رُكْن النهاية

ما يضحك الجاهل إلا من كثر جهله ،،،،،،،،،،،لا زاد همك ترى ما للحكي داعي غنى صبي القصيد.. وجاوبه كهله ،،،،،والوقت يعصى شهر.. وسنين ينطاعي لقيت قصر المديح.. ولا لقيت أهله ،،،،،،،،،،،من جاك ينشد ترى ماهو بفزاعي لو قال يمدي؟.. ترى ما للقدر مهله ،،،،،،،،،لا الحظ يشرى.. ولا الأعمار تنباعي ما هو بأنا اللي يعود حين ينده له ،،،،،،،،،أصعب من قفياتي لا أقفيت مرجاعي يحق له.. يفرق اللحظه عن الوهله ،،،،،،،،،،،،دايم.. ولكن خطا لو يمدح أوضاعي ويحق له ..لو يعاتبني على مهله ،،،،،،،،،،،،،،،،دايم ولكن خطا لو يلوي ذراعي يا صاحبي والله ان المسأله سهله: ،،،،،،،،،،،كل واحد شيخ .. صعب تحصل الراعي ما يبكي العاقل إلا من قصر جهله ،،،،،،،،،،،،،،،لا زاد همك ترى ما للحكي داعي

يا شوق عيت ظروف الوقت تجمعنا
الوقت يمشـي وحنـا مـا تلاقينـا

سافرت يا شوق ما حتـى توادعنـا
ضروف الايام حالـت دون امانينـا

ما ينفع الدمع لـو سالـت مدامعنـا
ولا ينفع الحزن لـو تكثـر مراثينـا

مال الزمن فوقنا واخلـف روابعنـا
وتكللـت بالفشـل كامـل مساعينـا

الحـزن بييـن علينـا لـو تصنعنـا
سعاده(ن)مالـهـا بقلوبـنـا ميـنـا

ما ملت انيابنا من عـض اصابعنـا
لومل درب الشقا من مشي رجلينـا

اجنوبنا ما تهنـت فـي مضاجعنـا
والحاضر المر كدر حلـو ماضينـا

لو قسوة الوقت ترهقنـا وتوجعنـا
نبقى على العز ما نخلـف مبادينـا

على الشرف والمحبه مالهـا معنـا
با لشرف والشموخ اسمـى معانينـا

وحب الشرف في سما العشاق يرفعنا
حب(ن) يخلِّد حكايتنا واسامينـا

شاعر القرن...سعود بن محمد إليك يا من ازددت بحضورك شموخا ً...و بمرآك علوا ً... و بمجلسك ثقافة. أنت أيها الحكيم إذا نطق...و الكريم إذا أنفق.. شاعر القرن..و سيد الشعر(سعود الباطن) الأمير سعود بن محمد. تمتلئ جنبات مجلسك العامر الكبير بالرجال... فيزيد صدرك اتساعا ً .. و تواضعك ارتفاعا ً.. الامير سعودبن محمد بض النظر عن شاعريته عُرف بالكرم والتواضع والشاهمة بحول الله تعالى سنجعل له مساحة واسعة عن قصص كرمه وشعره . لا تـحـســب أنــي دالــه عـنــك سـالـيــك ،،،لا و الـذي تـنـصـى الـمـخـالـيـق بـيـتـه و إن كـان تـغـلـيـنـي غـلا مـثـل مـا اغـلـيـك ،،،،مـجـبـور تـاطــى فــي الـهــوى مــا وطـيـتــه و لا شـــك حـــال الــيــاس دون الــرجــا فــيـــك ،،،،و لا لـي عـن الـمـقـسـوم لـو مـا رضـيـتـه سعود بن محمد

ما كل حب يدهل القلب سكان ..........بعض الغلا ليمن خذ أيام راحي يروح ما كنه تصور ولا كان ..........ويمحاه من لوعات الأيام ماحي والله لو الحب يشرى بالأثمان ..........لأشريه من خبل واحطه بصاحي خل التغلي عنك يا مطرق البان ..........هواك طارت به هبوب الرياحي والله لو تلبس عقود ومرجان ..........وتغضي بعين كن فيها الرماحي اني عليك ابعد من النجم لا بان ..........أو برق صيف في دجى الليل لاحي وانكفت أنا يا صاح عن كل ما كان ..........واليأس في بعض النواحي فلاحي جربت أنا والتجربة خير برهان ..........وان عدت فيما عفت ذبحي مباحي سعودبن محمد

إن كان تغليني غلا مثل ما أغليك ،،،،،،، مجبور تاطى بالهوى ما وطيته وإن كان جا مستقبلك مثل ماضيك ،،،،،،،،، قلت آه يا خلاّف شيء رجيته لا شك حال اليأس دون الرجا فيك ،،،،،، ولا لي عن المقسوم لو ما رضيته كلام كبير فيه دعوة لمن يقصده في الابيات ان يشاركه بعض من همومه الامير سعودبن محمد

في هذه الابيات تعبير صريح من الامير سعودبن محمد الله يرفعه بالعافية يا حبني لاسمك و انا ما أقدر اطريك ،،،،،،،،،،،،،،،، اخاف يكثر فـي غـلاك الكلامـي حذراك تزعلني و أنا ارجيك و اغليك ،،،،،،،،،،،،،،،،، يسوقنـي يمك شديد الغـرامي

سعودبن محمد

يقول مصرحا بأنه ليس ملزما بمحبة بعض الناس ولكنه يمكن أن يجامل بالعلاقات الطيبة معهم: ما نيب شفقان ٍ على بعض الازوال ،،،،،،،،،،،،،،،،،، لا شك يلزمني إلى احترت أجامل الله علم باللي رمـى يمـه البـال ،،،،،،،،،،،،،،،،،،،،،،اللي عليه الطرف بالدمـع هامـل سعودبن محمد

قال من قل صبره يوم طالت سنينـه ،،،،،،،،،،،،،،، كل ما جاء يعذل القلب ماهوب قاوي آه يا من قمر خمسة عشر في جبينه ،،،،،،،،،،،،،،،،،،،، تل قلبي وأنا قلبـي ردي العـراوي يوم لد وتبسـم ثـم سلهـم بعينـه ،،،،،،،،،،،،،،، كن رمح الهلالي بين الاضلاع هاوي آه ويلاه يا من عشر واربـع سنينـه ،،،،،،،،،،،،،، أشهد انه عليّ أمر ٍ من الله سمـاوي الهـوا مـا يـداوا كلنـا خابرينـه ،،،،،،،،،،،،،،،،،،،، والله اني فلا اعلم للمـوده مـداوي الامير سعود بن محمد

ياناس ما تدرون يا ناس يا ناس ،،،،،،،،،،،،،،،،،،،، ان الفـرج بابـه علـيّ متغلـق متعلقٍ لي في رجاً يشبه اليـاس ،،،،،،،،،،،،،،،،، في مثل سلك العنكبوت امتعلـق من يوم شفت الموت بعيون نعّاس ،،،،،،،،،،،،،،،،،،،،،وانا حلق قلبـي علـيّ امتطلـق اللي لبس بالزين تاجٍ على الراس ،،،،،،،،،،،،،،،،،،، شفاف روح الروح منه متخـرق جيد غيّدٍ لا جواهـر ولا مـاس ،،،،،،،،،،،،،،،،،،،،، مجراه لأظعان المـوده مفـرق الامير سعود بن مجمد

نور عيني حبيبي ما أقدر أخذ بداله
،،،،،،،،،،،،،،،،،،، من عرفته وأنا أرجي كل يومٍ مجيّه

أتسلـى بمزحـه وأتحمـل دلالـه
،،،،،،،،،،،،،،،،،،،،،،،، واتسوّق لهرجه لـو بـردّ التحيّـه

منزله في السماء محدٍ بماله ينالـه
،،،،،،،،،،،،،،،،،،،،،، كود بالحظ وأسباب الغرام القويّـه

الله اللي بكثر الملح طـوّر جمالـه
،،،،،،،،،،،،،،،،،،،،، مترفٍ شوفته تبري الجروح الخفيّه

الامير
سعود بن محمد