من وحي الخيال 10

ههههههههههههههههههههههه
قسسسسسسسم رهيبه ,, صراحه توحفه كلامهم هع خطير

من جد تصلح دراما فكاهية وشلون ما صار لها نصيب
متابعين وبالإنتضار

الجزء الرابع و الأخير :

ابو مبارك راح لأبو علي عند مدخل المزاحميه .. ويمشون ورا بعض إلين وصلو للبيت وقبل ما يدخلون للبيت :

ابو مبارك : اقول اركد شوي تراه معصب
ابو علي : من هو ؟
ابو مبارك : ولدي مبارك معصب علي يقولي قابل دروسك وخل هالجحلط خوياك
ابو علي ( يضحك) : إيه ونعم والله خايف على مستقبل ابوه الدراسي
ابو مبارك : اقول انطم بس احر ما عندي ابرد ما عندك ... اصبر خل اشوف وين طس له هو والغثيث خويك الشايب



يدخل ابو مبارك البيت بهدوء ويدور في البيت وما يلقى مبارك .. ويرجع يدخل ابو علي للمجلس :

ابو علي : هاه يا بو مبارك .. الحين قل لي وش السالفه من طق طق لسلام عليكم
ابو مبارك : آآآآآآآآآآآه يا بو علي .. كل ما دقيت في ارضن وتد من رداة الحظ وافقتني حصاة
ابو علي : اسم الله عليك من الحصاة
ابو مبارك : إلا حصاة وطاحت فوق راسي .. أجل انت تصدق إن وليدي مبارك الطيب الحنون يقولي انا يا ابوه سملق .. ولا تصدق إن ولدي المؤدب العاقل إللي عمره ما راح ( منتزه سعد ) بيروح للبحرين وبيخربها مرتن وحده
ابو علي : وش بحرينه ؟
ابو مبارك ( يغمز عينه ) : وش بحرينه يا بوعلي هاه ؟؟
أبو علي ( يتنحنح ) : المهم وبعدين ؟
ابو مبارك : انا طلعت من الرياض و نقلت شغلي ودوامي للمزاحميه علشان ولدي مبارك يطيب ومن يوم نقلت هنا وصار وش حليله وقلت ان شالله انه طاب لكن من يوم تعرف على شايب ابليس ابو فهد وهو من حاله رديه إلى حالتن أردى .. الحين مصدق نفسه إنه ابوي
ابو علي : ما يكون إلا خير .. انا الحين بروح ادور ابو فهد وما يكون إلا خير ان شالله وانت خلك هنا وقابل دروسك ( ويضحك ابو علي )
أبو مبارك : اقول الخلا بس .. انقلع الحين دور على شايبك الغثيث اللي ما شفنا منه خير وانا بنتظر مبارك الين يجي >>
ابو علي : هم بالعاده وين يروحون ؟
ابو مبارك ( بتهكم) : هم بالعاده يروحون لصالة السينما أو بتلقاهم على الكورنيش ... بالله عليك وين بتلقا شايبين في قريه ؟؟أكيد بتلقاهم في المشراق تحت مأذنة المسجد.. انا ابي أعرف شي واحد بس
ابو علي : وشو ؟؟
ابو مبارك : مبارك اللي ما عمره ركعها .. ولا عمره طب المسجد من وين جاه هالطوع الحين وصاير يروح للمسجد أول ما يأذن ويجلس في روضة المسجد و حتى صلاة الفجر ما يخليها
ابو علي : الله الهادي .. المهم انا الحين بروح ادورهم .. فمان الله
ابو مبارك : فمان الكريم

أبو علي يدور في المزاحميه وفي الحي اللي فيه بيت ابو مبارك ويروح للمسجد يمكن إنه يلقاهم عندها مثل ما قال له ابو مبارك .

وفعلاً .. لقى مبارك وأبو فهد فارشين فرشتهم تحت منارة المسجد ويسولفون ..

ابو فهد : اجل إسمع يا مبارك .. انت الحين رح زهب عفشك وقشك .. وانا بروح ازهب عفشي وقشي و نتلاقى هنا بعد ساعه
مبارك : تم ..
يجيهم ابو علي ..
ابو علي : السلام عليكم
ابو فهد ومبارك : وعليكم السلام .. اقلط
ابو علي : الله يكثر خيركم ... ما عرفتني يا مبارك ؟؟!!
مبارك ( يطالع في وجه ابو علي ) : كني شايفن وجهك بس وين فيه مدري
ابو فهد : هذا جاري ابو علي يوم انا في ساكن الرياض .. يالله حيه يا بو علي اقلط اقلط
مبارك : وش اللي يقلط ؟!! الحين بنروح نضف عشفنا علشان نسافر !!
ابو علي : لا ما هنا روحه ولا سفره
ابو فهد ومبارك : لييييييييييييييييييه ؟!!
أبو علي : تعال يا بو فهد أبيك في كلمة راس
ابو فهد : ما بيني وبين مبارك اسرار قل كلمة هالراس بين راسي و راسه
ابو علي : يابو فهد أركد شوي وش فيك انت مضيع علومك
مبارك : الحين اللي يصير وافي لصديقه ما يخبي عنه شي يصير مضيع علومه !!

ابو علي يمسك ابو فهد من يده ويروح فيه لمكان بعيد علشان يكلمه .. ابو فهد يلتفت على مبارك : ما عليك أبقولك وش قالي

ابو علي : يا بو فهد استح على وجهك هذا كبرك وتمشي مع بزر ما بعد طلع شنبه
ابو فهد : افااا ... نعنبو بليسك انا اللي خايفن على نفسي منه .. تراه اكبر مني بعشر سنين
ابو علي مستغرب : عشر سنين ؟!! الظاهر ان السالفه اكبر يلا فمان الله

ورجع ابو علي لابو مبارك في بيته و تفرق ابو فهد ومبارك على اساس يجتمعون بعد ساعه في نفس المكان
ابو مبارك : هاه بشر وش سويت ؟؟
ابو علي : مااش يا بو مبارك الوضع مأساوي بالحيل
ابو مبارك : يالله سترك ... وش فيه؟؟ تكلم
ابو علي : يابن الحلال ولدك صار عندهم إنه اكبر من أبو فهد
ابو مبارك : عند من ؟؟
ابو علي : مدري
ابو مبارك : يعني ؟؟
ابو علي : مدري

يوقف أبو مبارك ويمسك أبو علي بثيابه
ابو مبارك : انت اللي طيحتني بهالشايب و أنت اللي بتفكني منه ولا والله العظيم بتشوف أمر ما يرضيك
ابو علي : اصبر اصبر يا بو مبارك .. هدي اعصابك ما يصير التفاهم كذا
ابو مبارك: اجل وشلون يصير التفاهم ... تبغاني أتفاهم وانا اضحك وانا شايف ولدي بيضيع من بين يديني ؟؟
أبو علي : طيب اصبر اصبر ... انت منتب تقول إن هاللي كان يطلع الجني من ولدك يقول هات لي قراية من الشايب ابو فهد ؟؟ ورا ما تخليه الحين يتفل لك في قارورة مويه و تخلي ولدك يشرب منها وتفكني أنت و ولدك من الغثا

ابو مبارك ( في ذهول ) : صــــــــــــــح !! وشلون ما انتبهت ؟!!


ابو مبارك هدأت أعصابه أرتااح و كأن جبل انزاح عن قلبه ..

أبو مبارك متحمس ومبسووط : الحين بعزم هالشايب الخايس على القهوه وبخليه يشرب و بأخذ فنجاله واخلي مبارك يشرب منه
ابو علي : خلاص اجل انا خلني اروح
ابو مبارك : وين تروح له راحت روحك .. انطق هنا خلك معي ما يندرى وش بيسوون هالمجانين فيني
ابو علي : ياخي انت اذا سويت اللي تقوله بتشوف ولك مثل الحصان ومافيه إلا العافيه و امسك ابو فهد وتمردغ في بطنه على كيفك
ابو مبارك : يلا قم معي
ابو علي : وين ان شالله ؟؟
ابو مبارك : بروح اعزم ابو فهد على القهوه

بحث أبو مبارك عن مبارك والشايب أبو فهد ..

و وجده لوحده و بمساعدة أبو علي تم تقييد الشايب أبو فهد

وجابووه للبيت مربط وأجبرووه يقرأ في قارورة موية ...

وانتظرووا مبارك يرجع البيت و أول ما فتح الباب كبوو عليه من الموية اللي قرا فيها الشايب أبو فهد

مبارك مستغرب : ووووين أنا فييييه ؟
وأول ما شاف أبووه جااه يركض : يبه يبـــــــــــــــــه

الشايب أبو فهد : أافاا وش جابني فيذاااا ؟؟

أبو مبارك : أقوول قم يا شيبة عرعر أنقلع من بيتي ولا عمررك تقرب من عتبة هالبيت

ورجع مبارك لحالته الطبيعية .. وإنتهت مأساااة أبو مبارك


*******

أتمنى أن تكون حازت على أعجابكم

دمتم بود دائماً

هههههههههههههههههههههههه
هذي تصلح في طآش او خلك معي هع
تسلمُ والله يحفظك َ أخوويّ
بانتظار جديدكَ

8
نفس الشعور تصلح في غشمشم
عندي سؤال يالدائره مالك شئ في المسلسلات

الحمدلله هالمأسآة انتهت على خير
الحين ركد رآسي ههههههههههه
الله يسعدك ياارب مثل مآأسعدتنا بقصصك الإبدآعيه
وبأنتظآر من وحي خيآلك القآدم

روعه القصة
وياليت الاعضاء مايقلبونها شات
دمت بخير

مشكور وتسلم وعساك على القوة

والله السالفة ... والصفصفة ...
خيال لايجيده إلا الكبار ..
ترتيب وتنسيق .. وعمل درامي كبير ..
وشكلك مقدمه على طاش قبل ما ينحرفون ويجيبون معهم الحريم ..!!
ماشفنا زول مره في هالدراما .. حتى الببسيه بريال ..

عساك سالم .. عساك سالم .. عساك سالم ..

مششششششاء الله روعه تاابع في الكتاابه
قصصك مره روعه وممتعه ..