نسائم نسيم

حنامانوذي ضيفنـا بالتناشيـد
،،،،،،،،،،،،،،،،،،،،ماننشده ياكود ينشـد حدينـا

شيمه عرب مانرددالهرج ترديد
،،،،،،،،،،،،،،،،،،نعرف سلوم الطيب لوماقرينـا

لوكل من يضحك لي بسنه رفيقي
،،،،،،،،،،،،،،،،كان الحريم اخير ضحك وتمازيح

رفيقي اللي ماشي في طريقـي
،،،،،،،،،،،،،،اللي يعضدلي اليا جيت اباطيـح

رفيقي اللي كل ماقبلت واقفيـت
،،،،،،،،،،،،،،،،يضحك حجاجه كل ماني نصيته

مهو مثل بعض الرجال المناعيت
،،،،،،،،،،،،،،اللي اليا جيته فضـاك بهتيتـه

هذي قصة رجل كبير في السن وشاعر ورجال مجلس وراعي سوالف ومحبوب ،متزوج وعنده عيال،المهم فيه بنت صغيره اعترضت له وحبها وجاء بينهم شبه موده على شرف ونقاء ،الرجل هذا اخذ منها القبول ورغبتها في الزواج،والبنت تحبه الى حد كبير تعلقت به لكن السن له دور صغيرة مالها نظر بعيد يعني حب وزواج من رجل تحبه ماقدرت فرق السن علما ان فرق السن مايمنع من ذلك وبعض الشّياب ابرك من الشباب !!!واحد يقصد نفسه وناوي على العرس!!!
المهم تقدم الرجل هذا وهو واثق ان البنت تبي تقبله يعني مايبقى الا يكلم اهلها!تقدم الرجل وكلم والدها وقال مرحبا ومسهلا وانت من الرجال اللي يشرفون يابوفلان، بس ابكلم البنت وهذا حق !قال الرجال اي بالله كلمها وشاورها ،والرجل هذا ضامن انها بتوافق!
قال اجل امهلنا ايام ونرد لك قال زين!
راح الرجال يتصبغ ويتولم ،ومبسوط ويحتري ابو البنت يقول جب المملك يملكك على البنت!
ابو البنت شاور بنت وقال يافلانه وش رايك فلان طالبك للزواج وقالت ها!كنها ماتدري !وجاه خوف مثل الي يقول اصح يانايم!
فكرت !وام البنت قالت يابنتي هذا رجال كبير وعنده عيال وانتي توك صغيره لكن اذا تبينه بصرك!المهم جاها من جاها الله لايوفقه من خالاتها وعماتها وقالوا وش تبين به؟رجال كبير وفيه مايخطيه.
فكرت البنت وفكرت وقالت مابيه!
المهم جاء الرجال يبي يشوف متى الملكه قال ابو البنت !البنت ماوافقت !صدمه!قال افا!
ليه ؟وش العلم قال هذا اللي انت سمعت!عاد البنت تحسفت تبيه ولاعاد يمديها خلاص، والرجال خذته عزة النفس وتركها،بغت البنت تواصله وابعد عنها وقطع كل الصلات ،لكن نفسه فيها مافيها من الحزن!الله يعينه.

المهم انصدم الرجال وقال هالقصيدة.
بالحلم شفت الزين سيد الغنادير
،،،،، شفته وانا في لذة النوم غافي

شفته وسلهم بالعيون المخادير
،،،،، وارخى اللثام وبان ماكان خافي

قال السلام وقلت مسيت بالخير
،،،،،،، وشفيك ياسيد الغنادير جافي؟

قال الزمن غدار وابغى المعاذير
،،،،،،، صحيح جافي لكن اليوم وافي

قلت العذر ماينفعك توّك صغير
،،،،،،،،،، اصبر تعلمك الليال العجافي

قال العواذل دبّروا لي تدابير
،،،،،،، وطاوعتهم حسبي على كل هافي

واليوم جابتني صدوف المقادير
،،،،،،، وابشر بقلبٍ صادق الود صافي

قلت الله اكبر عقب ذيك المشاوير
،،،،،، توّك تجي عقب القسى والتجافي

ماجيتني يوم الليالي معاسير
،،،،،،،،،،، مابيك مادام الليالي عوافي

في مامضى نتعب على دربك السير
،،،،،، واركض على دربٍ مشيتوه حافي

وارجيك رجوى راعي الطير للطير
،،،،،،،،،،،،،،اللي غدا طيره بجو الفيافي

واخترتكم من بين كل الطوابير
،،،،،،،،،، وكم واحدٍ لجلك تركته خلافي

وكنت اعترف لك بالغلا دون تقصير
،،،،،،،،،،، وغيرك تمنى شوفتي واعترافي

يازين مالك عندي اليوم تقدير
،،،،،،،،،،،،، حل بمحلك واحدٍ عنك كافي

ماعاد والله فيك ادير التفاكير
،،،،،،،،،،، غلاك عندي نوره اليوم طافي

وجلس ودمعه فوق خده شخاتير
،،،،،،،،،،، يبكي على ذيك الليال المقافي

وفزيت من نومي واردد عسى خير
،،،،،،،،،،،،، والله من حلوم الليالي يكافي

وتعبت ماحصلت للحلم تفسير
،،،،،،،،،،،،، لاعاد حلمٍ جابه الليل لافي

انا لي ثمان سنين اجامل وانا مجـروح
،،،،،،،،،،،،اكن المـوده داخـل الصـدر واكتمهـا

يجيني بلاً صندوق قلبي يزوحـه زوح
،،،،،،،،،،،،خطيرٍ معاليقي مـن القلـب يصرمهـا

سبايب مودة جـادلٍ مابهـا مصلـوح
،،،،،،،،،،،،تبهذلـت منهـا مابـه احـدٍ يعلمهـا

يقول ارحمي روحٍ تبلت لها فـي روح
،،،،،،،،،،،هي العوق والاسباب مانـي بضالمهـا

خذتني وجرتني بضحكة غـلا ومـزوح
،،،،،،،،،،تهايفت معها ليـن طحـت بمراحمهـا

غرقت بغلاها مغرم مثل غرقت نـوح
،،،،،،،،،،،،ولاادري عن ايام الغلا وش خواتمهـا

وانا مبتلٍ فيها ولالي وراهـا شبـوح
،،،،،،،،،،،مفاتيح قلبـي فـي يديهـا مسلمهـا

اليا قلت خفي حبك اللي تعـدا المـوح
،،،،،،،،،،،،،،،تجيني بنغمات ٍ على القلـب ترسمهـا

تجيني باساليبٍ تزيد الجـروح جـروح
،،،،،،،،،،،،،،،،خذتني بضحك احجاجها مـع تبسمهـا

تبسم بيضٍ كنهـا اللولـو المصحـوح
،،،،،،،،،،،،،،،،،او الدر مـن بكـرٍ سريـعٍ ترزمهـا

عليها الحلا والملح كنك تكوحه كـوح
،،،،،،،،،،،،،،،،،حضيض الفؤاد المسعد اللـي لايمهـا

هاك الغره اللي مثل برقٍ لنوره ضـوح
،،،،،،،،،،،،،،،،سنا مزنـةٍ ترعـد وتبـرق مقادمهـا

عن المترفات الضمّرالعقش فيها نـوح
،،،،،،،،،،،،،،تحشر النفوس اللـي قـويٍ عزايمهـا

تمريع مثل زملوقةٍ في محير الصـوح
،،،،،،،،،،،،،،،،عدلها النسيم ورايـح الوبـل داهمهـا

اليا شافها راع النظر حـار مايـروح
،،،،،،،،،،،،،،،،،،تكلم حشى لله ماهـي مـن اوادمهـا

لاهي حص لاياقوت لاجوهرٍ مطـروح
،،،،،،،،،،،،،،،،تقل فضـةٍ مصبوبـةٍ مـن مناجمهـا

هوافٍ خواصرها الجدايل عليها سبـوح
،،،،،،،،،،،،،،،،،كساها اشقرٍ ياصل اليا الردف ضايمها

مثل ذيل شقراً ماعليها ثـلاث قـروح
،،،،،،،،،،،،،تكـم السبايـا يـوم تطـرخ قوايمهـا

اليا سلهمت بعيونهـا عدنـي مذبـوح
،،،،،،،،،،،،،تبنجت حتـى كلمتـي مقـدر ابرمهـا

هذا هو بلاي وهو سبب جرحي المفتوح
،،،،،،،،،،،،،من اسبابها افرق هجوسـي واليمهـا

عديت وتعبت وطحت والكبد فيها فلـوح
،،،،،،،،،،،تهيج الجـروح ولاش شـئٍ يدمدمهـا

علي الخطر وشلون تلعبـي الشحـوح
،،،،،،،،،،،مثل مالعبت بغيرهـا صـرت رايمهـا

على كيفها تومي بقلبي سوات اللـوح
،،،،،،،،،،بلاي الغلا اللي بسرة القلـب واسمهـا

حلايا المهاه اللي ذعرها دبش وسروح
،،،،،،،،،،وراها تشـب النـار فيِِِِِِـه وتشعمهـا

ليا جيت ابا ازعل ردني حكيها المملوح
،،،،،،،،،يجيني بـلاً حتـى عيونـي يغمغمهـا

جدايه جدا ورعٍ جـداه البكـا والنـوح
،،،،،،،،،،،يبا حاجـةٍ مخفيتـن امـه معالمهـا

يالولا يالولا ان الخطا فاعله مفضـوح
،،،،،،،،،،ماعود محيم وعبرة الصـدر ازايمهـا

نشوف من يكسب التحدي،لكن النتائج واضحه مايحتاج تفسير ولايحتاج تعليل .
حط لك كرسي وناظر من بعيد .
نتيجة واضحه خلاص .

اللي اقدر اقوله الله يعظم الاجر ،حر من جد حر، صالي صالي .
ماش انا اول مره احدث نفسي بالسفر في شهر رمضان اي والله.ولو رمضان ماهوب يلعب ولايستهان به اطلاقا في ظل الاجواء هذي.