معليش ياهلال ....فريق مبدع ...ولكن ترا الي قدامك العالمي ...!!!

النصر والهلال حبايب

اللي مضحكني صدق خالدعزيز ما أدري وش سالفته مع الرفس وخاصة في مثل هالمواقع

قبلها كان مسويها مع محمد نور والحين مع سعود حمود الله يهداه بس

ههههههههههه يحمدون ربهم الهلالية ما انهزموا أمس

أول مرة أشوف فريق مع حظ قووووووووووووووووووووي مرررررررررررررررررررررة مثل حظ الهلال

بالله هذا هدف الهدف الثاني شاته على عماها وصدمت في أخس لاعبين النصر عبدالله الموسى وجت قوووول معها تغيرت أتجاها أي كلام

وإلا الهدف الأول عاد زاوية ورفعها وجت للاعب الهلال ويسددها في يد الحارس لكن وش تسوي غصب هدف الهلال هذا أبو الحظوظ مثل ما صارت مع مبروك قبلها ههههههههههههه شئ غريب

تفحصوا بالأسماء وشوفوا أيش هدفهم ما في غيرها أكيد البطولة والمشكلة يقولون ما نهتم فيها وهم المشكلة أنهم مركزين فيها شئ غريب كل هؤلاء أعمارهم فوق 23 سنة المسموح لهم اللعب

على العموم مشكور أخوي أبوخالد على الموضوع المميز

والله التعادل مع الرحمة والشفقة و( التحكيم )

خالد عزيز ، عمر الغامدي ، نامي الدوسري ، أحمد الصويلح ، حسن خيرات

النصر لا يوجد إلا فقط عبده برناوي وحيد

الآن من أصبح هدفه البطولة

هلا ابو نواف صبحك الله بالخير
الا صدق انت مقتنع بالنصر ولا معاند بس
ترى فريقك والله من جنبها تبرر ولا ماتبرر
ولاتقول صغار وكبار بطولة فيصل معروف
من يهدف لها وهي دائماً المقياس الحقيقي
للنصر لان الكل يعرف بان الدوري
بين الثلاثه الكبار وكاس ولي العهد
بعد المشرق عن المغرب
اما بطولة فيصل والله ماضنتي لكم فيها
نصيب بس اهم شي الاخلاق
بعدين تقول عزيز انه طاب في بطن لاعبكم
ياخي ماتشوف المصري حقكم ماخلا احد ماخنقه
وريان مكسمر رجلين الفريدي ولا نسيت
الله يصلحك بس وبعدين شف عبدالغني ولعبه
ولا ماتشوف لاتاخذ الامور بعاطفه كل لاعب له اخطائه بس حنا الهلاليين مانبربر في التلفزيون ونقول وقفوا ومدري وش
اصلا من يوم اشوف تصريح رئيس
النصر ويطالب بايقاف عزيز وانا غاسل
يدي منه ليته يهتم بالنصر مثل مايهتم
بامور الهلال وكذالك حال جماهير النصر

الله يصبحك بكل خير أخوي مذهل

في البداية هل كان فريقي أمس سئ لكي تحكم عليه تقول من جنبها

بالله من كان مضيع الفرص الحقيقية أمام االمرمى ومن كان الأقرب للغة الإنتصار

مع وجود أخطاء تحكيمية فاضحة ممكن أن تتغير النتيجة إلى أفضل من كذا لو وجد الحكم الصارم ويعطي كل حق حقه أما مسألة البطولات الأخرى فأنت تقول أنها صعبة على النصر

أولا بطولة كأس خادم الحرمين خرج فيها النصر مع الهلال بالتعادل كانت وكان هدفكم في أخر الدقائق عشان تدرون أنكم محظوظين وخرج النصر من البطولة يعني ما خسرنا المباراة

بطولة كأس ولي العهد كلنا يتذكر العام الماضي عندما أخرج الهلال النصر بهدفه اليتيم وبعدها لاحول ولاقوة للهلال ضغط نصراوي مستمر لكن بدون جدوى لكن يكفيني فخراً المستوى لكن النتيجة بيد الله مع النصر كان أفضل بكثير من الهلال في تلك المباراة وكان مع كثرة الضغط طُرد مدافع الهلال ماجد المرشدي

مع العلم نحن من أخرج اللإتحاد من بطولة كأس ولي العهد وفي أرضهم وبين جماهيرهم

حبيبي انت تتهم الحكم وللاسف ماتشوف الا الاخطاء اللي عليكم
انت شفت خطاء لاعبكم عاشور بعد ماخذ الكرت الاصفر الاول
يعني مفروض ينطرد صح ولالا وهذا خطاء من الحكم
وانت شفت الضرب من الظهير العصري برناوي للمؤشر
والحكم ساكت والضرب قدام رجل الخط يعني الحكم لك وعليك
بعدين ماشفت هجمة تساهل الذكر الا هجمت الزيلعي لو جبت جدتي
سجلتها يعني مو هجمه ضايعه الا غباء مهاجم
نرجع للنصر والمستوى حبيبي اذا النصر يبي يتحسن لازم يعدل بعض الاشياء
وهي
ادارة واعيه وماتحط مسكنات للجماهير بمعني اذا الجمهور مايبي اللاعب الفلاني تطرده
واذا الجمهور حمق من فريق يطلع ويصرح ابي الاداره تكون راقيه وماتهتم الا بفريقها وبس
الشي الثاني لازم يطلع من روسكم شي اسمه الهلال اي شي للهلال تدخلون فيه ليش ابي افهم
ليش ماتهتمون بالنصر مثل ماتهتمون بالهلال ابي سبب مقنع هل هو تقليل من الهلال او تصريف الانظار عن مستواكم
واهم شي لازم يصير عشان يرجع نصر ابو خالد رحمه الله
ازلة وانتبه لكملة ازاله ازالة ممدوح وزمرته الوليد بن بدر واصحاب المنصه وانت تعرفهم
والوقوف مع فيصل بن تركي وقفه صادقه يعني لازم اكون صادق معه ولازم يكون اركد شوي
لان تصاريحه تدل انه جاهل في بعض الامور وصدقني اذا مشى على هالمنوال اول من بينتقده
انتم بالنصراويين .
ابو نواف انا سعيد بمداخلتك معي والله اتمنى الخير للنصر بس مشكلة النصر انه يعرف المشكله ومايبي يحلها لانها مثل السرطان مالها حل
حمانا الله واياكم من كل شر

حمانا الله وأياكم

اللهم آمين

حواار شيق وممتع ياليت تكملون هع شاكر لكم تفاعلكم

اتمنى يكون ردك للموضوع فقط
وعدم الخروج عنه

التعديل بواسطتي
ابومشعل

ياجماعه خلو النقاش في الكورة فقط
لاحد يطلع عن الجاده اللي في راسه
شي يطلع برا مو في المنتدى
هنا خلونا حبايب والدعوه جلد منفوخ
والله مادري عني وعنك احد في الانديه

الغريبه ان النصراووين لازالو يصرون ان الهلال منافس للهلال

معا ان الهلال صار بعيد عنهم في كل شي
في الدوري الهلال الاول والنصر السادس
في كاس فيصل بطولتكم الخاصه الهلال متاهل قبل المبارة القادمة

والنصر لازال تحت رحمة الزعيم لعله يتعطف عليهم ويفوز على الشباب

اما كاس ولي العهد ومن سنتين او اكثر الهلال يخرج النصر من هذه البطولة

فارجوكم استحوا

والحظ ان وجد لن يخدمك طول العمر ربما النوايا الحسنة تخدم الهلال

فلم يذكر ان لاعب اشتكى انه لم ياخذ حقه من ادارة الهلال