاده وفرح


وشذا شاب بجيكة مويه

يوم ممتع

اخوي النادر سعداء بمعايشة يومك
يوم هادي و بسيط استمتعنا معك
ويدل على هدؤك وإتزان شخصك الكريم :)

دمت بأسعد حال :)

اقتباس: المشاركة الأصلية كتبت بواسطة جار القمر    الله يخلي لك امك ويمتعها بالصحه والعافيه ويصلح لك اولادك يخليهم لك ويخليك لهم وجعل ايامك كلها سعاده وفرح وشذا شاب بجيكة مويه يوم ممتع

امين جعل من جابك للجنه
الي تشوف سمر بس كثر الحركه يشكلها مية لون
والله محييك يالغالي

تسلم اخي النادر
شكلك منضم وقتك
سعدنا بيومك وتعايشنا معك
وعساك دوم بار بوالدتك والله يخليها لك
ومشكور على تفاعلك معنا
ويجعل ايامك كلها هنا

ويشرفنا يكون ضيفنا القادم عصي الدمع
فحياك الله وبياك
وبإنتــــــــــــــظارك يا عصي الدمع

وااااااااااااااااااااااو روعه ايامكم
وروووووووووووووووعه الموضوع
يعطيكم العافيه في انتظارايام واعضاء اخرين