نسائم نسيم

قصة الطفل العاشق

عاش الطفل بعد وفاة والده في بيت عمه

وكانت بنت عمه اكبر منه بثلاثة عشر عاما


وتعطف عليه ليتمه وتعامله معاملة خلته يتعلق فيها ويعتقد انها تحبه


ومرت الايام وفي يوم تفجأ ان الناس مجتمعين في بيت عمه وقالو اليوم زواج فلانه
ورح لها قال وانا
قالت انت صغير وانا اكبر منك بكره تلقى اللي بعمرك وتسعدك وعطته ظهرها ومشت

وبقت اللحضه هذي في خيال الطفل عايض حتى اصبح عمره تسعة عشر عاما

وتفجرت شاعريته بهذه القصيده الآليمه الموجعه اللتي يحكي بها قصة حياته مع ابنت عمه .
بداية القصيدة بدء بتذكر المطوع مطوع شقرا اللي قتله العشق ،عندما رحل اهل معشوقته عن بلده شقرا،المطوع
مشى وارء حبيبته وحيدا حتى ادركه التعب والظما ومات عند نقاء المطوع اللي الان في الدهناء وسمى بسم نقا المطوع،
حيث قال الشاعر الصغير
ابن المطوع ما لقــــا الـــــدار ماهول
مخل ٍ جنابه عن جميع الونس خـــــال

شافه خلا من عقب ما هــــوب منزول
وأقفا على أقدام الحفا يهذل أهذال

ابن المطوع مــــــات مع درب مجمول
عطشــان في راس أبرق ٍ نايف ٍ عال

سوف اكمل سالفة هذا الطفل الشاعر وفصل قصيدة لانها تستاهل وقوية ومحزنه .


هذي القصيدة كاملة لهذا الشاعر الطفل ،حب بنت عمه وبنت عمه كبيرة اكبر منه بثلاثة عشر سنه!وهي تعطف عليه وترحمه لانه يتيم وصغير ،مات ابوه وامه ميته !وكانت ترفق به بنت عمه وتخدمه لانه طفل ،ولاتخلي الاطفال الاخرين يضربونه!نيتها رحمه،لكن هذا الطفل تعلق بها!
وكلمها الطفل وقال اني احبك!
قالت يمديك الى كبرت وصرت رجال ،تبي تلقى من يحبك وضحت له!
وهالمسكين اللي انا شخصيا اشفقت عليه!تعلق بها!يعني حب شخص ماهوب يمه !روح تعلقت في روح!
صحيح الطفل هذا صغير لكن قلبه كبير الله يعينه !
قال القصيدة المطولة

ابن المطوع ما لقــــا الـــــدار ماهول
مخل ٍ جنابه عن جميع الونس خـــــال

شافه خلا من عقب ما هــــوب منزول
وأقفا على أقدام الحفا يهذل أهذال

ابن المطوع مــــــات مع درب مجمول
عطشــان في راس أبرق ٍ نايف ٍ عال

لكن سواتي ما بعــــد عاشهــــا زول
ولا قد سمعتلها مع أهل الهوى أمثال

عايشتها عمــــــــري ثلاثة عشر حول
أو هو يقل عن الثلاثــــة عشر حــــال

أنا صـغير ونـــــاحل الخصر مـــــدلول
سبع وثلاث معديتني ورى الجــــــال

الفرق عشر ٍ فيهن أريــــاف ومحــول
فارق هوانا فــــــرق راحـــــل ونزال

صبرت عل الصبر ينــــــدار بحـــــلول
وحمل العنا عن بــــايد الحيل ينحــال

أقول أظن الصبر ينــــــزال ويـــزول
وصبرت وأثر الصبر مـــــــا هو بحلال

ونويت أكسِّر حــــاجز الصمت وأقول
أما طمـــــع وألا مناكيف وأجـــــزال

واجهتها خــــــايف وسايف ومذهـول
وأخبرتها بالحــــال عن خافي الحال

واجهتها مــــــن راس مرسلت مرسول
وردت بعــــلم ٍ ما خطر لي على البال

قالت واشـــــــافيها تفرق عن اللول
تــــــــوك صغير ولا بعد صرت رجال

اليا شتد عـودك وأصبح الزند مفتول
ومشيت مــــا بين المنـــــاعير تختال

يمديك تلقــــــى من يسليك بــــدلول
ويحطلك بأقصى خفـــاياه منـــــزال

وأقفت يلحفـــــــها من الليل مجدول
ما غطتــــــــه عن ناظر الطفل بجلال

أقفت وأنا في ماقف الياس مخـذول
مفلس افلاس مضـــــــيع الجاه والمال

تفتــــر بي دنياي في حيــل مشلول
وفي ما قفي ما طاعت الرجل تنـزال

وراح الزمان وطال واطول بي مطول
وأصبحت في رجــوى قبالات وهبال

أصبحت جرحي في خفاياي مشيول
نوب يهيــــض ونوب يلتف بــــأسمال

لا طاب من مابه ولا مـــــات مقتــــول
أبطى وتاثيــــــره على النفس مازال

جرح ٍ يزوره ســــاري الطيف محمول
على متون الليل فـــــــي مهمه اللال

يسقيه في لذة كرى النـــوم معسول
حلو المذاق بلذة النــــــــــوم سلسال

من منهل ٍ يــــــاعنك ما هوب منيـول
صعب ٍ على خيــــار النشاما والانذال

واليا انتبه جرحـــي من النوم مثمـول
عادت عليه أتـــــــراح الافراح تنهال

هذا جـــــواب اللي عن الناس معزول
عزل الجبال الصم عـــن جرد الاسهال

واتلا الجــواب من المساهير همـلول
تهدي لذاك الزول من بـــــد الأزوال

استمتعت بقصصك المميزة والرائعة

واعجبتنى قصة الطفل الشاعر..

واصل نحن من متابعينك..

اقتباس: المشاركة الأصلية كتبت بواسطة عَ ـزَوـوفْ ..(~    استمتعت بقصصك المميزة والرائعة واعجبتنى قصة الطفل الشاعر.. واصل نحن من متابعينك..

الله يخليك ياعزوف .
واتمنى من الله العلي القدير ان يوفقنا واياكم ويدلنا على الصالح .
واحب افيدك ان المدونات اليوم هي القمة بفضل الله ثم بفضل جهودكم يامشرفي المدونات.
تحياتي لك

وش علاج التخلف ؟
من جد والله!
فيه ناس تحس ان عقله جاي في زاوية ضيقه والانابيب اللي توصل الدم لهذه الخلايا الميته متسدده تبي تسييخ اي تفح من السدد وينظفها ماتترك كذا!
لعل الله ينور على قلبه ويفهم او يعرف وش المكان اللي قاعد فيه.
لو تلاحظه اذا جاء يتكلم مخارج الكلام عنده فيها رقله (ينتفض حنكه تقول بردان )ماتدري وش يقول ؟
تقعد ساعة وانت تسمعه وتقول في نفسك الاخ هذا وش قاعد يقول ؟
حتى في الكتابة والردود تدري ان عنده حالة انفصام عقلي وشلل رباعي في الحبال الصوتيه تؤثر على كتابته.

اقتباس: المشاركة الأصلية كتبت بواسطة نسيم    وش علاج التخلف ؟ من جد والله! فيه ناس تحس ان عقله جاي في زاوية ضيقه والانابيب اللي توصل الدم لهذه الخلايا الميته متسدده تبي تسييخ اي تفح من السدد وينظفها ماتترك كذا! لعل الله ينور على قلبه ويفهم او يعرف وش المكان اللي قاعد فيه. لو تلاحظه اذا جاء يتكلم مخارج الكلام عنده فيها رقله (ينتفض حنكه تقول بردان )ماتدري وش يقول ؟ تقعد ساعة وانت تسمعه وتقول في نفسك الاخ هذا وش قاعد يقول ؟ حتى في الكتابة والردود تدري ان عنده حالة انفصام عقلي وشلل رباعي في الحبال الصوتيه تؤثر على كتابته.

وبعض الاحيان يطري علينا طواري !نقول وش حادنا ؟
صك الجهاز وترك مقيط ورشاه.
لان مافيه فائدة الحالة متطوره ولا لها طب ،فكر اطفال ،فكر عرابجه اللي منول يحطون جنوط ويفحطون!
ما ،خلاص !صعب والله .
وش خليتوا ؟
ارحموا انفسكم ،طق راسك في جدار يمكن يتحرك مخك ويفتح الله على قلوبكم.

عندي يقين إن الفلك دوّار والدنيا تدور

،،،،،،،،،،،،،،،،،،،،،،،،،،،،،واللي طلع من مشيمه يكبر ويدخل في قبر


مهيب حلوه تبتسم في وجيه تعطيك الظهور

،،،،،،،،،،،،،،،،،،،،،،،،،،،،،،،للوجه لا قابلك وجه وللظهر مثله ظهر


كسر الخواطر وانتفاخ النفس في ثوب الغرور

،،،،،،،،،،،،،،،،،،،،،،أمّر وأدهى من صواديف الدهر وأدهى وأمر


امن الحياة اللي تجرّعنا حلاويها مرور

،،،،،،،،،،،،،،،،،،،،اليا استوت مع زيد بعض أمرار خربت مع عُمر

انا اللي الشرهه علي يوم حبيت

،،،،،،،،،،واخلصت في حبي لمثلك وشرواك

ولو التمني قد نفع قلت ياليت
،،،،،،،،،،،،،،،،ياليت ربي لد عرفك وجمعاك

وياليتني في حارتك ماتمشيت
،،،،،،،،،،،،،،،،،ولاعرفتك يوم هذي سوياك

وياليتني من قبل اعرفك توفيت
،،،،،،،،،،،،،كان مستريح من الغرابيل وياك

وياليتني ساعة ملاقاك صديت
،،،،،،،،،،،،،مارحت ادور واسطه لي عرفناك

وياليتني يوم شفتك اقبلت صديت
،،،،،،،،،،،،،،،،،،عز الله اني مستريح بلياك

انا صحيح الي على نفسي اخطيت
،،،،،،،،،،،،،اخفيت انا الواضح وخافي خطاياك

وترى العذر ماينفعك مهما تخفيت
،،،،،،،،،،،،،،،،تشهد عليك الدبله اللي بيمناك

هذي من القصائد الحساسة وتحتاج الى انسان متذوق ماتمر مرور الكرام


العام أنا لك وروحي مثل جسمي لك
،،،،،،،،،،،،،،،واليوم ما اعطيك لا جسمي ولا روحي

ما شفت عندك مثل ما كان عندي لك
،،،،،،،،،،،،،،تضحك وأنا أبكي ولا لي منك مصلوحي

يا طول ما جيت لك من جورك أشكي لك
،،،،،،،،،ويا طول ما سهرت جاري من صدى نوحي

ما عاد تسمع كلامي لو بنادي لك
،،،،،،،،،،،،،،،،،،،،تصد عني وتقفي تقل ما توحي

لا,لا تعذر ولا تتعب مراسيلك
،،،،،،،،،،،،،يكفيني اللي حصل لي وأنت مسموحي

أقفيت عني وأنا بالعين أراعي لك
،،،،،،،،،،،،،وأغلقت باب الغلا اللي كان مفتوحي

إمسح دموع الندم بأطراف منديلك
،،،،،،،،،عش ما بقى لك مثل ما عشت مجروحي

.
السلام عليكم ..

صباحك ورد يا جميل ..
.
وش هـ القصص و القصايد .. ابدعت في تحريك المشاعر يا نسيم ..
.
أقفيت عني وأنا بالعين أراعي لك
،،،،،،،،،،،،،وأغلقت باب الغلا اللي كان مفتوحي

اشوف ان هالبيت هو .. زبدة الكلام ..
.
لكن ما تشوف يا نسيم .. ان اللي يحب حب حقيقي .. مهما صار يبقى حبه للاخر موجود ..؟
.

اقتباس: المشاركة الأصلية كتبت بواسطة عصي الدمع    . السلام عليكم .. صباحك ورد يا جميل .. . وش هـ القصص و القصايد .. ابدعت في تحريك المشاعر يا نسيم .. . أقفيت عني وأنا بالعين أراعي لك ،،،،،،،،،،،،،وأغلقت باب الغلا اللي كان مفتوحي اشوف ان هالبيت هو .. زبدة الكلام .. .

صباحك عود ومن اطيب الازاهير ياعصي الدمع.
هذا كُله من حسن ذوقك الله يسلمك،
والله ياصحيبي كلش صار زبدة وزبد سايح وانا بعد سايح !!!!!!!!!
ان قفل بابه مالنا عليه سبيل، ننتظر والله يعين الصابرين،والناس عوجان الاللسن وانت خابرهم.