سواليف الضحى العااااالي

واللام لاتنسى ليالى السعاده
انكان لك فينا غرامن وراده
لاوهنى مكبرين الوساده
حياتهم دايم حياتن شهيه

صباحهم خير وورد

الواحد الايام هذي ما عاد يستحي ولا عاد فيه تقدير

يلبس اللي يبي بدون حشمه وتقدير المشكله هذي تراهم من الجيل التالي

وين اهلهم او اولياء امورهم

ما يسمونه طيحني وبابا سامحني هذه موضه غريبه ولا يلبسها الا خريج سجون في امريكا
وعندنا يلبسها العقاال

هذا بلى ابوك يا عقاب

ياصغيّر السن قدرك طاحت أبراجـه
الجرح خلى الصخر ينطق ونطقني

خلاص ماعاد تعنينـي ولا حاجـه
رح جعل ربـي يوفقـك ويوفقنـي

من بعد ما كنت نور العمر وسراجه
اليوم صرت الظلام اللـي يطوقنـي

عطيتك أكثر من اللي كنت تحتاجـه
أسرفت فالحب لين الحـب وهقنـي

خلاص مالي ومال الحب وإزعاجـه
مالي ومال الدروب اللي تضايقنـي

تعبت أضم البحر واهـدي أمواجـه
تعبت أجامل وأشوف الوقت يسرقني

شكواي للي عليه الضيق وافراجـه
اللي إذا شاء يرحمنـي ويرزقنـي

أما انت يابو جبين عقّـد احجاجـه
لاعاد تسأل علامك منـت طايقنـي

الناس كلٍ علـى دربـه ومنهاجـه
وأنا عن الناس مابه شي يفرقنـي

إلا اني دايم أحب الصدق وأواجـه
مخلوق والله على هالوضع خالقني

حتى رفيقي ضماد القلب وعلاجـه
على كثر ما أتمسك فيـه صدقنـي

لو ادري انه مرافقني على حاجـه
لاامسّكه حاجتـه وأقـول فارقنـي

مسكين يا هبوب الريح

الله يعينك فضفض لعنبو الحب واصحابه

اليوم بقرتنا ولدت وجابت لنا عجله

سجلناها في التابعيه والله يطرح في لبنها البركه

حعلها من مواليد السعاده ان شاء الله

السلام عليكم

انا شرهااااانن عليكم ولا واحد مر وسئل فيذا وش فيني

وليش غايب لكن ما عليه الدنيا ثانيه وما تسوا زعل او شرهه

علومكم يالربع طيبين وان شاء الله انكم بخير

ألا يالهبوب الباردة عجَلي هبي =على جاش من قامت هواجيسه أتلوبه

أنا مرةٍ أصحى ومره يغيبي =وأسَرح معا كثر الطواري بغيبوبه

ألا يادهر ماهو بحقٍ تلاعبي =وخليتني لمقَرد الخلق لعبوبه

أعبادٍ مغفلها الزمان وتعجبي =يحسبون قل المال فالرجل عذروبه

وأنا قانعٍ باللي علي كاتبه ربي =ومومن بمقدوره وقانع بمكتوبه

ولا أبغى عما الاريا برايه يجربي =وهو ماعرف ماجوب ربي وماجوبه

هذور المجالس راعي المدح والسَبي =وهو بالخلا لو جاه بنتٍ خذت ثوبه

يقولون لي جز من تصرفك وتحَبي =وهي توبتي من مجتمعهم هي التوبه

ديار الوباء من طبها راح متوبَي =وقرَابة الجرباء على الحول مجروبه

أنا عارفٍ منصاي إلا من بدانبَي =وعارف طريقي والذي باتجه صوبه

وأنا أعرف من أعادي وأنا أعرف من أحبَي =وبه ناس لاتعرف ولاهي بمحبوبه

وينك يا هبوب من ولدت بقرتكم وانت ما دخلت مدونتك

يا الله سولف علينا عن بقرتكم وحياة المزارع من جد احب ها العيشه <<بدون ما اكرف في المزرعه

انتظر جديدك ومن المتابعات لك ولاسلوبك الممتع في الطرح

لاتتاخر علينا

اقتباس: المشاركة الأصلية كتبت بواسطة طفولة تمير    وينك يا هبوب من ولدت بقرتكم وانت ما دخلت مدونتك يا الله سولف علينا عن بقرتكم وحياة المزارع من جد احب ها العيشه <<بدون ما اكرف في المزرعه انتظر جديدك ومن المتابعات لك ولاسلوبك الممتع في الطرح لاتتاخر علينا

يا حيالله طفولة تمير

اعذريني انا مستلم في الجهاد كاعادة شهرين في السنه

هذا شرف لي لكل عضو من متابعين لمدونتي

مشتاقين لكم وللمنتدى