توقف متعهد نقل طالبات تمير سدير لجامعة المجمعة يربك اولياء الامور والجامعة توضح تعطل وليس توقف

يانصراوية قولي لاحول ولا قوة إلا بالله وليس لاحول الله فالصحيح إثبات الحول والقوة لله وليس نفيها عنه

اقتباس: وحين باشرت بتوفير باص للخالديه انتكست الامور وصار باص العزيزيزيه بقياده الاخ براهيم الصبيح يشيل بنات الخالديه بعد ماكان يشيل بنات العزيزيه سابقا >> انا عارفه القصد من هالشئ

اختي اذا كنتي عارفة القصد وبعدين ؟؟!!






* ** صرااحة انا مستغربه من شي ؟!
الحين وراكم كذا العزيزيه والخالدية الخالدية والعزيزيه ؟
الحين وشو الفرق بين العزيزيه والخالديه ؟!!
سؤال وابغى له اجابة ؟ << عذرا ادري ان السؤال مو في مكانه بس بالفعل عندي استغراااب

احمدور ربكم ويبنات العزيزية شابات ماتبون بنات الخالدية مع العلم فيه اماكن فاضية والباص مو حلالكم لكن ذابحين هالمسكين ياليت اهلكم يشفونكم في الباص ضحك وهواش ماحترمتوا الرجال الي معكم وكل وحده صوتها اطول من الثانيه الله لايبلانا وتبون باص تاخذن فيه الحرية من هبال وغيره الله يستر علينا وياليت كل وحده تحشم نفسها في الباص ولو ابوك يشوفك كذا عرف يتصرف معكم وشلون تعقلن ....اعقلن وكل وحده تلزم حدودها

اقتباس: المشاركة الأصلية كتبت بواسطة صدى المعاني    اختي اذا كنتي عارفة القصد وبعدين ؟؟!! احتفظ بالسبب لنفسي مابي اقطع رزقه * ** صرااحة انا مستغربه من شي ؟! الحين وراكم كذا العزيزيه والخالدية الخالدية والعزيزيه ؟ الحين وشو الفرق بين العزيزيه والخالديه ؟!! سؤال وابغى له اجابة ؟ << عذرا ادري ان السؤال مو في مكانه بس بالفعل عندي استغراااب

وانا قايله فرقوا بينا لاتزودين نارك حطب ماسألتي نفسك سواق من حي العزيزيه يسوق ببنات الخالديه ؟

حنا توفر لنا باص لكن اتجه لحي العزيزيه ورفض يمر الخالديه حنا مانمانع يركب معنا من اي حي

والان متوفر باص واحد وزحمه بقياده الاخ نصار نتمنى يتوفر باص أخر

اقتباس: المشاركة الأصلية كتبت بواسطة صدى المعاني    * ** صرااحة انا مستغربه من شي ؟! الحين وراكم كذا العزيزيه والخالدية الخالدية والعزيزيه ؟ الحين وشو الفرق بين العزيزيه والخالديه ؟!!

الحين من يسمع بعضهم يقول حشى غزه والضفه الغربيه مو الخالديه والعزيزية بعدين الجامعه يوم خصصت النقل ماقالوا خالديه ولا عزيزيه قالوا نقل طالبات تميــــر

هذا النقل حق مبـايـض والشعب واحد ولا فيه هالتـأفف والتشكي لانها وسيله خصصتها الجامعه لنقل طالباتها دون تمييز..
والطالبات اللي من حي ويذبن على بنات الحي الثاني لان ركبن معن الحمد لله ان الباص ماشرنه ولا كان الظاهر حذفنهم من الدريشه لكن وش تقول حريـــم

خالديه ولا عزيزيه قالوا نقل طالبات تميــــر

هذا يسبب مشقه على السواقين وهم مقسمين بينهم كلا يمسك حيه حنا مانمانع يركب معنا من اي حي
بس نبي زيااااده باااص كل سنه الطالبات في تزايد

اقتباس: المشاركة الأصلية كتبت بواسطة رقي    خالديه ولا عزيزيه قالوا نقل طالبات تميــــر هذا يسبب مشقه على السواقين وهم مقسمين بينهم كلا يمسك حيه حنا مانمانع يركب معنا من اي حي بس نبي زيااااده باااص كل سنه الطالبات في تزايد

مستحيل ان يكون هناك عدد طالبات يزيد عن استيعاب الباصات ولو كان هالشي فراح توفره الجامعه على وجه السرعه لعدة اسباب
اهمها ان الان الجامعه جهه مستقله ماليا واداريا يعني ميزانيتها مستقله ماهوب مثل السابق لما كانت كليه ترفع لاداره التعليم ومنها لتعليم الرياض ومنها للوزاره الان لا تغيرت الصوره لو نقص باصات تشتريها الجامعه على وجه السرعه وان كان فيه تعثر مؤقت فاتوقع لو قام مجموعه من أولياء امور الطالبات وزاروا إداره الحركه بالجامعه راح يطلعون بحل مناسب ..

الاخت رقي معها حق عدد البنات كل سنة في ازدياد !!!!
المهم الجامعه وفرت باص كبير للخالديه ولكن شوف متى توصل

كل بنت على بيتها تقريبا اربعين كرسي نوصل على اذان العصر او قبل بشوي يعني مأساة

نبي نوصل بيوتنا بدري زي قبل ايام الباص الصغير ...

وانا أأيد فكره باص جديد يكون يشيل بعض البنات الي مع الاخ نصار والبنات الي لسى مابعد داوموا

ولا مانع من بعض بنات العزيزيه ......

يعني مارح نصير مثلهم ونطردهم من الباص بالعكس نرحب في تواجدهم

وياليت مثل ماقالت يجينا واحد ابخص بالحي واهله

اقتباس: المشاركة الأصلية كتبت بواسطة صدى المعاني    اختي اذا كنتي عارفة القصد وبعدين ؟؟!! * ** صرااحة انا مستغربه من شي ؟! الحين وراكم كذا العزيزيه والخالدية الخالدية والعزيزيه ؟ الحين وشو الفرق بين العزيزيه والخالديه ؟!! سؤال وابغى له اجابة ؟ << عذرا ادري ان السؤال مو في مكانه بس بالفعل عندي استغراااب

سؤالك وجهيه لبعــض أولياء أمور طالبات حي العزيزيه

مدري وش المستفاد لما يقول لاتشيل الا بناتنا يالعزيزيه

هههههههههه
كان الله في عونكم