نسائم نسيم

الحريم والسوق والزحمة في العشر الاواخر !!!!!!!!!
وش هالحياة ؟
والله زحمه وعالم في الاسواق .
الله يعين والله اني زمل ومهتم مثل هم الحج.

ياساري الليل لاتسري على شـاني
،،،،، ريــح ضمــيرك ورجــلك لا تـعنـيها

انا ادري انك بكل احساس ترعاني
،،،،، لكـن أمــورن بنفسي مـاقـدر ابديها

لاصار غدر السنين اشكال والواني
،،،،، غصب تـموت القلــوب ودمـها فيـها

وانا زماني سرى والنـوم ماجــاني ،
،،،، والنفس دايـم تحن لـذكر مـاضــيها

وش اللي حادني من صبح وانا هنا لحالي!!!!!!

والله لو انه دوام ماصبرت .

اقتباس: المشاركة الأصلية كتبت بواسطة نسيم    الله الله تسلم يالمهند علىالابيات الجميلة . شف يالمهند عد من اليوم 20ليلة ثم ناظر جنوب على مستوى الارض بعد صلاة الفجر تبي تشوف سهيل يلمع ،واذا شفته يدل على صدق كلامي بمشيئة الله تعالى . شف صورة حركة السحاب تراها تغيرت عن العام بالنسبة للاعاصير جنوب المملكة على بحر العرب والاستواء حتى السحاب السنة هذي خفيف جدا مافيه غتات ابد قليلة .وهذا يدل بحول الله تعالى على تغير الاجواء وتكون سنة حفلة بلامطار والخيرات . سهيل نجم جميل واحبه والله .

والله ياذا البيتين .. أطرب لها دايم .. وأشيلها في هيجينيات الكنود منول ... ويستانسون لها البدو ..
عد ... ما عد ... أيام العد راحت مع الخلاوي وشلته .. جاب الله الآيفون يطلع لك سهيل قبل ما يوصل سطح الأرض .. أليين يتبين ... وين الخلاوي تكفى يشوف هالتكنولوجيا والتطور .. وهالبرامج حقت النجوم .. والله ياهو علم ..
الله يجعله عام حافل بالأمطار والخيرات ... ويعيد ذكريات 16 و 18 يوم تبطي علينا الشمس ما تظهر ..

نسيم : ترى فيه شيء اسمه نووووم ... يستخدم في اليوم سبع ساعات

اقتباس: المشاركة الأصلية كتبت بواسطة المهند    والله ياذا البيتين .. أطرب لها دايم .. وأشيلها في هيجينيات الكنود منول ... ويستانسون لها البدو .. عد ... ما عد ... أيام العد راحت مع الخلاوي وشلته .. جاب الله الآيفون يطلع لك سهيل قبل ما يوصل سطح الأرض .. أليين يتبين ... وين الخلاوي تكفى يشوف هالتكنولوجيا والتطور .. وهالبرامج حقت النجوم .. والله ياهو علم .. الله يجعله عام حافل بالأمطار والخيرات ... ويعيد ذكريات 16 و 18 يوم تبطي علينا الشمس ما تظهر .. نسيم : ترى فيه شيء اسمه نووووم ... يستخدم في اليوم سبع ساعات

اخي المهند لاتعد ولاشي لاحظ كل 13يوم يتغير الجو سبحان الله العظيم وهذا يدل على دخول نجم.جرب عد من امس 13يوم وشف.
وشلون ترى فيه نوم؟
يعني مانيب ارقد ؟

اقتباس: المشاركة الأصلية كتبت بواسطة نسيم    اخي المهند لاتعد ولاشي لاحظ كل 13يوم يتغير الجو سبحان الله العظيم وهذا يدل على دخول نجم.جرب عد من امس 13يوم وشف. وشلون ترى فيه نوم؟ يعني مانيب ارقد ؟

نبي نشوف وأنا اخوك ...
ونحسب ... الوعد يوم الاثنين ... ثاني أيام الدوام ... ولو أني منيب صاير حولكم .. إن الله يسر ..

وبعدين شكلك ماترقد ... وإلا فيه صاحي الساعة تسع الصبح ...

اقتباس: المشاركة الأصلية كتبت بواسطة المهند    نبي نشوف وأنا اخوك ... ونحسب ... الوعد يوم الاثنين ... ثاني أيام الدوام ... ولو أني منيب صاير حولكم .. إن الله يسر .. وبعدين شكلك ماترقد ... وإلا فيه صاحي الساعة تسع الصبح ...

ايه عد يالمهند لكن اذا انت تبي تروح للبر خذ معك كمبل .
تكفى علمني وين بتروح؟
بالعكس ارقد وقوم، ارقد وقوم وهكذا،لاني اخذ غفوات ثم احلم ان احد راد على ثم اقوم.

اقتباس: المشاركة الأصلية كتبت بواسطة نسيم    ايه عد يالمهند لكن اذا انت تبي تروح للبر خذ معك كمبل . تكفى علمني وين بتروح؟ بالعكس ارقد وقوم، ارقد وقوم وهكذا،لاني اخذ غفوات ثم احلم ان احد راد على ثم اقوم.

الكمبل والفروة والضو لنا أسبوع شابينها .. في الليالي الرمضانية في حدى هالقيعان الباردة .. والله يالشبه أن لها حلالاة .. الله يكفينا شرها ..

ديرتي اللي أبروح لها جديدة .. والكمبل ضروري فيها ..

اقتباس: المشاركة الأصلية كتبت بواسطة المهند    الكمبل والفروة والضو لنا أسبوع شابينها .. في الليالي الرمضانية في حدى هالقيعان الباردة .. والله يالشبه أن لها حلالاة .. الله يكفينا شرها .. ديرتي اللي أبروح لها جديدة .. والكمبل ضروري فيها ..

ماظنيت ان الضو زينه هالوقت .
اقول كانك تبي تروح للجنوب عز الله انك ظالم نفسك .ارتح عند اهلك الا كانك تهرب عمّال ؟

اقتباس: المشاركة الأصلية كتبت بواسطة نسيم    ماظنيت ان الضو زينه هالوقت . اقول كانك تبي تروح للجنوب عز الله انك ظالم نفسك .ارتح عند اهلك الا كانك تهرب عمّال ؟

يا زين الجنوب تكفى ..

لا والله روحة صملنا عليها ولا من فكه .. الطيارة قد حجزت ...

عمّال ... هههههه

لقيت القات أطيب من العمال في الدراهم ...