من وحي الخيال 12

بــ الأنتظآأآر

بأأأنتظآآر البقيه

والله ما يستاهل من يصيح عليه
من باعنا بعناه لو كان غالي ــــــ لا وحاقرها وحاقر اسمها هالمتخلف
فعلا هناك من يحسب التطور والرقي بالسفر للخارج والحصول على شهاده لا يستحقها اصلا واللبس الفاضح...
ما يدري انه قمة التخلف من يفكر هكذا
والتطور والرقي يكون بالعلم النافع والعمل به والاخلاق الحميده
الله يهدي شبابنا ويزيدهم علما وعقلا
بإنتضار البقية
هالمره خيالك سار مسار غير ويعكس حال بعض الشباب الضعيف امام شهواته وترك سلاح الوازع الديني خلف ظهره ونسى او تناسى التزود به

وين رحت ياراعي الخيال ..
خلصت هالكور من كثر مانلعب بها ..


وقلبت رووسنا ...
لكن ما نقدر نقول إلا :
أستغفر الله أستغفر الله أستغفر الله

الجزء الخامس :

في منزل أهل عادل ..

أحد أصدقاء أبو عادل يجلس معه ...
أبو عادل : بشر يا ابراهيم وش صار ؟؟
إبراهيم متردداً : والله يا ابو عادل ما أدري وش أقولك !!
أبو عادل : تكلم وش فييه ؟؟ أنت رحت السفاره وسألت عنه ؟ وعلموك وين مقر سكنه في بريطانيا ؟
إبراهيم : بصراحه يا أبو عادل المعلومات اللي عطيتني إياها عن ولدك عادل غلط
ابو عادل مستغرب : وشلون غلط ؟؟
إبراهيم : أنا رحت السفارة وسألت عن ولدك على أساس إنه جامعي ومعه شهادة دكتوراه و قلت يمكن إنه يوم راح بريطانيا أشتغل في مستشفى هناك بس ..
بدأ القلق يساور أبو عادل : بس وشو ؟؟ وش صاار ؟؟ ولدي عادل صاير فيه شي ؟
إبراهيم يصمت قليلاً بحيرة ثم قال : لا بس ولدك عادل ما درس أصلاً وما معه شهادة في الطب ولا هم يحزنون .. واللي عرفته إنه مطلوب للسلطات البريطانية بتهمة النصب والإحتيال
يصدم الأب من هذه الأخبار : معقوول ؟؟ أصرف عليه خمس سنين على إنه يدرس وفي الأخير يصير يكذب علي ؟؟ وين يودي الفلوس اللي أروّحها له ؟
يصمت ابراهيم ويهز رأسه بحيره : بصراحه يا أبو عادل مدري .. هذا اللي عرفته بسسس

الصدمة العنيفة أطبقت على أبو عادل ولم يستطع أن يتحرك
أبو عادل والعبرة تخنقه والحسرة تقتله : وأنا اللي أتسلف عشان يدرس .. و ذليت نفسي عند اللي يسوى واللي ما يسوى اتسلف منهم كل ما طلب مني فلوس ،، وتحملت ديون وقروض عشانه و أنا أعزّي نفسي إنه اذا رجع بشهادة الدكتوراه والطب يعوضني ويساعدني في تسديدها ...

لم يستطع صديقه إبراهيم أن يرى صديقه بهذا المنظر المؤلم فأخذ يواسيه : أنت اللي عليك سويته يا أبو عادل وما قصرت معه ..
ابو عادل بحزن وأسى وألم : هالولد مفشلني و منزل راسي بين الناس حسبي الله عليه دنيا و آخره .. وينخرط ابو عادل بالبكاء والحسرة تحرق روحه و غصة في قلبه ..

منزل حصة ..

حصة تبكي بألم : آآآآآه يا نواال ما اقدر أنسااه والله احبه أحبه أحبه ...
نوال وهي تضم حصه وتهدئها : حصه اذكري الله .. والحمدلله جاك واحد أحسن منه ..
حصه : ما أبي أحسن منه ،، أنا أبيه هو .. أبي عادل حبيبي وبسسس ..
نوال : يعني بتعيشين طول عمرك عانس وهو ما درى عنك
حصه تتأوه : آآآآه يا عادل ليش سويت فيني كذا يا عمري ،، مع إنك جرحتني وجرحت قلبي بس أنا شاريتك بعيوني وبعت كل الناس عشانك و كنت أظن أنك تحبني وفي الأخير أكتشف إنك معيشني خمسه وعشرين سنه في كذبه !!
نوال : لا حول ولا قوة إلا بالله .. مشكلتك ما تنحل كلها مع بعض يا حصه .. فكري بحلها خطوه خطوه ..
حصه تبكي ولا تتكلم فالبكاء والنحيب سلباها القدرة على التفكير والكلام ..
تستطرد نوال : اول شي فكري في هالرجال اللي جاك .. إستخيري و إذا كان فيه خير بيوفقك الله و بتنسين عادل وتعيشين حياتك
حصه تهز رأسها : ما أقدر أعيش مع رجال و قلبي يحب عادل ..
نوال : حكمي عقلك و انسي قلبك شوي .. وصدقيني يا حصة لو استخرتي ربي بيكتب لك الخير وانتي ما تدرين
تصمت حصة ولا ترد بينما تكمل نوال كلامها : عشاني هالمره بس اسمعي كلامي واستخيري ما راح يضرك شي ..

بريطانيا ..

بدأ عادل يشعر بالوهن والهزال والكسل .. واصبح نحيل الجسد .. و لم يخرج من منزله لمدة يومان .. بدأت تظهر على جسدة بثور و تقرحات .. ولا يستطيع أن يراجع مستشفى أو حتى عيادة لكونه مطلوباً ومتخفياً من السلطات الأمنية البريطانية .. إلى أن زارته صديقته و ما أن رأت تلك البثور حتى صعقت و هربت وهي تقول : AIDS

لم يستطع عادل تحمل تلك الآلام و الأوجاع التي يشعر وكأنها كالخناجر والسيوف تقطع جسده ،، فإضطر لتقديم نفسه إلى السلطات البريطانية كي يتدارك علاج ما تبقى من جسده

تم تحويله إلى المستشفى لعلاجة قبل تقديمه إلى المحاكمة .
وبعد الفحص الدقيق .. ثبت إصابته بمرض نادر خطير سريع الإنتشار والفتك إلى جانب أنه يحمل فايروس ( الإيدز )
و تم وضعه في الحجر الصحي تحت الحراسة المشددة ..

قامت السلطات البريطانية بإبلاغ السفارة السعودية في لندن عن وضع عادل الصحي و القانوني ..
وقامت السفارة السعودية في بريطانيا بالإتصال على أهله ...

للقصة بقية أخيرة

رسالة إلى كل الآباء .. الذين أرسلو أبنائهم للتعلم ونيل الشهادات العليا ...

حفظ الله شبابنا من كل شر ومكيدة ..

اقتباس: المشاركة الأصلية كتبت بواسطة المهند    رسالة إلى كل الآباء .. الذين أرسلو أبنائهم للتعلم ونيل الشهادات العليا ... حفظ الله شبابنا من كل شر ومكيدة ..

شكلك بتوهقنا يالمهند ههههههههههههههه

عموماً .. هناك نماذج كثيرة من أبنائنا وبناتنا المبتعثين يرفعون الرااس

و إن كان هناك ( عادل ) فهم قله ولا يمثّلون إلا أنفسهم فقط

وأحياناً الثقة الزائدة و المفرطة تؤدي إلى عواقب وخيمة ..

و أهم شي إن المبتعث يعرف ما سيواجهه في الغربة من إبتلاء و محن ويسأل الله أن يحفظ دينه و نفسه
وأن يجعل هدفه ( العلم والتعلم ) فقط ..


أستودعكم الله الذي لا تضيع ودائعه

والله صدق المهند انا ضد فكرة الدراسه بالخارج والله كله خراب
يعني ديرتنا مافيها جامعات ومافيها مدارس
الله يستر على الجميع
قصة روووووووعه راقت لي كثير
بس رفع ضغطي عادل هو وحصه مدري و ش لاقيه فيه
اذا هو تنصر ليش متمسكه فيه للحين الحمدالله والشكر خخخ انسجمت مع القصه
بانتظار الاجزاء الباقيه
دمت متآلق يالدائرة

اقتباس: المشاركة الأصلية كتبت بواسطة دائرة مستقيمه    شكلك بتوهقنا يالمهند ههههههههههههههه عموماً .. هناك نماذج كثيرة من أبنائنا وبناتنا المبتعثين يرفعون الرااس و إن كان هناك ( عادل ) فهم قله ولا يمثّلون إلا أنفسهم فقط وأحياناً الثقة الزائدة و المفرطة تؤدي إلى عواقب وخيمة .. و أهم شي إن المبتعث يعرف ما سيواجهه في الغربة من إبتلاء و محن ويسأل الله أن يحفظ دينه و نفسه وأن يجعل هدفه ( العلم والتعلم ) فقط .. أستودعكم الله الذي لا تضيع ودائعه

عليك أمان الله يالدائرة ..
ولله الحمد أن أغلب المبتعثين لايمثلون سلوك عادل .. وإن كانوا قلة قديمة ..
قبل أن توليهم الحكومة اهتماماً ومتابعة مستمرة من قبل سفاراتها في الدول المبتعث إليها ..

والله صدق المهند انا ضد فكرة الدراسه بالخارج والله كله خراب
يعني ديرتنا مافيها جامعات ومافيها مدارس
الله يستر على الجميع
قصة روووووووعه راقت لي كثير
بس رفع ضغطي عادل هو وحصه مدري و ش لاقيه فيه
اذا هو تنصر ليش متمسكه فيه للحين الحمدالله والشكر خخخ انسجمت مع القصه
بانتظار الاجزاء الباقيه
دمت متآلق يالدائرة