صور ليلية ... لممشى الشغية الشمالية .. من شعيب رويغب ..

23 / 04 / 2010, 58 : 01 PM

اقتباس:

المشاركة الأصلية كتبت بواسطة المتحـ2007ـد

هلا بالمهند عساكم استمتعتم بهالسيل بدل العج اللي في الفيضه

عقب المغرب جت سحابه وضربة علو الشعيب وزاد ممشاه

وترى صورك حلووووه بس الله يرزقك بكميره مثل كميرة جريح الصيد

والله يعطيك العافيه

والله غسلنا وجيهنا منه .. عقب ما اندفنا في الفيضة ..
وبصراحة أشكرك على اخباري بهذا السيل .. وعقبال إن شاء الله شعيب مليح .. بس أهم شيء ما تصير مداوم ..

أما الكاميرات فخلصنا معد فينا شدة .. ومثل كاميراتكم يبي لها مناظر وعناية فائقة .. مهوب مثل كميرتي أسحب عدستها بقول على شان تشتغل.. .

شكراً لحضورك ..

23 / 04 / 2010, 00 : 02 PM

اقتباس:

المشاركة الأصلية كتبت بواسطة النادر

هلا بالمهند يعطيك العافيه على التقرير
وياليت السيل طار بك انت ومواعيدك
تسلم على تقريرك

أفا يالنادر .. وش دعوة يطير بي ..

والله إني ناسيك ودقيت عليك حول الساعة 11.30 في الليل ..
أنشغلت مع سحاب تميرية وملاحق وراها .. تسني مضيع لي شيء ..

أبجيك إن شاء الله بس خل الرمي يركد شوي ..

23 / 04 / 2010, 01 : 02 PM

اقتباس:

المشاركة الأصلية كتبت بواسطة جريح الصيد

ماشاء الله بين ممشاه طيب بالحيل

ياليت منهو نصاه كنت متوقع انها ساعة زمن ويايوقف بس الحمد لله على كل حال

ايه اجل الكامره تفداك يالغلا متى مابغيتها دق وتلقاها

بس تحمل شوي هالكمرات يبيلهن وجعت راس الين تعرف تاخذ صوره وحده

وانا الى الان من جنبها في استخدامها

والله ما مشيت إلا عقب غياب الشمس من طعيسات شعيب مبايض .. بعد ورود مكالمة من المتحد .. ووصلت إلى نورة ولا فيه أثر .. ويوم كلمت المتحد قال أنه يزود .. وعز الله وصلت وهو يزود ..
الجايات أحلى ..
والله يخلي لك كاميرتك ..

23 / 04 / 2010, 02 : 02 PM

اقتباس:

المشاركة الأصلية كتبت بواسطة ابودقس

تقرير في قمة الروعة

يعطيك العافية على صور السيل ،،،،

الله يعافيك يا أبودقس ..
شاكر لك حضورك واطلالتك الرائعة ..

23 / 04 / 2010, 03 : 02 PM

اقتباس:

المشاركة الأصلية كتبت بواسطة الراقيه

ماشاء الله تبارك الله

اللهم اجعلها امطار خير وبركه

يعطيك العافيه على الصور

اللهم آمين ..
الله يطرح فيها البركة .. ويسقي مزارعنا ..

23 / 04 / 2010, 03 : 02 PM

اقتباس:

المشاركة الأصلية كتبت بواسطة عرق الأرطى

يعطيك العافيه اخوي المهند والله يرزقك الي في بالك

عافاك الله يالعرق ..
والله يرزقك اللي في بالي .. !! وبال كل مسلم ..

23 / 04 / 2010, 05 : 02 PM

اقتباس:

المشاركة الأصلية كتبت بواسطة ابو مشعل

يعطيك العافيه اخوي المهند
على هالصور
كن طافشت في هالسيل كلك لا يطلع الا خشمك
تقبل مروري

الله يعافيك يا أبومشعل ..
أنا خشمي صغير .. ويا سرع ما يدخله الماء ..
يجي ناس خشومها كنها غواصة ... ما شاء الله لاإله إلا الله .. ما عليه من شيء ..

ما بعتني الشاشة .. وش تحتري ..