أكثر من 36 لغم على قارعة الطريق والبلدية لا أسمع لا أرى لا أتكلم !!!

13 / 12 / 2009, 30 : 12 PM

والله لو معي شيول لدفنها كلها وخلهم يشكون كاد المعاملة تاصل طويلين الاعمار ويعاقبون المتسبب
مغير أكل ومرعه وقلة صنعه اذا جيت المكاتب الساعة 9:30 مالقيت فيها الا برقات الشاهي مغطيه
شكرا نقا الكرم لاثارة الموضوع

13 / 12 / 2009, 32 : 12 PM

اقتباس:

المشاركة الأصلية كتبت بواسطة نسيم

الحفر هذي على خط اباخسيفة شايفها ولا ادري وش سنعها.
الظاهر انهم يبي يركزون نخل.

كان فيه مثلها على خط الباطن .. وتم زراعة مواصير لمبات فيها ..
أما النخل فأكثر ما كثر الله النخل في الشمالي .. وأتوقع أنها عمدان أنوار ..

13 / 12 / 2009, 56 : 12 PM

اشوفها موزعه يمين ويسار
ممكن عقب غزارة المطر
اجل العمل فيها

13 / 12 / 2009, 57 : 12 PM

إن بغوا يحطون فيها شعير بصرهم ،،، بس أهم شيء نفتك منها ...

13 / 12 / 2009, 25 : 01 PM

والله ياشكلها تروع ذا الحفر الي بيطيح فيها بيروح خابوور ..
انشاءالله يعدلونها البلديه <<ايه بس.

14 / 12 / 2009, 03 : 11 AM

هذي شركه مسكت مناقصه وضع لوحات ارشاديه
وكيد معطينها الحين مهله تتراوح ما بين السنتين
وحولها..
يعني مثل باقي الشركات تمسك مناقصات
واذا بقى شهر او شهرين وتخلص المده جو واشتغلو
عقب ما تدفنت وسببت حوادث..

14 / 12 / 2009, 59 : 11 AM

حسبنا الله ونعم الوكيل

اي سقوط فيها خطر فاين عيون المسئولين

هل ينتظرون فاجعه ليتم حل المشكلة !!

14 / 12 / 2009, 07 : 12 PM

السلام عليكم ورحمة الله وبركاته
وبعد .

أولا : نشكر الكاتب على إهتمامه بمدينته وعلى حرصه على أخوته من مرتادي هذا الطريق
ثانياً: البلدية ليست هي الجهة التي قامت بعمل هذه الحفر بطريق الشمالي وأيضا البلدية ليست الجهة المسؤلة عن هذا الطريق وإدارة الطرق بوزارة المواصلات هي المسئوله عن الطريق المذكور وهي ايضا المسئوله عن الطرق التالية :
١- طريق الشمالي .
٢- طريق آبا خسيفة .
٣- طريق الباطن .
٤- طريق تميرية الفرعي (طريق المزارع )

ثالثاً: بخصوص الحفر المذكورة بطريق الشمالي وعددها 36 حفرة قامت وكاله الطرق بحفرها قبل فترة ضمن مشروع تابع لها (إشارات تحذيرية وإرشادية للمواطن) وتم تركها ولم تقم بإكمال اللازم بخصوصها من قبل الوكاله .

وقامت البلدية بمخاطبة وزارة النقل بخصوص الحفر المذكورة وما تشكله من خطورة على سلامة مرتادي هذا الطريق بتاريخ 1430/11/27هـ وبرقم ( 2982 ) ولم يتم الرد من قبل وزراة النقل بهذا الخصوص

والسلام عليكم ورحمة الله وبركاته

14 / 12 / 2009, 11 : 12 PM

نشكر سعيكم وحرصكم يا مندوب البلدية وهذا هو العشم فيكم

فالتواصل مع المواطنين والاعضاء هي نجاح لكم ولمدينتنا تمير

شكرا لسرعة الاستجابة

14 / 12 / 2009, 37 : 12 PM

وعليكم السلام ورحمة الله وبركاته
شكراً لمندوب البلدية على تواصله مع مواطنين مدينة تمير ... والتواصل بين المسؤول والمواطن ..
وشكراً للتوضيح .. والذي اتضح فيه أن العمل يتبع لوكالة الطرق بوزارة النقل ..
وبهذا الرد .. ينتهي الموضوع ..
مع الشكر والتقدير لطارحه الأخ نقا الكرم ولجميع الأعضاء المداخلين ..

الذين يشاهدون محتوى الموضوع الآن : 1 ( الأعضاء 0 والزوار 1)