نسائم نسيم

معاناة، كل واحد يُعاني وانت ماشي.
/
/

عيدو كل الخلايق بس انا
كيف اعيد والحبايب غايبين
غادرو احباب قلبي من سنا
هم قالو اسبوع وعايدين

وسط قلبي شب نار وله سنا
يارب صبر عنهم قلبي السقيم

قلب الاسد اسم ارتبط بالعصر الذهبي الجميل ،زمن الرجال الاوفياء .
صدقني مانسيتك ابد ،وش اقول ؟اللي في الخاطر عجز الكلام يترجمه،لذا اقول انت وافي ،وتبقى عزيز ،وانا جيتك ونشدتك عنك .وقالوا كان هنا،لكن اليوم ماندري وين نوّخ ركابه؟لكن ان شاء الله نبي نسير عليك ان شاء الله.
تحياتي لك
اخوك نسيم

صيد اليوم الجمعة رابع ايام العيد وكان العدد يتجاوز الميتين دخله .

عبيدات من تفخر انواع الدخل .






هذي العبيدات مثل الخلع دسم




دسمه بالحيل تقاطر مشحمه من حظ ابوحمد !!!!!!!!!!!












مرحلة الفرز والعدد









اتمنى ان تنال علىاعجابكم.وان شاء الله مستمرين على هذه التقارير.
التصوير مش طيب لانه بجوال والجوال قديم، لكن اللي حببني له سهولة نقل الصور بواسطة البلوتوث .

مدري وش اللي يحدنا على المطامر في البر وحر وتعب ؟واخرتها دخله!!!!
من فجر وحنا قايمين !
والى من جاء في الليل ووقت الجلسه وسعة الصدر نمنا من صلاة العشا.واذ قمنا من النوم لين رقبتك توجعك ،وجسمك منهمد،ووجهك اسود،وحالتك حاله.

يازين النوم.تنسى كل شي ،وترتاح،وتعيش في عالم بعيد .
سبحان الله تنوم لك 10ساعات وكنها 10دقائق يمر الوقت سريع ،بعكس لو كنت جالس 5ساعات تمل من المكان اللي انت قاعد فيه مره تقوم مره تطلع ومره تنسدح .النوم هذا نعمة من الله .

على قدر ما تستطيع نوم ،ارقدوا ،النوم هذا يطيل العمر وايضا علاج .

تخيل انك نايم الساعة 2 الظهر ويجي واحد ينكد عليك نومك ويقومك الساعه 4الفجر .
ازعاج.
ودك الواحد يحط له يوم في الاسبوع ويسميه يوم النوم ،مكان خالي من الازعاج يرقد لين يصفي راسه.

ابكي وليفي غدى بالروح قايدها
،،،،،،،،،،،،،،، كني اصفق وقلبي حارق عاني

والعين هلت من الدمعه غزايرها
،،،،،،،،،،،،،،،،،، من صد خلي وحبه قد تبلاني

لا جيت حالي عقب فراقاك تناظرها
،،،،،،،،،،،،،،، كني صويب بسهم العين يقواني

من واجب العاشق أدواره يجاهدها
،،،،،،،،،،،،،،،، اثنين نبقى ولأحد يشتري الثاني

اقفى لطيف خفيف في مسايرها
،،،،،،،،،،،، مادري يقول الوداع والا تناساني

والله لولا الغلي مجبور اوادعها
،،،،،،،،،،،،،، لو كان حبه من العامين أرواني

كنى على علم ريم في ضهايرها
،،،،،،،،،،،،، ترقى الحزوم توطي داعج إضغاني

قال المثل في قوي البأس قاتلها
،،،،،،،،،،،،،، نفس عزيزه على نفس تحداني

كل عام وانت بخير نسيم

مدونه رااااااااااااائعه يا نسيم،،

وش حادكم على هاالتعب وليتها تشبع الواحد ،،ماتسوى هالتعب والله

شكلها غريب ،،بس وش اللي يؤكل منها

اقتباس: المشاركة الأصلية كتبت بواسطة طفولة تمير    كل عام وانت بخير نسيم مدونه رااااااااااااائعه يا نسيم،، وش حادكم على هاالتعب وليتها تشبع الواحد ،،ماتسوى هالتعب والله شكلها غريب ،،بس وش اللي يؤكل منها

وانتي طيبه وسالمه وعساه عايد علينا وعليكم بخير ياطفولة تمير.

فعلا الصيد تعب لكن متعه وولع خصوصا الدخل ،الدخل هذا شي نستمتع فيه اكثر من غيره وتعودنا انا وصديقي ابوحمد من سن الطفولة الى الان .
الدخل كله يوكل ماينطل منه شي .
تحياتي لك