نسائم نسيم

تمردت وانا كنت أظنك ضعيف الحال
،،،،،،،،،،،،،،،،،،،،،،،،،، تظاهرت بالطيبه لتحقيق غاياتك

على كل حال الوقت مهما اعتدل ميال
،،،،،،،،،،،،،،،،،،،،،،،،، زمانك يجيبك والله اعلم بغاياتك

مادام اني انا المظلوم .. انا مستريح البال
،،،،،،،،،،،،،،،،،،،،،،،،،، فراقك يجنبني خداعك وحيلاتك

ويرتاح فكر(ن) عذًبه شكه القتال
،،،،،،،،،،،،،،،،،،،،،،،،،،، وخلك على كيفك تدَور ملذاتك

وانا ارتاح من همي ومن لومة العذال
،،،،،،،،،،،،،،،،،،،،،،، ولي نيتي وانته على حسب نياتك

تفاهم معا نفسك توجه لها بسؤال
،،،،،،،،،،،،،،،،،،،، من انته وانا .. من ثم حجّم خيالاتك

مع اني ابد ماابحث لنفسي عن التفضال
،،،،،،،،،،،،،،،،،،،،،،،، وفضل التواضع مننا زاد سياتك

ترى لعبة الحيلة تعوَد على الحيال
،،،،،،،،،،،،،،،،،،،،،،،،، لعلك تنَدم يوم وقت الندم فاتك

كُل انسان له طاقة!له طاقة!وله حد يقف عنده مايقدر حتى لو اراد ان يفعل !خلاص يقف الا اذا كان غبي او ماعليه شره!هذا ماله اعتبار.
من قال انا !!قالوا الناس، وش انت؟
هنا يكون احترام النفس من جميع النواحي مهما تقدم اوتفعل اوتبذل لاتقيم نفسك،لاتغتر بمايقال عنك ،اذا واجهك مشاكل اعرف انها نتائج ايجابية وتقدير للاداء اللي تقوم به ،وهذا يعتبرتقييم النفس لمن يريد ارضاء نفسه فقط ،لكن من يريد الظهور والبهرجه فيه امور ثانية مثل وسام او شهادة شكر او يقال انت كذا وكذا يعني لقب ما ودي اذكره لكي لايفسر كلامي بشيء انا والله ما اهدف له.
لكن الصحيح والنتائج الصحيحة تلاحظها في تصرفات من حولك.
ارض ضميرك وتكلم بطبيعتك وعبر عن شعورك لاتجامل بس لاتخطي ،اضمن لك الراحة والاستمرار والاستقرار والمتعة وهي اهم شيء .
عبر عن شعورك تكلم بصدق لو يزعل اكبر راس ماعليك منه.

كل يوم اكتشف شي جديد!
تو اناظر عدد المشاركات والمشاهدات احسبها اعداد فقط ما دريت انه ينضغظ عليها ويطلع لك اللي شاركوا قسم بالله ان هذا اللي حاصل!
يعني كُل هالسنين وحنا ضايعين!مافيه احد ينبهنا ويعلمنا؟
منول اذا بغيت اشوف رد عضو اروح وقلب الصفحات كلها لين اطيح فيه وتعب ،واثر الناس مرتاحه يجيب اللي يبي وهو مريح!
ساحة الشكاوي قسم بالله مدري ان فيه ساحة لين علمني ابوحمد من سنتين!
كان به شي مابعد اكتشفناه لاتخلوني منه !

ابعلمكم بحاجة تو جت في خاطري بس لاتنقدون علي!
انا والبزور عزوبية في البيت المهم صلينا الفجر ويوم وقفت عند الباب لين الدنيا مظلمة شوي ولتفت على وجيه البزور لين وجيهم ماهيب زينه وانا مثلهم،وتلمس الباب ابفتحة وقلت ياشين البيت وامكم ماهيب فيه،مار يسكتون ،مار اعيدها ثانية قلت البيت ياعيال شين ،قالوا ايه:قلت لو ان امكم معنا ماهوب ازين يعني افضل قالوا ايه وهم مطمنين روسهم ،قلت والله اني داري ومحتس من يوم جينا لكن وش نسوي عاد؟
كُنّا قبل نجي للبيت مبسوطين نبي نفلها ونوسع الصدر وعزّابيه ،مار يوم طال المدى يعني الوقت ضاقت بنا الارض بما رحبت، نبيها ونبي البنيات الله يصلحنه وبنات المسلمين،
ولو الرجال بدون حرمة والله ماينفع ولا بسبع المذاهب ،مالنا عنهن غناة ابد.
اجل لو تموت باكر ؟وش ابسوي ؟
والله اني لجزع،منّا بزور ،ومنّا بنيّات صغار ،لو نجيب ستين حرمة ماهيب صابرة علينا!
المشكلة عاد يوم نعرس مانعرف بعض!بس سبحان مولف القلوب!تو افكر بالكلام هذا وقول في خاطري اجل لو ا حنّا مثل هالدول العربية اللي الى من بغى الرجال يعرس يشوفها في مدرسة والا جامعة والا عند جيرانه والا في حارتهم لان طبيعتهم مايتغطون وزواجهم يجي عن رغبة سابقه يعني يشوفها ويكلمها وتميل قلوبهم لبعض ويعرسون الله يوفقهم عن قناعة وحب وعشق !
لو حنا مثلهم وتموت الحرمة كان نمشي في الشوارع منهبلين،لاني اشوفهم اذا ماتت زوجة الواحد منهم قام يطنب بالصياح كن اللي ميت امه والا ابوه والا الغالي من اخوانه يعني ننقد عليهم يقول (مراتي)ماتت،لكن حنا اذا ماتت الحرمة يصير حزن طبيعي واول مايقول هالعييل معد عندهم احد!
فهذا يدل على ان حنا يالرجال جيدين نحب حريمنا وحنا يوم نعرس ماشفناهن الا ليلة العرس الساعة 9،30ليلاً.
وشلون تعامل معها وانت توك تشوفها حرمة مابعد شفتها الا تو؟وش تبي تقول ؟وش يجيك من الاحراج وانت تسحب بشتك؟صراحة موقف لانحسد عليه!
لكن مدري عن التالين يمكن انهم عقب الجوال يجي بينهم ويكسرون حاجز الخوف والرهبة يعني ياحظهم،لكن حنا ياجيل ابو مايدري عن شي لعب فينا حاجز الخوف وكسر وجيهنا .واذا قمت الصبح لين ابوك وامك متمددين في الصالة وانت نازل يناظرون فيك!!!،وهذا اكبر من هم العرس كله،تخيل هالموقف !!!،وتخيل انك انت وزوجتك في فندق مثل جيل الشباب هالحين ياالله من فضلك!
يعني ما يمدي نسوي مثل جيل اليوم؟
تبون الصحيح ماخذنا من هالدنيا الا هموم ومشاكل وشي عسر صراحة.
اف بس .

وردة الوادي علامك ذابله ؟
،،،،،،،،،،،،،،،،،،،،،،،منظرك ياوردة الوادي حزين !



قالت اظناني هجير القايله
،،،،،،،،،،،،،،،،،،،،خافوا الله في غصون الياسمين



ليش صار الورد كلن شايله
،،،،،،،،،،،،،،،،،،،،،،،ماخلقنا الإ لدور العاشقين !



للسعادة والحياة الفاضله
،،،،،،،،،،،،،،،،،،، اقطفوها من عيون المعجبين



من قطف بستان مايستاهله
،،،،،،،،،،،،،،،،،،،عذبه فعله قدّام المسلمين
هنا خاطب الوردة على سبيل الاستفهام ماسبب سقوطك
فاجاب الشاعر بنفسه عن الورده في البيت الثاني وفي البيت الثالث يتسآل الشاعر على لسان الورده الذي يقول
ليش صار الورد كـلن شايلـه = ماخلقنا الا لـدور العاشقيـن ؟
فالوردة تسأل الشاعر هل خلقنا الله لزينة الارض ام خلقنا لاهداءات العاشقين ، فأنت اخي القارئ اذا ذهبت الى حبيبيتك ستصتحب معك وردة فلهذا تسألت الوردة عن ذلك
ثم اضافت الوردة الذبلانة معلومة للشاعر ولقاطفيها في البيت الرابع:
للسعـادة والحيـاة الفاضلـه = اقطفوها من عيون المعجبيـن
اي اذا اردت السعاده واكمال واجب الحب ايها القاطفون فلاتقطفوني بل اقطفوا من عيون المعجبين السعاده وهذا بذاته اكبر الواجبات ، والبيت الاخير اظن مايحتاج له توضيح
القصيدة حلوة وحبيت اوضحها للجميع

ياجوز الهند سميتك هنادي
،،،،،،،،،،،،،،،،وصاراسمك مثل في كل وادي

وروحك عادلت بالحب روحي
،،،،،،،،،،،،،،،على شانك سمي هندالبوادي

وقلدتك من اصناف الجواهر
،،،،،،،،،،،،،نسجت سلوكها لك من فوادي

وخصيتك بالارياح الثمينه
،،،،،،،،،،،،،،،،،وصورتك بالابيات الجدادي

وكنت النور الاخضر في حياتي
،،،،،،،،،،،،،،،،وشفت السعد بعيونك ينادي

ولامنه طرا لك حب غيري
،،،،،،،،،،،، ابااهجر ديرتك وارحل بلاديٍِ

اقتباس: المشاركة الأصلية كتبت بواسطة نسيم    ياجوز الهند سميتك هنادي ،،،،،،،،،،،،،،،،وصاراسمك مثل في كل وادي وروحك عادلت بالحب روحي ،،،،،،،،،،،،،،،على شانك سمي هندالبوادي وقلدتك من اصناف الجواهر ،،،،،،،،،،،،،نسجت سلوكها لك من فوادي وخصيتك بالارياح الثمينه ،،،،،،،،،،،،،،،،،وصورتك بالابيات الجدادي وكنت النور الاخضر في حياتي ،،،،،،،،،،،،،،،،وشفت السعد بعيونك ينادي ولامنه طرا لك حب غيري ،،،،،،،،،،،، ابااهجر ديرتك وارحل بلاديٍِ

الله الله اختيــــــــــآأر مؤفق سلمت يمناك

متابعين لك..

ياساري الليل لاتسري على شـاني
،،،،، ريــح ضمــيرك ورجــلك لا تـعنـيها

انا ادري انك بكل احساس ترعاني
،،،،، لكـن أمــورن بنفسي مـاقـدر ابديها

لاصار غدر السنين اشكال والواني
،،،،، غصب تـموت القلــوب ودمـها فيـها

وانا زماني سرى والنـوم ماجــاني ،
،،،، والنفس دايـم تحن لـذكر مـاضــيها
هذي من ضمن قصيدة طويلة وتعد رائعة بكل المعاني ،كل بيت فيها يعتبر سبيكة ذهب .

اقتباس: المشاركة الأصلية كتبت بواسطة عَ ـزَوـوفْ ..(~    الله الله اختيــــــــــآأر مؤفق سلمت يمناك متابعين لك..

تسلم روحك ياعزوف ،اتشرف بحضورك والله .
تحياتي لك

ياشوق و الله ان روحي من فراقك عليله!!!!!!!!!!
ياشوق كان به شي ؟اعرف انه مقّدر ومكتوب !
قلت خيرة ثم خيرة ثم خيرة!ياكثر ماقلت خيرة !الاولة قلت خيرة والثانية قلت خيرة!!وش بقي ؟
كل الجروح مقدور عليها لكن من الاصحاب !!!ياقو طعناتهم، ويحر كبدي لاصار مافي اليد حيلة!تلزمني سلوم الرجال اسكت‘ وقول ياالله عسى ماتكره النفس خيرة!!!
ذولا ربع ،وذولا اخوان!
اما عذرتني ياصاحبي بقول خيرة!
خيرة!!!!!!!!!!!!