يوم في حياة عضو

لا تطول يا ابو منيره
نبيه يوم يكون من الايام
القديمه لك

بسم الله الرحن الرحيم

طبعاً الواحد يحب يذكر الأيام الحلوه ولاكن من كثرتها
الواحد يحمد ربه على دوام النعمه الي عايش فيها ولاكن ودي أذكر يوم أمس لأنه في الذاكره قبل مايمسح
أبد صباحي بصلاة الفجر أن الله وفقنا
وأودي هالصغار عسى الله يصلحهم للمدرسه
وأرجع وأنام لين قبل الظهر لأن ماكان عندي دوام أمس
قمت وعلى طول قهوه وسبع تمرات
وماكنت مشتهي الفطور لقرب حزت الغداء
تغديت وعلى طول أرفع الجوال وأدور أي واحد من هالشقرديه
يخاويني للبر وأمس رحت وتقهويت في الشوكي ومرينا أخ عزيز علينا قبل المغرب وشربنا عنده شوية حليبه ورجعت للبيت قبل العشاء وجلس مع العائله حتى مابعد أذان العشاء
وطلعت أصلي وأجيب بعض من الطلبات اليوميه
المعتاده
وأرجع للبيت عشان هالبرد يخلينا بيتوتيين غصب
وجلست على النت أمس من بعد العشاء لين صارت الساعه ثنتين وانا في بيتي الغالي منتداي منتدى مدينة تمبر الله يحفظه ويخليه لنا
وسجلت خروج ونمت وهذا يوم أمس

بس ودي أذكر اليوم إلا قبله
ولاكن فيه صور وأنا وهالصور مشكله
ولا يوم منتاز كله صيد في هالبلابل وشوي
أنتظروه يوم من الأيام في ساحة البراري

وأتمنى أني كنت ضيف خفيف
على الجميع في ذكر يومي


أحترامي لجميع من يمر ويقراء في يومي

وشكراً لمشرفتنى المتميز أحلام ورديه على هذه الدعوه
حفظك الله ورعاك أينما كنتي

ما شاء الله عليك يا ابو منيره
يوم رائع وجميل والله يخليلك هالعيال
لا تكون متقاعد ولا تبي تعترف لنا
ههههههههه

مشكـــــــــور ابومنيره ........ انســـــــــجمنا مع يومك وطر يقتك في سررده

بس اكـــــــــــثرر ما عجبني .....نووو متك لحد قبل الــــــــــظهرر

وشـــــــــنيتك ؟؟؟؟؟؟؟ فيه مشا ووير أكثر من كذا ........ لو ماحاشك البرد

اقتباس: المشاركة الأصلية كتبت بواسطة سويد السويدي    ما شاء الله عليك يا ابو منيره يوم رائع وجميل والله يخليلك هالعيال لا تكون متقاعد ولا تبي تعترف لنا ههههههههه

الله يسلمك ياسويد على هالمداخله
ويجزاك خير على كلامك
لاعاد متقاعد بسم الله علي
توني صغير عسى الله يطول عمري فيطاعته


شكراً لك من القلب

اقتباس: المشاركة الأصلية كتبت بواسطة &الهنــــوف&    مشكـــــــــور ابومنيره ........ انســـــــــجمنا مع يومك وطر يقتك في سررده بس اكـــــــــــثرر ما عجبني .....نووو متك لحد قبل الــــــــــظهرر وشـــــــــنيتك ؟؟؟؟؟؟؟ فيه مشا ووير أكثر من كذا ........ لو ماحاشك البرد

سلمك ربي يالهنوف على كلامك
الطيب يالطيبه

اي والله لو ماجانا هالبرد كان كملانا
العشاء في البر

حفظك الله من كل مكروه

وشكراً لكي من القلب على مرورك

حتى في يومك رائع يا ابو منيرة

بصراحة يعجبني اليوم وتسلسله بهذا الشكل

الله يحفظك ويخليك لعيالك ولعين ترجيك والله يسمت ويحفظ عيالك لك

استمتعنا بهذا اليوم الجميل والرائع بكل ما فيه يا صديقي الغالي

ماشاء الله عليك ابو منيره
متبع السنه تبداء نهارك بسبع تمرات
عيني عليكم بارده يالرجال متى ما طقت في روسكم توجهتوا للبر
استمتعنا معك بيومك وعرفنا كيف تقضيه
الله يعطيك العافيه ويخليك لعيالك

وبإذن الله ضيفنا الجاي اهلاوي
فحياك الله اخونا العزيز وبإنتضارك

اقتباس: المشاركة الأصلية كتبت بواسطة مخاوي تمير    حتى في يومك رائع يا ابو منيرة بصراحة يعجبني اليوم وتسلسله بهذا الشكل الله يحفظك ويخليك لعيالك ولعين ترجيك والله يسمت ويحفظ عيالك لك استمتعنا بهذا اليوم الجميل والرائع بكل ما فيه يا صديقي الغالي

هلا والله وغلا بك يالغالي
نورت يومي بمداخلتك
تسلم ويسلم من جابك من كل شر
وعسى الله يدوم التواصل الا بينا

وجعلك ماتشوف شر في حياتك


وشكراً لك من أعماق قلبي

اقتباس: المشاركة الأصلية كتبت بواسطة احلام وردية    ماشاء الله عليك ابو منيره متبع السنه تبداء نهارك بسبع تمرات عيني عليكم بارده يالرجال متى ما طقت في روسكم توجهتوا للبر استمتعنا معك بيومك وعرفنا كيف تقضيه الله يعطيك العافيه ويخليك لعيالك وبإذن الله ضيفنا الجاي اهلاوي فحياك الله اخونا العزيز وبإنتضارك

هلا بك يامشرفتنا الموقره
وشكراً لكي لأختياري ضيف لديكم


تحياتي وتقديري لكي