رُكْن النهاية

الحنيـن يكبَـر الحـب لـو انـه صغـيـر
،،،،،،،،،،،،،،،،،،،،،،والخيانـه تقتـل الحـب وتقـص اظهـره !

--------


نمشي نوزّع للوجيه ابتسامات
................................. لو ان بعض وجيههم ماتبينا


قالوا لنا الدنيا الدنيه خذ وهات
....................................ولاعمرنا اخذنا مثل ماعطينا


---------

إلى فكرت بالدنيا جزت عيني عن النوم
،،،،،،،،،،،،،،،،،،أشوف الفرق في سود الليال أوبيض الايام

ليالٍ فرقها بين مثل فرق أمس واليوم
،،،،،،،،،،،،،،،،،،،،،ليالٍ تتعب الخيال ... واللي فوق الاقدام

حياتي كلها راحت وانا بوهام وحلوم
،،،،،،،،،،،،،،،،،،تقافن الليال .... أوهالزمان اردى من العام

احدٍ ظالم وحدٍ ياساتر الاحوال مظلوم
،،،،،،،،،،،،،،،،،،وبعض الناس ممشاهم ورى ماهوب قــدام

ولكن الرجال اشكال به معطى ومحروم
،،،،،،،،،،،،،،،،،،،جميع الصحف مطويه وجفت كل الاقــلام

اظن العقل في بعض العرب والعرف معدوم
،،،،،،،،،،،،،،،،،وقليل المعرفة بارخص ثمن ماهوب ينسام

احدٍ يسري وهو باليل في مسراه منجوم
،،،،،،،،،،،،،،،،،،وهـذا بالشدايـد ... لا تحطه درع وحـزام

كبير الحظ يبعد عن رجال الشوم واللوم
،،،،،،،،،،،،،،،،،،لاجل يـرتاح ... مايدخل بقلبه شك ووهام

يشبون ويشيبون ... ابعماهم دايم الدوم
،،،،،،،،،،،،،،رداهم في رضاهم والرخص هو سيد الاحكام

ولو ماقلتها العالم تجيب اخبار وعلوم
،،،،،،،،،،،،،،،،،يـجـيـبـون العلوم اللي عليها قـفـل ولحـام

إلى مني سكت .. او قلت انا مانيب ملزوم
،،،،،،،،،،،،،،،،ترى الراضي كما الفاعل يقوله دين الاسلام

ترى طيب العرب ماهو عقال اوبشت وهدوم
،،،،،،،،،،،،،،،،،اقـول الطيب للي له براس المجد مرســام

من الهند او السند او من الغرب او من الشام
،،،،،،،،،،،،،،،نهارٍ مع وسيع المعرفه يـسـوى مـيـة عـــام

ترى غير النبي ماحدٍ عن الزلات معصوم
،،،،،،،،،،،،،،،،،ولا للمودمي عن دبرة الخــلاق مـهــــزام

ما قل دل وزبدة الهرج نيشان
* والهرج يكفي صامله عن كثيره

الذم ما يهفي للاجواد ميزان
* والمدح ما طول ايدينن قصيره

اصـد عنـه كـنـي مانـيـب باغـيـه

،،،،،،،،،،،،،،،،والا الغـلا اكثـر مـن اول وتالـي

ياخبـلـكـم يـالـلـي تـقـولــون تـغـلـيـه

،،،،،،،،،،،،،،حتى سميه في المخاليق غالي

اصبر علي لو قسيت وطول غيابـي

،،،،،،،،،،،،،،،ازعل علي بس لا من جيت جاملني

مادمت معتبـرك أول وآخـر أحبابـي

،،،،،،،،،،،،،،،،ان ما تحملتنـي .. مـن بيتحملنـي ؟

يخيب ظن الآدمي في زمااااااانه
،،،،،،،،،،،،،،،،،وتخلف به الهقوات في بعض الأصحاب

وتصيركلمات الوفاء في لسانه
،،،،،،،،،،،،،،،،،،،أرخص من الكذبه على لسان كذاب

لامن غدر به صاحب له مكااااانه
،،،،،،،،،،،،،،،،وش عاد باقي دام في صحبته خاب

الله من طعن الظهر و الخيانه
،،،،،،،،،،،،،،،،،من كل وقفات الخوي خاطري طاب

كنت أحسبه غلطة صديق وميانه
،،،،،،،،،،،،،،،،وحاولت أعديها بلا شرح وحساب

لأني تعودت الوفاء وللأمانه
،،،،،،،،،،،،،،ماكنت أبلحق صاحبي لوم وعتاب

إلين ماشفت الأذى و اللعانه ..؟!
،،،،،،،،،،،،،،،قررت أوقف ضحكة السن والناب..
/
/
ياكبر معروف الزمن وأمتنانه
،،،،،،،،،،،،،،،،،،،وياكثر ماوقف معي قبل الأقراب

والحين صارت في عيوني حصانه
،،،،،،،،،،،،،،كل شي واضح مايبي درس وكتاب!

لاخاب ظن الآدمي في زمانه ..
،،،،،،،،،،،،،معذور لو عاف الصداقة والأصحاب

لــولا الـظـروف وحـاجـة الـنـاس للـنـاس ..
،،،،،،،،،،،،،،،مـحـدن عـرفـــــ طـيـب البـشر من رداهــا..

كني بـ هالبرد من زود الوله تايه
صدري يقول لضلوعي هيه وش فينا !

يعني صفينا على فروه ودفايه
وين الاحاسيس ماعادت تدفينا !

نجوم الليل والغربة تذكرني زمان فات
تذكرني ربيع العمر واسترجع ملفاتي

سرى بهاجس الذكرى وراحت بالهموم وجات
وسنى الذكرى يحرك ثورة الأشواق في ذاتي