الى متى ياإداره مستشفى تمير

الحمدالله على سلامة بنتك ولا تشوف شر ان شاء الله

المشكلة ياوخيتي مو في الاعمده
بلا في الاساس
اذا صلح الاساس صلح المبنى كله ..

انا ودي اعرف ليه الادارة ماتطلب
ان يكون مبنى مستشفى تمير زي الحوطه
وفيه اطباء وممرضين وممرضات اكثر من الموجود
تمير
الخط السريع
مبايض
الشعب
بوضه
الشحمه
ام رجوم
كل هذي الاسماء تتوجه لمستشفى تمير
لاانه الاقرب .

نتمنا على ان حنا قلنها الف مره
ان نشوف من ادرة المستشفى
العمـل بحرص والخوف من الله قبل كل شي
(اذا كنت تصلي وتصوم لكن لاتلتزم في عملك
ولا تشتغل من اجل راحه المواطن فما فائدة صلاتك وصومك)



بتوفيق للجميع

الــى اللقـــاء

بنت فيها خرزه ؟ وبعدين وش يسوون لها ؟
من قال لك تهملين بنتك وماتابعينها هاه !!
>>>>>
الرد اعلاه برعايه مندوب المستشفى الموقر :) >> فيس معصب

مو شي جديد !!

ليش مستغربه !

عاادي جدا جدا

مشكلتنا اهتمينا بالمنظر قبل نهتم باللي داخل هالمنظر !

مبنى طوارئ مرتب وجميل ويشكر من تكفل في بناءه

لكن تعالي شوفي المبنى من الداخل !

لاطاقم اطباء ولاطاقم ممرضين

اتحدى مندوب المستشفى تحدي يثبت لي ان الاطباء المسؤلين عن قسم الطوارئ

تخصصهم طوارئ او طب طوارئ !

اغلبهم ان لم يكن جميعهم يحملون شهادة طبيب عام

حتى الممرضات مااتوقع انهم ممرضات طوارئ

يابنت الحلال الطاسه ضايعه >> فيس حزين ومتضايق

اذا قسم السجلات ماسكينه ممرضين تاركين عياداتهم

وياليت انهم يقومون بالمهمه

تلاقين المرضى المساكين رايحين جاين وين الملف جيبوا الملف

يالبى والله المركز الصحي

بالرغم من قله الامكانيات الا ان فيه ناس تفتح النفس بابتسامتها

ومتابعتها للمريض اللي جاي ومو في حالة احد

يحتجون بعدم اهتمام الوزاره بالمستشفى وانهم يصنفون حسب السعه وعدد الاسره وعدد السكان

بينما ارى في الحوطه مستشفى يحتوي تقريبا على جميع الاطباء لجميع التخصصات

ومستشفى الحوطه بنظري لايخدم الا اهل المدينه واعتقد انه لو لا مرضانا اللي يروحون له

كان اقل عدد اسره واقل عدد منومين :)

نسيت اقول
الحمدلله على سلامة بنتك
خطاها السوء

الحمد الله على سلامة بنتك

والشئ هذا مو غريب أبداً على هالمستشفى بالكامل

وهذه حادثة صارت مع جدي قبل اسبوعين

كان يحس بشدة ألم في البطن فادخلوه لغرفة التنويم ليلة واحدة

وكانو يحرصونه بشرب الماءوالإكثار منه على بالهم أنه راح ينفعه

المهم الألم زاد فطلبنا تحويله لمستشفى في المجمعة يالله جت الموافقة من هناك وبالواسطة

بعد ذهبنا به بسيارة اسعاف مستشفى تمير

استقبلونا بأحلى استقبال

ويجيك على اليمين استشاري الباطنية وعلى اليسار دكتورعام وجنبه استشاري عام كثير من الاستشاريين وممرضات

ونصحونا من أول ما شافو جدي وموقع الألم بعدم شرب الماء حتى نفحص البطن بالأشعة الصوتية والاشعة المغناطيسية ويتضح لهم كل شئ

المهم بعد ما سوينا هالأشعة قالو لازم ضروري إجراء عملية هناك ثقب في الأثنى عشر وكان شربه للماء بكثره هي السبب في ألمه بزيادة

وفعلاً تمت العملية بنجاح وإخراج وسحب كمية من الماء من داخل البطن وتنظيفه

ولله الحمد الآن هو بأحسن حال

ودك والله تشب في المستشفى مغير اهمال
اتق الله في انفسكم
الادارة اكثر من الاطباء والممرضين
ياليت العكس
حتى الملف يجلس لك ساعتين علشان يروح ملفك الى الطبيب
يالله حاله

ـــ الله يستر والله .. والحمدلله على سلامة بنتك..

نتمنى من بعض الاخوان العاملين من موظفين واطباء ان يتقو الله بأنفسهم ...ولاننسى ان بالمستشفى ناس جزاهم الله خير يخدمون المراجع وشاهدت هذا بعيني .
.ولا كن يوجد ناس تحتاج الى التثقيف ووضع المحاظرات الدينيه للموظفين وتذكيرهما .بالامانه بالعمل .بأن يخافو الله وعدم تعطيل المرضى ..

تحية طيبة:

اسمحي لي ان اقول لك ((((( انت السبب في ذلك))))) لماذا؟؟؟؟

بعد هذا الموقف لماذا لا ترسلين شكوى بالفاكس على المديرية العامة للشؤون الصحية بالرياض،،

وعلمي كثرة الشكاوى تحل موضوع الاهمال...

رابط المديريات وارقامهم :

http://www.moh.gov.sa/Sectors/Directorates/Pages/default.aspx

اقتباس: المشاركة الأصلية كتبت بواسطة &بنت تمير&    من امن العقوبه اساء الأدب والحمدلله ع سلامتك بننوتك ’’’’

هذا هو الكلام من امن العقوبة اساء الأدب ...............لا فض فوك قلبي


لابد من ارسال خطاب لقسم الشكوى لأتخاذ الازم....

هناك مرتادين للمنتدى من قبل المستشفى ولكن لا جرأة للرد

اقتباس: المشاركة الأصلية كتبت بواسطة الجازي    تحية طيبة: اسمحي لي ان اقول لك ((((( انت السبب في ذلك))))) لماذا؟؟؟؟ بعد هذا الموقف لماذا لا ترسلين شكوى بالفاكس على المديرية العامة للشؤون الصحية بالرياض،، وعلمي كثرة الشكاوى تحل موضوع الاهمال... رابط المديريات وارقامهم : http://www.moh.gov.sa/Sectors/Directorates/Pages/default.aspx

سجلت في منتدى وزاره الصحه بنقل شكاوي للوزير تعبنا من الاهمال الي حاصل في مستشفى تمير
همسه للمشرف الي حذف ردي السابق مكان في ردي الاول شي عشان يتم حذفه الكلام عندي موثق بادله ماجبت شي من راسي

عزيزتي من امن العقوبه اساء الادب
من جدكم هذا مستشفى
ولا الصراصير الصغار بالجدارن وع الاسره وين النظافه والاهتمام بالمرضى حسبي الله على من كان السبب !!!!