نسائم نسيم

اقتباس: المشاركة الأصلية كتبت بواسطة اسيل التميمي    ،انا وش ينقصني من عينك انتي وغيرك .>>>>عيني لي وعينك لك ماله داعي التجريح الله يهدينا واياك تصبح على خير

دام هذا ردك! وانا كنت احسبك شخص طاغي وحسبت لك حساب .واثرك هويّن!
اسمع
ماتساوى الاصابع خمس مير اشكال،،،،،،،،،،ذاك قاصر،وذا من فوقها زامي (زامي اي مرتفع)

الغيب ياناس معروف ما يعلمه الا الله سبحانه وتعالى،والمعجزات للرسل والانبياء!
في وقتنا الحاضر مافيه وحي ينزل ،بشر مثلنا مثل بعض!
مالنا الا مانطق به هذا اللسان سواء كان صدق او كذب ،لكن نميز هذا من هذا مافيه امل !
تجي كل يوم بشكل وصورة وتبيني اميزك!
علىالعموم، واللي يجب ان يكون، واللي يجب ان يفهمه الجميع، نحن في مكان اشبه مانكون بلاشباح،لانعطي الوضع اكبر من حجمه،اجتمعنا للفائدة،للسوالف ،قضاء وقت ،غيره كل شخص ابخص بحاله.
متعة ليه نخربها ؟
سؤال يفرض نفسه.
تبي تاخذ وتعطي مرحبا ومسهلا ،عندك خاص فيه خاص.غيره انتهى.

ياالله نعتبرها بوابة عبور ،نختم عليه، ونقول رح ترزق الله وان فشل ماهوب ذنبي !
قضبناه الطريق لكنه ماعرف .
وان نجح ورفع راسه ترى ماهوب مبطي!
حقيقة يجب ان تُعرف.

ياحي هالصوت ،يازين هالصوت!
كم يريح النفس ،
صوت
اللهُ أكْبر ،ألله ُأكْبر،
عسانا مانفقد هالصوت يارب

قالوا تذّكر خوته قُلت غالي
،،،،،،،،،،،،،،،ما ينكر الخوة سوا هافي الساس

راحت به الأقدار هي والليالي
،،،،،،،،،،،،،،،،،قفّى مثل غيره وجيزه من الناس

يَقْطَعْك يا وقت كثير الهبالي
،،،،،،،،،،،،قفّوا هل المعروف ويا كثر الأنجاس

خوّة مصالح جعلها للزوالي
،،،،،،،،،،،،،خوّة زمن تمشي على وقت وقياس

والى حصّل المنشود دوّر بدالي
،،،،،،،،،،،،،،،،متشكل وجهه على كل الأجناس

أشبهه باللي يرب الدلالي
،،،،،،،،،،،،،،،منظر دلاله تعجبك دون محماس

والا سراب يوهمك بالزلالي
،،،،،،،،،،،،،تتعب تسوق أقدام رجلك والأنفاس

يا وقت خبرني عن اللي صفالي
،،،،،،،،،،،،،،،والا، توّقف، وضعنا حيل حساس

اهداء لـ .. العاشق نسيم ..
ااه من الحب .. و سيرة الحب ..
.


يذكّرني القـمر ظلّك عجب ياللي ظــلالك نـور
وانا اللي ماعرفت الليل لولا عتمة أهدابك

حبستك في السما شمس وعلى وجه السحاب طيور
ونخيلٍ باسقٍ يشرب رضاك ويعطش عتابك

وجلست اناظرك ما رف لي جفنٍ تقل مسحور
أقول ان الجمال انتي وكل العشق باسبابك

هقيت اني ملكتك مادريت ان الأماني غرور
وانك في يدي لين انتحابي الوقت واقفا بك

سقا الله يوم كان اكبر همومك خاطري المكسور
وكنت الضي في عينك وكنت السقم في ثيابك

سقا الله يوم كنتي الارض أنهار وشجر وقصور
ديارٍ نورها من طاقتك .. وأحلامها بابك

عيوني ياشقى عيوني من الجدب الموات البور
أراضي مابها الا ماذوى وانهدّ في غيابك

أحبـك كـان لي قلبٍ يجضّ من الجفا مقـهور
وصار اليوم يفرح لو لقى به عذر يشقى بك

عصي الدمع،
كل ماتهدي علي مقبول ،مداتك جزيلة.
بس لو كتبت اهداء لنسيم وكُل عاشق!!!لانهم يحسبون ان نسيم لحاله بس،وعاد الربع يحبون كلهم ويحطونها في نسيم لحاله!

عادي يارجال نسيم وبس.
شكرا عصي الدمع

يامالك القلب لاسافرت عوْد سريع
،،،،،،،،،،،،،،،،،،،،،، لاياخذك جو غيري والمولع يضيع

رحتوا وكن الذي في الحي راحوا جميع
،،،،،،،،،،،،،،،،،،،، والله لكم عندنا وحشه وموقع رفيع

ضاقت علينا بلدنا في فضاها الوسيع
،،،،،،،،،،،،،،،،،،،،،،، يابدر غايب علينا ياقمرنا البديع

القلب محتار من بُعدك وجرحي فنيع
،،،،،،،،،،،،،،،، أنا احسبه صيف واحنا في ليال الربيع

أبات سهران واصبح من عذابي وجيع
،،،،،،،،،،،،،،،،،، الآه تلو الآه دمعي مثل جاهل رضيع

كنت احسب اني على فرقاك قادر شجيع
،،،،،،،،،،،،،،،، نفسي على البعد بْيَن لي فشلها الذريع

والصبر معدوم ولاقلت اشتري من يبـيـع
،،،،،،،،،،،،،،،،،، توي دريت ان حٌبك في فؤادي فظيع

أسألك بالله ياحصن الحصون المنيع
،،،،،،،،،،،،،،، لو قالوا الناس ذع .. سر الهوى لاتذيع

ياجوز الهندسميتك هنادي
،،،،،،،،،،،،،،،،وصاراسمك مثل في كل وادي

وروحك عادلت بالحب روحي
،،،،،،،،،،،،،،،على شانك سمي هندالبوادي

وقلدتك من اصناف الجواهر
،،،،،،،،،،،،،نسجت سلوكها لك من فوادي

وخصيتك بالارياح الثمينه
،،،،،،،،،،،،،،،،،وصورتك بالابيات الجدادي

وكنت النور الاخضر في حياتي
،،،،،،،،،،،،،،،،وشفت السعدبعيونك ينادي

ولامنه طرا لك حب غيري
،،،،،،،،،،،، ابااهجر ديرتك وارحل بلاديٍِ

لوجيتني بالطيب من دون تهديد
،،،،،،،،،،،،،،،،،،،،،،، أوقف معك دايم بنخوة شديده

تحقق المطلوب مدبول ويزيد
،،،،،،،،،،،،،،،،،،،،،،، والقلب طيب والمشاكل بعيده

والاقضينا حاجتك كنه العيد
،،،،،،،،،،،،،،،،،،،،،، تبدأ مع الاجواد صفحة جديده

إن كان فعل الطيب في اللاش مايفيد
،،،،،،،،،،،،،،،،،،،،،،،، حنا نفاخر بالامور الحميده

راعي الوفاء يحصل على كل مايريد
،،،،،،،،،،،،،،،،،،،، لوكان عند البنك خالي رصيده

عنادك اللي جاب لك كل تنكيد
،،،،،،،،،،،،،،،،،، تكفى ترى طبوع النشاما عنيده

والله ماأبغى لك مشقه وتعقيد
،،،،،،،،،،،،،،،،،،،،،، لاشك شفتك ناوياً بالمكيده

من الغبا توقف معا خصم صنديد
،،،،،،،،،،،،،،،،،، تهدده والسيف مصقول بيده !!