ايهن افضل

اقتباس: المشاركة الأصلية كتبت بواسطة هامة مضر    المضري هذا صاحب فكر وبارع .نظرتي ماتخيب وهو ان شاء الله من يقود زمام التقدم والتطور والتطوير للمنتدى من غير قصور في الاخوان. بس لاتزال المشكلة في كيفية الكتابة السريعة لكن مع الاصرار والعزيمة تذل الصعاب. الشتاء زين لكن يجي اختيار الوقت المناسب للمكاشيت مثل الايام هذي افضل وقت .الصيف يامضري في الحر الشديد مثل البرد الشديد.اللهم هذا حر وهذا برد . لكن وقت اعتدال الجو جميل حدا. وبيني وبينك الصيف تكثر العيشه فيه مثل الفواكة والخضروات والتمر واذا جاء الليل تظهر وتمذه وتنطل الثياب وتستحم لكن الشتاء هذا صعب جدا في الاستحمام وانا شخصيا اعاني منه معاناة شديدة يالمضري. ياهلا نسيم-طلبنا رايك فقط ماطلبنا خطبة جمعه-تكتب واجد حتى تقهرنا اناوابوحلا -كلها3سنين ونكتب مثلك لاتعجل علينا -بتوجيهاتك سنصل وان طال السفر او( فيه كلام ثاني )- هامة مضر

وشلون كلام ثاني يالمضري انت تهددني .ليه ؟وش سويت ؟
ياليت والله نشوفك فالصفوف الامامية مع كبار المشرفين وهذا مما يسعدني قوي الإسعاد .
وبعدين ماعطيتني رايك في التعليق يالمضري

نسسسسسسسسسسسيم

ياالمضرى يقولون فى فصل الشتاء يضل نوع من النساء مثل ماتفضل الحنينى وغيراها وفى فصل الصيف تفضل سوريا وما حولها مجرد راى وكل واحد حر البعض يحب الفصلين مثل نسيم

بصراحه مافي ازين من الربيع والخريف ههههه

و الصيف والشتاء نعمه من رب العالمين

وكل فصل له مميزاته

وماعندي اي فرق بين الشتاء او الصيف

بس في الشتاء بتكون هناك قلة حركه عن فصل الصيف وهذا الفرق البسيط عندي ..

يعطيك العافية اخوووي

احترامي

الصيف ولياليه الحلوه ولا الشتاء وامراضه

احب الشتاء مثل حبي لماجد عبدالله
هههههههههههههههه

مشكووووووووووور ياهامه مضر

[QUOTE=ابوحلا11;419970][size="7"]ياالمضرى يقولون فى فصل الشتاء يضل نوع من النساء مثل ماتفضل الحنينى وغيراها وفى فصل الصيف تفضل سوريا وما حولها مجرد راى وكل واحد حر البعض يحب الفصلين مثل نسيم" ]يامرحبا بك يابو حلا --طلبنا رايك وش تفضل الشتا او الصيف وليش --ما سألتك عما تفضل النسا ---ياحبك لطاريهن وياحبي لقراءة ردودك اقرا ردك اكثر من مره لك حبي واشواقي ----
هامة مضر

مشكور على الموضوع

أنا ما أحب الشتاء لأنه أبا الخلاقين بجايم وشمغ وقبوع وفرى وشرابات وكنادر ومداس لليدين يعني محل ملابس متنقل .

وزود على ذلك سخاين وخاصة للي عنده بزران واسألوا أهل المستشفيات .

تخيل نفسك الآن نايم وأذن لصلاة الفجر وقمت والجو بااااااااااارد وش يا يوضيك والسباحة بعد علة العلل في الشتاء وتبي لك نصف ساعة على بال ما تلبد نفسك بالخلاقين .

والسيارة تبي من يحميها ومن له خلق ينتظر ثلاث دقايق على بال ما تحمى .

واللي يقولون الشتاء أزين ما فيه شبة الضوية نقول لهم الليل والنهار 24 ساعة وشبة الضو ساعة وحدة بين العشوين ودخنة وكتمة وأمراض .

واللي يقولون الشتاء جو الكشتات نقول أيه اطلع ودور لك سدرة والتفز تحتها ودق اللطمة وشب ضوك واعتسل روحك بالدخنة وتلبد في الفروة من قدام دافي ومن ورى يخلف الله وإذا جا دور تغسيل المواعين جت الزملة .

لكن الصيف اطلع في الليل ما عليك إلا قميص حتى الفنيلة ذبها ودور لك أطرف مكان واجلس فيه وتمتع بالجو الرومانسي واستمتع بنسمات الهواء العليلة ولا تنس تقول دعاء النزول أعوذ بكلمات الله التامات من شر ما خلق علشان ما يجيك شي لأن بعض الناس يقول الصيف ما فيه إلا النوامس ، واشو واطبخ على كيفك حر طليق ، واشرب من العصاير الباردة وكل من العسكريمات ألين تقول بس .

والصيف أبا الخيرات فواكة وبطيخ وعصيرات وألبان ...

أما الشتاء ما فيه إلا خس وجرجير وكراث وزنجبيل يبلشك بالزغاغيل .

لكن للإنصاف الشتاء أزين ما فيه أربع حاجات

* ليله طويل يعني إذا توقضت الساعة 3 وغلا باقي ساعتين على الأذان .

* ركبة السيارة زينه وخاصة في المشاوير ما تزمل للخط ولا تتعب .

* ثياب الشتاء تجلس على الواحد اسبوعين وثلاثة ما يبين فيها وسخ .

* وأهم شي السيل والربيع .

وآسف للأسلوب الركيك ومهما كان فالصيف أزين !!

[QUOTE=قوت القلوب]بصراحه مافي ازين من الربيع والخريف ههههه]و الصيف والشتاء نعمه من رب العالمين]وكل فصل له مميزاته]وماعندي اي فرق بين الشتاء او الصيف
بس في الشتاء بتكون هناك قلة حركه عن فصل الصيف وهذا الفرق البسيط عندي ]يعطيك العافية اخوووي ]احترامي
قوت القلوب شكرا للمشاركه--ما طلعنا بنتيجه -الخريف والربيع احسن -الشتا والصيف نعمه -- ايهم افضل لديك -وضح ---لا تقول(--- الشتيف- --)شكرا
هامة مضر

[QUOTE=ابواسامه السلوم;419986]الصيف ولياليه الحلوه ولا الشتاء وامراضه
ابو اسامه ياهلا بهالطله --الصيف نعمه من الله --الكعبه ما صارت في ابها اوالطايف -في مكه ----ما يعرفون الدفايات---
هامة مضر

[quote=النجدي; مشكور على الموضوع
أنا ما أحب الشتاء لأنه أبا الخلاقين بجايم وشمغ وقبوع وفرى وشرابات وكنادر ومداس لليدين يعني محل ملابس متنقل .
سخاين وخاصة للي عنده بزران واسألوا أهل المستشفيات .
ودخنة وكتمة وأمراض .
لكن الصيف اطلع في الليل واستمتع بنسمات الهواء العليلة واشو واطبخ على كيفك .
والصيف أبا الخيرات
أما الشتاء ما فيه إلا خس وجرجير وكراث وزنجبيل يبلشك بالزغاغيل [SIZE="6"][COLOR="

DarkOliveGreen"] بيض الله وجهك -اضهرت للشتا عيوب ما كناعارفينها -ضحكت انا والموجودين بشده-مشاركه مميزه

لك شكري هامة مضر