تحويل طريق تمير الرسمي ...

الله يعين الخط ضيق بالحيل والله يستر من الحوادث

بعرف الحين انا....... رئيس البلديه كيف يسمح للمقاول يسوي كذا

اللي سمعناه من البلديه انه خطين واحد للي جايين من الرياض

وخط للي رايحين لرياض .... حسبن الله ونعم والوكيل

والله شغل دفنسه
طريق ضيق وتجلس وراء الواحد شوي شوي
اذا صارت سيارته صغره عشان المطبات
الله يصبرنا على هالغثاء
مشكور يا المهند على التقرير

مانقول الا الله يصبرنا ..

أحس بعد 5 سنين إذا بغينا نروح لـ الرياض او سدير .. لازم نطير في الجو !!
كل الطرق بتتسكر

شكراً لجميع المتداخلين .. وبارك الله فيكم ...

اقتباس: المشاركة الأصلية كتبت بواسطة ابو مشعل    غريبه ما حطوا خط رايح مع جهه وخط راجع مع جهه ثانيه الف شكر اخوي المهند على متابعتك والله يعينا على الغثاء

تخيل أخوي أبو مشعل حطو طريق يمين ... والآخر يسار .. والطريق الرئيسي بينهم .. وشلون بتدخل المعدات للعمل وتجهيز الكوبري .. بالعكس طريقتهم كذا حلوه ..
ولكن ليتهم فكونا من البراميل .. لأنها سببت لنا أزمة هالبراميل .. ولنا معها مواقف كثيرة لعل آخرها في دوار البراميل ... في الوسيعة ..
صحيح أن الطريق ضيق .. لكن الشكوى على الله .. نبي نهدي معه ألين يخلصون من المشروع ..

الله يرحم والديكم هذي تحويله يابلديه تمير الموقره والله انها لعب بزران . ضيقه ونازله يعني اذا جى السيل والله يجيبه مافيه روحه من هناك وبعدين حاطين فيها مطبات صناعيه مدري وش يحس به الي حاطهااا كسر مواترنا الله يكسر راس بليس .
شوفو لنا حل يالبلديه وخلو لعب البزران هذا . ترانى في ذمتك يارئيس البلديه انت وربعك الي متولين المناصب وماسكين سيارات البلديه دوجي في الديره وسياراتهم في البوائك موقفه .

يعطيك الف عافية يالمهند بس الشباب كرهون في الخط الله يعيينن يوم الاربعاء معه الله يسترى لاتجي حوادث فيه

شكرا لك على التنبيه و حفظك الله
دائما متميز بمواضيعك التي تهمنا

وش هالتحويله
ماتقدر تصقط على احد والمشكله فيها مطبات في كل شق ..
الله يعين بس كرهت الروحه من هناك.

يعني خط تحويله مؤقت مثله مثل غيره تبونه ثلاث مسارات

يعطيك العافية على التغطية أخوي المهند بس ماتدري كم مدة المشروع بيني وبينك سكروا علينا صرنا محجورين في تمير
اما التحويله ضيقه مرررره وفيها مطبات من النوع الي يصعرر بالكفرات ويفقع المساعدات والله ياهو مطب قوي لو معك وحدتن حامل كان ولدت يشيل الموتر ويرزح به
واليوم ناشب للي واحد وراي ملحم الصدام بالصدام ويكبس يقول امش بسرعه وكنه من تكبيسه يهوش في غمارته يقول لا تهدي والطريق فيه مطبات ما قدر اسرع اخاف اكسر موتري ويوم هديت عند المطب ما اسمع الي صوت فحيط كفراته فرامل موتره شق اذني مدري وين يبي طاير