رُكْن النهاية

ماباس يالَّلي تشتكي حب غالـي
،،،،،،،،،،،،،،،،،،،،،،،،،،،،،،،،،مِـنـوتـه شـــوف خـــلٍّ مـايــدور بـديـلـه

وش بقي ماكتبناه ؟؟؟؟؟؟؟
الكاريبي !

فيه احد يكذب وهو يكتب عن مشاعره ومعاناته ؟
تكذب على الناس وتظلم ماشي ،نقول معليش !لكن تكذب وانت تكتب محد طلب منك اعتراف ولا احد قال وش فيك ولاتزال تكذب ؟
اذا وصل الانسان الى مرحلة يكذب فيها على نفسه او محاكاة نفسه ويكذب فهذا امر تعدى مرحلة الغير طبيعي انسان غير سوي !
ودي اصدق اللي قاعد اقراه والله ،ودي ،لكن في احساس او احاسيس اقول مش معقول يكون انسان بهذا القدر من المعاناة !
اصدقوا في تعبيركم !اصدقوا لو مرة ،جربوا الصدق تراه شي حلو ومريح للعقل والجسم ،يعطيك نظرة بيضاء للحياة !
الحياة بدون صدق جحيم ياكل صاحبه !

شخصيات مهزوزة ،مريبة ،تعيش حياة الشك والحذر والكذب !
وشلون اعيش وانا في مثل الحالات هذي ؟كيف امارس حياتي الطبيعية !كيف تطلب منّي ابادلك الود والاحترام وانت تحمل اسوء صفات وخصال الانسان !
مافيه احد يستحق انك تقدره او تحترمه !
الشي اللي يجب ان تحترمه نفسك انت ،احترم نفسك بلابتعاد قدر الامكان !
وترك حكمه عليك كيف يشاء خلهم يقولون ويفسرون على كيفهم لا يضر اطلاقا !

الليل دايم .. للهواجيس جذاب
،،،،،،،،،،،،،،،،،،،،،،،،،،واليا ادّلهم في وحشته كبر واغرور

يلف به .. سبعين طاري ويرتاب
،،،،،،،،،،،،،،،،،،،،،،،،،،بالٍ وقف .. يرقب طواريه مبهور

واعظم طواريه الوله والوله ناب
،،،،،،،،،،،،،،،،،،،،،،،،اليا انغرس بي ينزف اشعار واشعور

شعراً عن احكايات الاشواق ماتاب
،،،،،،،،،،،،،،،،،،،،،،،،،،حبره سحايب والورق قاع ممطور

لبيه ياعشقٍ ربى خلف الاهداب
،،،،،،،،،،،،،،،،،،،،،،وعاش بْ وطن صدراً من الودّ معمور

عل ما بأس ياللي، تشتكي حب غالي
،،،،،،،،،،،،،،،منوته شوف خل مايدور بديله

ابيات لها في نفسي تأثير !ماتحمل وانا اسمعها !تحاكي في نفسي الشي الكثير لكن على الله كل شي!
الحياة تحتاج صبر ،قوة ، ثقة في النفس !كل هذي تعكس شي واحد احترام للجميع لك ،
خلها في النفس تحرق مابقى !

لحظة ماء، تتغيّر على من تحب ،لا تصدمه بقرار الفراق

[ تعـال ] مـانـي .. معـاتـب لــك , ولا لايــم
ماغبت عنـي , عشـان .. اقـول:- ( وش جابـك )

[ صاحي ] .. ( واحسك معي ) , حتى وانا .. [ نايم.. ]
( دايـم تجينـي , واسولـف لـك .. عـن غيابـك )

مساك الله بالخير ..

عيدك مبارك وكل عام وأنت بخير ..

كيف قضيت العطلة ؟

هل حجيتا أم هجيتا ؟ أم ما حجيت ولا هجيت .. كالعادة ..

اقتباس: المشاركة الأصلية كتبت بواسطة الكاريبي    عل ما بأس ياللي، تشتكي حب غالي ،،،،،،،،،،،،،،،منوته شوف خل مايدور بديله ابيات لها في نفسي تأثير !ماتحمل وانا اسمعها !تحاكي في نفسي الشي الكثير لكن على الله كل شي! الحياة تحتاج صبر ،قوة ، ثقة في النفس !كل هذي تعكس شي واحد احترام للجميع لك ، خلها في النفس تحرق مابقى !

يالييت تحط رابط هالابيات عشان نسمعها او اقل شيئ عنوانها
وندورها
مدونه تستحق المتابعه والتميز