نسائم نسيم

والله لو أنه درى عقبه وش اللـي صاربالحـال
،،،،،،،،،،،،،،،،،،،،انه مـا يستعجـل التوديـع ويشـد الرحالـي

أحاول أنسى وانا أدري وش سبايب ضيقة البال
،،،،،،،،،،،،،،،،عزي لمن هو سواتي فاقد (ن) له صوت غالي

قبل أمس اشوف الحياه الها طعم والوان واشكال
،،،،،،،،،،،،،،،،،،،،،،،،،،،،واليوم مدري وش اللي سوتـه سـود الليالـي

يا الله صباح خير لاشر فيه .
وش نقول يا الله مشي !!!!!!!!!!!!!!!!

نورت مدونتك يا نسيم،،

ياسرعه ويذن الفجر مايمدينا نفطر والا وهو مذن!!!!!!!!!!!!!!
ماتلاحظون ان رمضان هالسنة كنه طويل شوي يعني ؟

اقتباس: المشاركة الأصلية كتبت بواسطة طفولة تمير    نورت مدونتك يا نسيم،،

تسلمي ياطفولة تمير

عُبيد الرشيد معروف من امراء حائل وشمر .عُبيد تنطق بضم العين ماتنطق هكذا عبيد،

مرة من المرات جاء واحد وقال ياعبيد!رد عليه عُبيدالرشيد باللهجة الشماليه وقال ياوغيد (امل افمك وقل ياعُبيد).
قصة عبيد الرشيد عندما كبر اخوه عبدالله الرشيد /
عندما كبر الامير عبدالله الرشيد وطعن في السن ولزم الفراش كان أخيه الامير عبيد الرشيد يزوره في كل ليله وطبعا لا يوجد فارق كبير في العمر بينهما ويجلس بجانبه ويحادثه ليسليه ويبعد عنه هموم الكبر ولا يرجع الى بيته الى بعد أن ينام أخيه الكبير ويطمئن عليه 0
وأستمر على هذه الحال في كل ليله وذالك وفاءا منه لأخيه وكما هو معروف مدى عمق العلاقه بينها والتي أثبتتها المواقف البطوليه والتضحيات بينهما 0
وفي أحدى الليالي وبينما كان الامير عبيد الرشيد عائدا كعادته من بيت أخيه ومتوجها الى بيته أستقبله أبنه حمود العبيد الرشيد وقال له أن أمي مريضة وتسأل عنك وهي بحاجة الى أن تكون الى جوارها فقال له الامير عبيد الرشيد

ما همني يا حمود لو ونت أمك -- لو أزعجت بالصوت بأعلى الونيني
ما همني يا كود ونات عمك -- الونه اللي حركت موق عيني
اللي حمل يا حمود همي وهمك -- حيد يشيل الحمل ماهو دويني
اثنى على اخوه وشبهه بالحيد اي الحجر القوي ماهوب من الرجال الضعوف .
عُبيدالرشيد سوالفه وقصصه كثيره وممتعه رحمه الله وكل مسلم .

سالفة عبيد الرشيد وطلال الرشيد عندما حضر لهم ابن سيف وذكر عيوب عبيد الرشيد وطلال الرشيد .
قال عبيد الرشيد قصيدة طويلة فيها من الحكم والجزالة الشي الكثير .وايضا فيها ذكر صديقه الصلبي وامتدحه لان ابن سيف ذكر تقريب الصلبي من عيوب عبيد الرشيد .

قصه عبيد ابن رشيد وخويه الصلبي ..
كان يتردد رجل من وجهاء بريده ويدعا عبد المحسن ال سيف وفي ايام طلال الرشيد فسئله طلال عن عيوبه وعيوب عمه .. فطلب الامان ثم قاال ..
(اما انت ياطلال فعيبك عدم تقديرك للاجاويد وخياار الناس عندما تزعل وهاذه بك مهي زينه ..واما انت يااعبيد فجميع مكارم الخلاق عندك ولا فيك سوى عيب واحد وهو عظم تقديرك للصلبي(ساهي)اذا دخل المجلس قربته حولك وجلسته جنبك ..)

فقال عبيد نعم ياامحسن لانه رجاال طيب وفيه شجاعه ...

فيذكر انه قاال ..
شارخ اعرفه قبل يبدي به الشيب
مره خطيب ومرتين حراامي

اما القصيده المشهوره فهي كاتالي ..

طلبت ربي عالم السر والغيب
يقبل صلاتي له ويقبل صياامي
ويجعل لنا عرض نزيه عن العيب
ويفكنا من شر سو الا ثامي
ابن ادم ملفى الخطا والعذاريب
لو مافعل رميت عليه التهامي
جليت عن نفسي شبا الشك والريب
ولا حسب يلقون العرب بي كلامي
وربعي لقوبي عقب ماشبت انا عيب
بتسطير كتب مفسرين الاحلامي
قلت اخبروني ويش مغضى هك اللعيب
قالو على ساقه رفيقك تحاامي
قلت ان هذا من قديم لنا عيب
مستارثينه من خوال وعماامي
العيب ترك المعرضه بالمواجيب
ولا الرفيق بفزعته مانلامي
رفيقنا كنه برووس الشخانيب
في راس حيد ناايف ما يضامي
رفيقنا مانجدعه للقصاصيب
يجبر بنا لو مكسره بالعضامي
ورفيقنالو هو من الجد بصليب
متجود منا براس السنامي
والشر مانسعى لجره بتقريب
ونذرا الى هبت لنا بالولامي
هذا قديمنا الي عدوا الطيب
وكل يريع لفعل اهله القدامي
ويوم الوغى مانستشير الزواريب
لى طار عن سود العيون اللثامي
مركاضنا يشبع به النسر والذيب
ونروي معاطيش السيوف الضوامي
نلحق على سرد يجنك جناديب
بمطارق مع مثل صف النظامي
يتلون ابو بندر ربيع السعابيب
الى على ميره تعيش اليتامي
فان سلم راس مبيد الكنس النيب
حريبنا مايهتني بالمنامي
عنوا بها ركاب عوج المصاليب
من مصر الغربي الى دار يامي
شارخ اخذنا به زبون المهاليب
وش جاب سطوه مطلب وابن سامي

مدونه جميله
أستمتعت بقصص [ عُبيد أبن آلرشيد ]

اقتباس: المشاركة الأصلية كتبت بواسطة نسيم    ما همني يا حمود لو ونت أمك -- لو أزعجت بالصوت بأعلى الونيني

رحمتهــآ آلضعيفه ...
-آلله يرحمه ويدخله آلجنه -
وأصل ي نسيم
-