كلمه من عندي وبيت شعر من عندك

يايبه يانور عيني شب عمري في هناك
..................... والله انه ابرد امن الما على كبدالظعون
يايبه ياجعل روحي فدوه لموطى خطاك
....................... حطني بينك وبين الوقت وكبار الطعون
العمر والنفس واللي املكه كله فداك
..................... واعرف انه ربع حقك وانت حقك ما يهون


الأخ

ما اكثر الاخ وان حين تعدهم :: ولكنهم في النائباتِ قليلُ

الدروب

كذبت وما كذب قلبي لقيتك صادق بحبي
ودربك صار هو دربي كذب كذبه وصدقها

الجار

جـارًا مجاورني من سـنين ٍ أطوال 00 عشرين عامٍ بـين خوه وجـير
اليـوم شد وشدته غثت البــــال 00 يالـتني من قـبـل يـرحـل شـويره
له مجلساً للجار و الضيف مدهال 00 يلقـــى بها الطرقي كرامه كبـيره
يلــقى بـها مركا ودلــه وفنــجـال 00 ومفطـحات اصحونها مـستديره
امنــولاً رجــلي له أقفاي وقبــال 00 واليوم رجلــي كــنها مستــحيره
الــيوم ماكن الـبلد فيـه رجـال 00 أخلت علـي والنــاس فيها كثــيره
ماهو ردا فيهم رجاجيل وأبطال 00 لكن أنا نفــسي بجاري خـــبيره
اقول لــه ياعم وأقول يا خـــــال 00 والى حضـر مبدي لزومي لغيره
اجـــيه يوم العلم يحــتاج حــلال 00 منشان في بعض الأمور أستشيره
اجيه يوم أضيق في بعض الأحوال 00 يقضي لزومي بالظروف العسيره
وصلاة ربــــي عد ماهل هــمال 00 على النــبي اللي على الـناس خيره


بيت الشعر (القصيده )

بيت الشعر (القصيده )

بيت الشعر ياليت يرجع لماضيه... وتعود عادات البدو والسواير ...
ياماحلاء بيت الشعر في صحاريه ... وحوله بيوت مشيده له نظاير ...
مبني على صافح جبل بأمر واليه ... جنب الغدير اللي من السيل كائر ...
والعشب والروض الخضر في مراعيه ... حوله مزايين الآبل والعشاير...
والضيف من مدالنظر جاه ناصيه ... والنار مشبوبه سناها سعاير ...

الجندي

هممي الي كل ما يهدى يــــــزودي ****** كل ما قلت انتهى جاله زياده
رتبتي جندي وبالجــــــيش السعودي****** عسكرين وين انا ووين السعاده
بعدوني الين قـــــاربت الحـــــــدودي ****** في لوا سلطان سايد كل ساده
في تبوك مغربلن ضمـــــن الجنــودي****** ماتهننى بالفراش وبالوساده
كنها في وسط الحشا تشعل وقـودي****** لا امرني واحدن بامره حقاده
ان عصيت الامر لبست الشــــدودي ****** وان بغيت انفذه عيب ونقاده
آه ياوجدي على مسرى وجـــــــودي****** بتمشى في هوى نجد وبراده
اللي انا عن شوفها صرت محـــدودي ****** حذروني بالتعهد والافاده
الرقيب لعيـــن والقـــايد يهـــــــــودي****** من ردى حظي ضيعت الشهاده

الملك عبدالله الله يحفظه

لك رسالة يا ملك.. مضمونها بعد السلام
قالوا بها ما يشبهك الا الاساطير العظام
المحتاج دايم يا صلك.. تسمع له بكل اهتمام
ومنعت من تواضك حبت اليد بالسلام
شعبك السيف بيدك.. لو فتيل الحرب ثار
وهذاك ابد ماهو ولدك اللى نوا لأرضه دمار
يا ملكنا نوعدك.. تبقى سعودي بافتخار
ويا شعب أبشر بسعدك.. باللي يصلح للعمار
ياعرين للاسد.. عبدالله لو جار الزمان
يمناه ولي العهد.. سلطان صمام الامان
في البحر والبر سند.. في الجو لا آن الاوان
شامخة تبقى البلد مع كل صلاة وكل أذان

الغريب

ظلـم الغريـب أهـون من ظـلـم الاقــراب
لان الظلـيـمـه مــــن قـريـبــك مـصـيـبـه

وعيب القريب اصعب من عيوب الاغراب
لان الـقـريــب يـعـيـبـك الــلــي يـعـيـبـه

والله مـايــذبــح طـويـلـيــن الاشـــنـــاب
غيـر القريـب الـلـي طـعـن فــي قريـبـه

عقـب القـرابـه والـغـلا صـرتـم احــزاب !
ولا حـد ٍ جنـى مـن فعلتـه كــود خيـبـه !

بالله لايـكـثـر , تـــرى خــاطــري طــــاب
مـلـيـت مـــن كـثــر الـجــروح العطـيـبـه

الـفـرق واضــح بـيـن صـــادق ونـصــاب
والـحــق يـطـلـع لــــو يــطّــول مـغـيـبـه

وان كـان فالدنيـا محـد حاسـب حسـاب
فـــالآخــــره رب ٍ خـلــقــنــا حـســيــبــه

وانــــا قــســم بالله . لايـمـكــن ارتــــاب
ولا حـــب هـــرج ٍ فـيــه نــمــه وغـيـبــه

احــب اقــول الـصـدق حـتــى لـكـــذاب
واحــب اجــازي مــن غـمـرنـي بطـيـبـه

وإلا الــردي لـــه عـنـدنـا حـفـنـة تـــراب
وان غــاب ماقلـنـا عـســى الله يجـيـبـه

بـــس انـــت يالـيـتـك تـفـكـر بـالاسـبـاب
لان الظلـيـمـه مــــن قـريـبــك مـصـيـبـه


البرد

ودع البرد كف ضم يمناك
... صافح الود قلبي يوم جيتك

الوداع

أيام راحت بي وراحـت علـى خيـر
مرت على عمـري مـرور الثوانـي

أيام كانت غيـر.. فـي ذمتـي غيـر
أحيت يباس عـروق ذيـك المحانـي

قبل الوداع وقبـل طـوي المشاويـر
ماكنـت أحـس بقيمتـه لو .. جفـانـي

ويوم أفترقنا والحـزن جانـي أمغيـر
عرفت وش معنـى ضيـاع الامانـي

ماعاد لك ياحـزن حشمـه وتقديـر
من يوم جيت وجبت لي جـرح ثانـي

وماعاد بيـدي شـي .. دام المقاديـر
وفت وعدهـا .. وأسلبتـني زمانـي

سيلـت بفراقـه دمـوع المعـاذيـر
حتى خشـع مـوج الغـلأ للموانـي

ومديـت للقيـا .. كفـوف التباشـيـر
ومدت لـي الفرقـا كفـوف التهانـي

ودي أفضفض بـس ويـن التعابيـر ؟
ودي أعبـر بـس ويـن المعـانـي ؟

حاولـت أبرر صمتـي بـأي تبـريـر
وعجزت أبرر صمتـي اللـي غشانـي

ياصمتي اللـي مالقـى لـه تفاسيـر
ليـت الـذي ودّاهـ .. يـمّـه خـذانـي

ياحيلة الله وش بقى ؟ وش يبي يصير ؟
دام المكان اليـوم ماهـو.. مكانـي

ألغيت من بعـده جميـع ..المحاذيـر
وأرخصت عمري دام هالعمـر فانـي

بعده... تراها تهون كـل المخاسيـر
يعني وش أكبر من خسـارة كيانـي ؟

لوقلـت مـال لــ بعـده اليـوم تأثيـر
تفضحنـي عيوني . .ويكـذب لسانـي

لكن تركت له .. القصيـده علـى خيـر
يمكـن يحسـن بضيقتـي ..لا قرأنـي ..


السوالف