من رمته الايام عقب ماكان!!!

شفتك معه وأقفيت عنكم وصديت
،،،،،،،،،،، أخاف أموت من القهر في مكاني

ليه ماتخلون المولع على خله؟؟؟؟؟؟؟؟؟؟؟لين يشرب من هوا البيض بكفوفه.

ياعلي خل العيد لام الدناديش
،،،،،،،،،،،،،اللي تنظف كل يوم جسدها

العيد عيدالله ولو فات حتيـــش
،،،،،،،،،،، من حسبة ايام يمرك عددها

من لا استشارك لا تبديه بالشور
،،،،،،،،،،،،،،،،،،، ومن لا يودك نور عينك فراقه

مرحوم ياقلب قضى طاوي الشوق

،،،،،،،،،،،،،،،،،،عسى المطر يسقيك ويبل الارماق

قضيت في الدنيا طريد وملحوق

،،،،،،،،،،،،،،،،تطرد ورى الاهي وساق لحق ساق

الحنين للماضي طبيعي في شعور واحاسيس الانسان .ذكريات او مرحلة تمر .
عقل الانسان عباره عن اشرطه او افلام مخزن فيها الماضي .كل انسان له ماضي .لكن المشكلة بعض الاوادم ماله ماضي او الذَاكرة اللي في راسه خالية مغبره معششه حتى لو اراد استراجع السنين اللي مرت به تكون لاشي لانه لم يتجاوز محيط بيئته تحصله يقول منول نخرف ونحش العيش كان فيه الدُخل كثير او نلعب مصاقيل ونغر ضب. الماضي هذا مانقول عنه مش كويس لكن يعتبر طبيعي لانه مر علىالجميع لذا مافيه داعي نعيد السيناريو .مافيه متعه.
بعكس من عارك الحياة يعني رجل عصامي سافر لطلب العلم او لكسب المال او جرب معاناة اليتم والاضطهاد .حاول في مرحلة وواجه صعوبة وعوائق هنا تكون المتعه.

احسن الناس من ريح ضميره ،،،،،،،لويشوف العجايب ملتفت.

مستراح الشقاوي والسعيد استراح.

شاعر متمكن بكل معاني التمكن رحمه رحمة واسعه
/
/

يا عشيري ترى لولا العيون النظايـر
،،،،،،،،كان جيتك على الوجنا الوحيدة وحدها

والله اني على الهزعة غليل الضمايـر
،،،،،،لو ذلولي من المطراش وان(ن) جهدها

مشته(ن) مرتك لو كان بيعي خسايـر
،،،،،،،،،،من حسب فايت الدنيـا يبـذه عددهـا

من لقلب(ن) من الفرقا يسوقه سعايـر
،،،،،،،،،،مثل ما ساق وسط النار حامي وقدهـا

يا وجودي على هرجة خفي السرايـر
،،،،،،،،،،،،وجد خطو العجوز اللي توفى ولدهـا

كل ماحل لـه طـاري تهـل العبايـر
،،،،،،،،،،،،كل ما قيل يالمرحـوم تصفـق بيدهـا

شبه خلي تقود الصيد لا صـار ذايـر
،،،،،،،،،،،عين شيهانة(ن) خرشا ليالـي هددهـا

دانة(ن)ما احرزوها مالكيـن التجايـر
،،،،،،،،،،،عايزة جنس عدم(ن) وصفها في بلدها

لاحظ الدقة في الوصف عندما قال دانة الدانة معروفه اللي هي من اثمن الجواهر،لكن لم يقل دانة وسكت، بل قال ان البلاد المشهوره بالجواهر نادر ماتجد مثل هذه الدانة،اللي وصف بها محبوبته.
دانة(ن)ما احرزوها مالكيـن التجايـر
،،،،،،،،،،،عايزة جنس عدم(ن) وصفها في بلدها

توضيح بعض المفردات لكم لانها قديمه
مثل
عايزة/اي جميلة او من افضل.