نسائم نسيم

أعذرن يازين لو صمتي يطول
لاتلومن حسرة الفرقى تلوع

كلمة التوديع من حزنن يهـول
وقفت بشفاي للعبره خضوع

ودي اوادعك والعبره تحــــول
موقفي صعبن وفرقاكم تروع

أنتصر حزني وضاعن الحلـــــول
وأنطفت من لوعتي كل الشموع

في خفا قلبي تعابيرن تجـــول
في وداعك وانتهت بين الضلوع

لحظة التوديع فيه ويش أقول
كل مابالقلب قالته الدمـــوع

أنتصر حزني وضاعن الحلـــــول
وأنطفت من لوعتي كل الشموع

في خفا قلبي تعابيرن تجـــول
في وداعك وانتهت بين الضلوع

فراغ كبير ،حياة خالية من الروح.
صعب الانسان يفقد شخص عزيز على قلبه ،يضيق الكون بسباب غالي ،دائما نسمع فلان هاجر او راح او غاب او معد له شوف !!!!!!!
اسأل نفسك ليه؟
اكيد السبب فقدان انسان تحبه وتغليه، نسمع بكلمة حب المكان من اهله يعني تحب من يسكن هذا المكان لكن اذا لم يكن فيه من تحبه وتغليه يضيق بك الفضاء وتحس بالغربة والوحشه.
لو تجلس على حصاة مع شخص تحبه ويحبك ويغليك وتغليه تحس انك جالس في افخم القصور تعيش مبسوط.
الله لايقطع عيني من شوف احبابها.
وبعض الامكان لو انها جنان خضر تبغضها من سكانها .
وين الايام الخوالي ؟؟؟؟؟؟؟؟؟؟؟
ايام راحت ،ادري انها لايمكن تعود لكن يكفيني منها ذكرها وطاريها .

وش في يدي ؟وش في يدك؟
اصبر ،وانا مثلك ابصبر والله يعين الصابرين.
ضاعت كل الحلول ولافيه حل كود ،،،،،،،،،،،،شي كتبه الله علينا وغصب نرضابه .
لاتحسبني قوي وكلي شجاعه بس الواقع كذا ،ولازم اضحك واسلي خاطري لو ضحكي مجامل .

مرحوم ياقلب قضى طاوي الشوق

ابكي وحطيت البكا سهمة لى
،،،،،،،،،،،، هافت غصون القلب واصفت ركاياه

ابكي خفا واضحك بيان مع اللي
،،،،،،،،،،،،،،،،، القلب ما يدرون عن غاية اقصاه

قالو لي العذال ما اخبلك ياللي
،،،،،،،،،،،،،،،،،،، تبكي ولد نـاس تفارقـت ويـاه

قلت آه ما انسا اللي حديثه يسلي
،،،،،،،،،،،،،،، والله ما انسا اللي تواجهت ويـاه

اللي ليا منه نوى ذبحه لي
،،،،،،،،،،،، ارخـا المليثـم ليـن تبـدى شفايـاه

يضحك بحجرالعين كله رضا لي
،،،،،،،،،،،،، من خوفته يدري حد من دناياه

انهيتـهـا ويــاه والـجــو صـافــي
،،،،،،،،،،،،،لانيـب عبـدآ لـه ولا هــو ب سلـطـان

اقتباس: المشاركة الأصلية كتبت بواسطة نسيم    هلابك المهند . دائما بمشيئة الله تعالي يكون هناك اشارات بدخول النجوم ويكون بعض الاحيان ونادر جدا تكون الاشارة في اليوم الرابع عشر من حساب النجم،لكن اذا راح منه يومين ثلاثة يتغير الجو وهذا امر طبيعي من خلال المتابعة . لكن اللي ما ادري عنه نجم سهيل هل شيف في منطقتنا؟ تحياتي لك

الناس انشغلت بالهلال ... ونسيت سهيل ... والله ما تشوفنا له ... لكن وين يجي بالضبط .. وهل يبي ناس تقز أو مش حالك ...

اقتباس: المشاركة الأصلية كتبت بواسطة نسيم    الله يحييك بين اهلك وربعك . وش خليت يالمهند بلد استوائي !وش عذره ؟ بس ماتلاحظ ان المناطق الاستوائية ممله ،ولافيها متعه . خلاص قلبي معد له اجازة مره انتهى، حتى الاضطراريه مايستحقها .صدقني خلصت من سواليف الطلايب .انا اليوم شايب وبعد تقسيم المنتدى الى منتديات شبابيه عزّلت منها ،لاني والله العظيم مادريت الا من خمس ايام عن التقسيم هذا وان فيه شي اسمه منتديات شبابيه !قلت في نفسي خلاص يالمهند .

أن تقول بلد استوائي ... بصراحة كانت فكرتي غير عن المناطق الاستوائية كما هو الحال في جنوب أفريقيا .. يعني ما فيه إلا الحر والسواد .. وهذولا يقول لنا تسع شهور وهذا حالنا .. هالمراويح تروح .. والسحاب يهل ..
ممله ... يارجال ما غير ديرتك تمير .. احمد ربك وإن مليت منها خت لك يومين لحدى هالديار على شان تدري عن قيمتها وتشتاق لها .. لكن أهل الاستواء يملون ولا يجي لهم خاطر يغيرون ديارهم ..

منتديات شبابية .. هالتقسيم بيّن أنه يبي يطلعك آوت .. لكن أنت روحك شبابية .. وتحب الشباب والحيوية ..

انتصر ياس حبي وانتهى من رجايا
وابتدى الشك يظهر في خوافي ظنوني

الله يسامحك ماظنيت هذا جزايا
ليه تبكي عيوني يامضنت عيوني

صار حبي وحبك ياحبيبي روايه
مثلوه العواذل عن لقاك ابعدوني

دايم ارعي خيالك في صباح ومسايا
واذكر اسمك وانا اللي في هواك مغبوني

عط حنانك لغيري لاتسئل عن عنايا
خل ذكراك ليا وانتوا لاتذكروني

ياقمر وين نورك غاب واظلم سمايا
ليه سود الليالي تحول دونك ودوني