كلمه من عندي وبيت شعر من عندك

حمـَـام يا اللي فوق الأغصان غنَّـى -- غَـرِّد و أنا بعدك بغرِّد و أغنّي
جّر اللحن و ( اشْلَع ) على ما تمنـّى -- مالي و لا لك غير كـِثر التمنّي
عمرٍ مضى و أنا أسمع اللي يونّا -- و أهِـلِّ دمعي لاسمعته و أونِّـي
ما هو وَلَعْ باللي تِهِزّ و تـثـنـّى -- و لا هو طَرب ؛ من زين صوت المغنّي !
ما زاد من حُــبِّ العذارى حزنـَّا -- مهما على درب المحبَّــة دَعَـنِّي
ما همنـّي بعيونهن لو غزنـّـا -- و ما همني سهم النظر لو طَعَـنِّي
بس الخوي اللي حسبناه مِنَّــا -- و اللي على فرقاه كِنَّـا نـِحِنـّـي
اللي من أول لا بغانا زبَنـّـا -- لامِنّ مِيلات الدهر مَيَّلَـنِّـي
سهمه سِـطَـا بالروح يومٍ طعنّا -- نيران غدره بالحشا ولـّعنـّـي
يا طير قل لي وش حصل في زمنـَّـا -- كيف الذي يَظلم يعيش متهني
كيف الذي نِغْلِيه يَرخِص ثمنـّا -- عن واجبه مَعْنا يِصِدّ و يِكِنـِّـي
حِنـّـا الخطأ يا طير نرفاه حِنـّـا -- و حِنـّا على أحسن ظن دايم نِظِنـِّـي
لكن بعد ما زلّ زاد وغَبَنـّـا -- يوم ادّعى إن الجور يا طير مِنِّي
يا طير ، يا طير السَّعَد لا تَعنـّـا -- و أنا معك يا طير أعينك و أعِنـِّي
خِذني معك يا طير لحظة تُونـّـا -- دامي معك يذهب غثا البال عَنِّي
و إن ردّد القُمْري لحونه و ثَـنّـى -- أردد الألحان بعده و أثَـنِّي

حبيب القلب

يضيق صدر الغريب إليا فقد داره
ويضيق صدر الحبيب إليا فقد غالي
ياليت بين البشر والخافق ستارة
وماتقدر تشوف هذا الحزن عذالي
لو أمسح الدمع تارة وأتركه تارة
من يمسح الذكريات اللي على بالي ..!

الصمت

الصمت في بعض المواقيف منكور
........................................والحكي في نفس المواقيف خيرة


ماللصبر داعي الياوصلت الزور .
......................................... كف البليد .. اللي مضيع مسيره


اللي على الصحبه معه كنت مجبور
.......................................... زميل درس وقبلها حق جيره..

من جانبي صحبه بها العز .. مذكور
........................................ ومن جانبه صحبة مصالح حقيره

كم لي وأنا اطوف له سنين وشهور
......................................... واقول اخيره بس وين الأخيره ؟؟

وان كبر الزله علي قلت معذور .. !!
.......................................... صاحب ويمزح والكبيره صغيره

الين خلى الدم في قلبي يفور ..!!
....................................... الهافي اللي .. مهفي الله ضميره

دستور ياعصر الحضارات دستور
......................................... أنا اشهد انك ملت ميله .. كبيره

الفرح

ايه والله افرح كل ماحل طاريك
،،،،،،،،،،،،،،،،،،، وان شفت زولك قلت ياحي زوله
واقول هذا اللي يحل الشرابيك
،،،،،،،،،،،،،،،،،،،،،، بافكاره اللي تتسم في حلوله
كحيلان

ياشعر تبقى في نظرهم كحيلان
وابنظرتي تسوى عيال الحمايل
حنا الثنين اخوان واكثر من اخوان
لو ماجتمعنا بالنسب والسلايل
لو نختلف باسماء وعروق والأوطان
يبقى التشابه بيننا بالخصايل

نسيم

قال المولع هب فوج الـ نسيم
ما دري صبا ولا عوالي

ذكر فؤادي ما مضى من قديم
والانس في تلك الليالي ...

الحسد

أهل الحسد ماخلت الناس تعتاش
ولا وراهم للمخاليق عيشه

لو بيدهم خلوك تشخذ من اللاش
وصكوا على الارزاق باب ودريشه

حتى الهوى اللي ربنا حط ببلاش
لو يقدرون يعلبونه بخيشه

وان قلت ابا تنفس يقولون لك ماش
بفلوس والا افك سلكه وفيشه

من حسدهم دايم مناحيس وغشاش
ياكثرهم في وقتنا اللي نعيشه

ياجعلهم دايم مجاويع وعطاش
حساد والحساد دايم وحيشه ..

التأمل

يا ابن الحلال السالفة لو تأملت
........ ماهي باكثر من شقاوة طفوله

التعب

تعبت من التعب مليت من دربـك نسيـت خطـاك
.............................شربت من الضما حتى رويـت وفـاض فنجالـك
ذكرت غيابك اللي لـو نسـى هالكـل ماينسـاك
............................يوديـك الغيـاب بعيـد عـن عينـك ويغتـالـك ...

الأم

الأم مـــدرســـة إذا أعــددتــهــا ـ ـ أعـددت شـعباً طـيب الأعـراق
الأب