سواليف الضحى العااااالي

عقب ما صلينا العشا رحنا نتعشا عند ابو فلان

ولقينا هاك الرجال عنده يهاااااااايط بعت وشريت وكسبنا والسبحه في يده من قعدنا الى ان انتهينا

وهو يسولف في البيع والمشترى وهو افقر من سوايت اليل

بس يسوي نفسه انه راعي بيع ومشترى يتميدح عند التجار اللي موجودين

والبنك يقص نصف راتبه
وديون وشر وعثا ....... لكن ما تقدر تهزبه سليط اللسان ومغرور على نفسه وهذا صنف من البشر مريض نفسي ما يقدر يعالج

أبي اعرف متى تسكن رياحك****وأبي اعرف غرورك هو متى يطلق صراحك

لاعاد تسأل عن مصيري و..{ تشتاق ..
فكر بنفسك لايهمك ضيآعي ..}
يمكن نعاتب بعضنا يوم الفراق ..!
لكن عتاب ماوراهـ ..{ انتفاعي ..
مايستمر حب ..[ الرسايل والاوراق ] ..
صعب يجي بعد ..[ الفراق اجتماعي

ليت الهجر من طيب خاطرك ورضاك

وين أنت ياللي كل ما غبت كني
واقف على باب الأمل وأتحراك
ليتك تعرف تخون وأقول خني
على الأقل القى سبب وأتنساك
وليت الزمن فمحبتك ما خذلني
وليت الهجر من طيب خاطرك ورضاك
لو أن قربك والوصل بالتمني
ما غبت عن عيني كثر ما اتمناك
خايف يطول البعد وتسج مني
وياخذ مكانك شخص ماهوب يسواك
وش عاد أسوي يومك أقفيت عني
لا أنا أتبع المقفي ولا أحب فرقاك

ذكريات جميله يا توت الشاااااااااااام

السلام عليكم ورحمة الله وبركاته

ناسف لأنقطاعنا لكم في الايام الماضية وذلك لظروف العروووس والمناسبات

واهل الرياض ما خلونا في حالنا البيت مليان والغرف مليانه والبزارين كثر الحصى وصجه ولجه

وانا مالقيتلي محل اجلس فيه انا وكمبيوتري اسولف معكم

ارجوا ان تقبلوا عذري وتراها اخر مررررره ماعاد اعود لها


انتظروني غدا تراني مليان سوالف ومواقف ونكت


محبكم / هبوب الرياح

معذور ...... والحمدالله على السلامه

متابعين لك

الله يسلمك يا متعب

ولي الشرف انك تتابعني

انا بعرف شي واحد الحين وهو يوم ان العروس هذي اشغلتنا

والحريم كل يوم تبي سوق تشتريلها فستان وكل عرس بفستان ليه ما يتفقون هم وصديقاتهم

يتبادلون الفساتين ويفكونا ازواجهم من الخساير

والله يالربع اني اسمعهم في العرس يتوذون الرجاجيل وهم سولفون يقولون الله لا يبارك في المعرس وزوجته

خسرنا 3000 الاف ريال والله مشاكل يعانونها ازواج والحريم ماتدري ترقص وتناظر وموسعه صدرها وزوجها المسكين شايل همها

الحياة كر وفر

يوم لك واسبوع عليك

امس مبسوط واليوم ضايق صدرك

يجي من ينكد عليك ويكرهك في حياتك

لأسباب تافه ما تذكر ويخلونها تسوى

التعوذ من الشيطان مطلوب والتراجع في القرار شي لابد من احد الطرفين انه يسويه