متفرقات من جازان الجزء الثالث من رحلتي لجنوب غرب السعودية30/4/1430

اقتباس: المشاركة الأصلية كتبت بواسطة النجدي    رحلة موفقة يا المهند . شكلك بتحاول تغطي على رحلة معانق هم . بس خلق وفرق .. جيزان بلد الطهر والتدين والأمر بالمعروف والنهي عن المنكر . أما بتايا لاسقاها السيل ديرة طرب للعزوبية نهارها متصل بالليل ما تزعج الناس دورية ( ولا جمس هيئة ) صدق إذا قالوا جيزاني

هلا بك أخوي النجدي ... ومنور الحتة بهالطلة ...
حيااك الله شاكر لك مرورك وتعليقك الرائع ...

ووينا ووين معانق هم ... أول شيء ولله الحمد مانعين الحكومة من الروحة لتايلند .. لكن نبي ندور لنا وحده في ذيك الجهات عشان نغطي عليه صدق ...

أما راعي هالعمارة فقعدنا ليلة مباراة الهلال والنصر ندور حوله ... قلنا يمكن حاط له برجكتر ويبي يعرض المباراة في بيت الشعر .. لكن للأسف الظاهر أن البيت مهجووور ..!!

اقتباس: المشاركة الأصلية كتبت بواسطة نقا الكرم    رحلة ممتعة وصور رائعة وتعليق أكثر من رائع ..... مواضيعك عن الرحلات ممتعة جدا ، والواحد يشاهد الصور ويقرأ التعليق عليها وكأنه حاضر الموقع .... بيض الله وجهك وجزاك الله خير ...

هلا بك أخوي نقا الكرم ...
الله يبيض وجهك ويجزاك خير على هالكلام العسل ...

شرفت الموضوع لكن أبغير توقيعي وأبهدي لكل الهلاليين ...!!! عشان يشرفونا بعد ..

اقتباس: المشاركة الأصلية كتبت بواسطة هامة مضر    شف مخاوي تمير ما شكرك على الهديه شكله وده يروح لجازان يهدم العماره هــــا مـــة مــــضـر

عمدتنا الغالي هامة مضر

بدون مجاملة شفت وشلون طالع شكل العماره

يسد النفس ومدري وشلون جت المهند هالنفس يصور

الواحد يصور لون السماء المايل للزرقة .. البحر وتلاطم امواجه

انا اعرفك انسان عندك ذوق بس هالمره ذوقك رايح فيها

حتى في لون الكتابة شف وشلون الفرق والوضوح وانشراح
النفس للالوان

ماشاء الله تبارك الله
رحله ممتعه وجميله الله يعطيك الصحه والعافيه
ابداع متواصل بارك الله فيك
دمت وداام عطاائك

اقتباس: المشاركة الأصلية كتبت بواسطة ولد العز    المهند ماشاء الله عليك كل تقرير يقول انا الاجمل رحلة موفقة ننتظر تقاريرك القادمه ابو مهند ترى ان بغيتا احد يخاويك يصور فترانا جاهزين

هلا بك أخوي ولد العز ...
أنا حالياً مرتبط بمصورين اثنين محترفين ... وإن شاء الله إذا انتهاء عقدهم ... خليتك تصور ...!!!

شكراً لمرورك والله لايهينك ...

اقتباس: المشاركة الأصلية كتبت بواسطة مخاوي تمير    ما شاء الله تبارك الله ما اروع التقارير التي تطرحها يا امير الامراء سرد شيق ومثير لكل جزء وحركة تخطونها في رحلتكم وكأننا موجودين معكم في هذه الرحلة المثيره . .. .. ابو مهند الف الف شكر شكر لما تقدمه وتعمله من اجلنا فجزاك الله عنا الف خير وكثر الله من امثالك .

الله يجزاك خير ... أخوي أبوعبدالعزيز ...
وتواجدك في هذه الصفحة يجبرني إلى تقديم والبحث عن الأفضل والأفضل ...
شاكر لك هذه الطلة الرائعة ... والله يعطيك العافية ...

اقتباس: المشاركة الأصلية كتبت بواسطة نسيم    تصدق اني قمت اناظر اشوي فالصورة واقرب لين تأكدت انه ماهوب جح .تقطيع جح يالمهند .ياخوي هالسمك ماالله عطاني منه .

هلا نسيم ...
ماشاء الله دقيق الملاحظة ... أو أنك مشتهي الجح ووقفت عيونك عند هاللقطة ...
هاللقطة ودك تشوفها ولا تعيشها .. ريحة السمك الله يجيرك مهيب زينة ... والمفروض أنهم مايطلعونه من الثلج ...
وعز الله التقطيع تقطيح جح ...
الله يحييك أخوي نسيم ..

اقتباس: المشاركة الأصلية كتبت بواسطة هامة مضر    1000 شكر يالمهند على الهديه مبدع يالمهند كالعاده شف مخاوي تمير ما شكرك على الهديه شكله وده يروح لجازان يهدم العماره هــــا مـــة مــــضـر

هلا بك أخوي هامة مضر ...
وشاكر لك هذا الإطراء ... وترى ذا العمارة يوم أصورها ماجاء في بالي إلا أنت ... قلت أبهديها له ..

أما مخاوي تمير فجايزت له الصورة ... حتى أنه يقول لي : ودي أحطها توقيع لكني رفضت طلبه ... لأن مهوب كل من بغى حط شعار النصر توقيع له ...
تحياتي لك ...

اقتباس: المشاركة الأصلية كتبت بواسطة معانق هم    وعليكم السلام ورحمة الله وبركاته مشاءالله عليك يالمهند من أبداع إلي أبداع عسى الله يوفقك .. التقريرجميل جداً كروعة وجودك وحمدالله على السلامه بنتظار جديدك ..

لا والله براعي الكويت ... حياااك الله أخوي معانق هم ...

عاد وش رأيك تايلند أو جازان في الطبيعة والحلاوة ... أكيد بتقول جازان ...
حياااك الله في هالتقرير أبوعبدالعزيز ... شاكر لك الحضور والمرور ...

اقتباس: المشاركة الأصلية كتبت بواسطة الراقيه    ماشاء الله تبارك الله رحله ممتعه وجميله الله يعطيك الصحه والعافيه ابداع متواصل بارك الله فيك دمت وداام عطاائك

الله يعافيك أختي الراقية ويبارك فيك ...

شاكر لك هذا التواصل الرائع لصفحات المنتدى ...