كرسي الأعتراف مع( كووgirlوول)

اهلا أختي M!SS KSA

السوال الاول : ماهي وجبتك المفضله والمشروب المفضل....؟؟

من الاكلات الشعبيه الجريش
واحب البيتزا
المشروب الببسي طبعا
السوال الثاني : اطرف موقف حصل لك ........؟؟
مواقف كثيره ...بس تخوني الذاكره الحين

السوال الثالث: وش رايك بمنتدى تمير.....؟؟

منتدى رائع والله يجزاك خير يوم دليتيني عليه

اهلا GLOSS

1- وش احسن وجبه عندكـ و احسن مشروب <= لووول
طبعا جاوبت سابقا
2- اوقات تكرهينها في اليوم.؟!


اكره وقت الظهر لانه وقت تصليح الغداء
3-صفهـ تكرهينها فيكـ..؟!

الطيبه

4-صفهـ تتمنينها فيك..؟!
اتمنى اكون شرانيه وعدوانيه حتى ما أحد يستغلني

مساء الخير اخت كوول
هل المنتدى يعني لك شىء ؟هل تعطينه اهتمام وتفكير والا حسب الفرغه ؟

الا ن انتي تحملين شهادة جامعية وربة منزل ماتلاحظين ان فيها غبينه شوي تعب ودراسة واخرتها ربة منزل ! ما اقول الا الله يعينك ربة منزل يعني لو توظفتي ماهوب افضل من الجلوس في المنزل بعد هالتعب والدراسة ؟

تحياتي نسسسسسسسيم

هلا اختي كول حياك الله
1-اشياء تحبينها في منتدى تمير
2- اشياء تطلبينها من اجل رقي المنتدى
3- هل هناك امور لم تعجبك في المنتدى وما هي الاسباب وكيف نحلها اذا وجدت
ودمتي بخير

اهلا اخوي نسيم


هل المنتدى يعني لك شىء ؟هل تعطينه اهتمام وتفكير والا حسب الفرغه ؟
تبي الصراحه صرت اعتبره بيتي الثاني
و أهتم وافكر فيه أكثر من بيتي ..وزوجي صار يقول :
(يامن شراله من حلاله عله )
يقصد الاب توب

الا ن انتي تحملين شهادة جامعية وربة منزل ماتلاحظين ان فيها غبينه شوي تعب ودراسة واخرتها ربة منزل ! ما اقول الا الله يعينك ربة منزل يعني لو توظفتي ماهوب افضل من الجلوس في المنزل بعد هالتعب والدراسة ؟
كنت مفكره بالوظيفه بس الحمد لله مرتاحه من وجع الراس اهم شي أكون مع أطفالي
لانه صعب توفق بين الوظيفه وتربيتهم

اهلا أخوي النادر
1-اشياء تحبينها في منتدى تمير
احب الاعضاء احس انهم قريبين من بعض اشعر انهم اخوان في بيت واحد
2- اشياء تطلبينها من اجل رقي المنتدى
لاحظت طلب من أختي GLOSS عن اللغات وعجبتني الفكره والله حابين نتعلم لغات << افلحي في العربي اول

لو يتم وضع تنسيق للملف الشخصي ليقوم كل عضو بتنسيق ملفه..هذي فكره عاجبتني وش رايكم ؟
3- هل هناك امور لم تعجبك في المنتدى وما هي الاسباب وكيف نحلها اذا وجدت
لا... كل الامور ماشيه تمام

مساء الخير ..

اشكر الأخت الفاضله دنيا لأحلام على استضافت مشرفتنا الجديدة كووGIRLوول

عزيزتي الغاليه ..

الدراسه وتحصيل العلم شيء طيب وجميل حيث الشهادة والرقي بمستوى الشخص كان ولداً أو بنت ..

السؤال يقول :

هل ثقافتنا الأدبيه نجنيها من الشهادة أو هو اكتساب من اختلاطنا بالناس في مجالسنا أو من المنتديات الراقيه ..؟


سؤالي الثاني يقول :

هل اسم كووGIRLوول اسم على مسمى ..؟



الله يعافيك وشكراً

دمتي بخير

أبوعبدالمجيد

الأخت كووول
سعيدون بتواجدك هناااا بكرسي الاعتراف
اول شي اتمنى لك حياه سعيدة مع افراد اسرتك وان يحفظ الله اولادك وزوجك من كل سوء

ثاني شي وش معنى كووGIRLوول ؟

ثالثا وش قالت لك الأخت M!SS KSAعن منتدى تمير بالضبط؟

رابعا هل هناك فرق بين البنت قبل الزواج والبنت الأم ؟

خامساً العدوانيه طبع شين فلاتتمنينه وامي تقول لي دايم ياوليدي الطيب خير من الردى

وشكراً لسعة صدرك

اهلا بأخوي ابو مجيد
السؤال يقول :

هل ثقافتنا الأدبيه نجنيها من الشهادة أو هو اكتساب من اختلاطنا بالناس في مجالسنا أو من المنتديات الراقيه ..؟

الثقافه نحصلها من الشهاده ومن الاختلاط بالناس وكلاهما مرتبط ببعض
فلن نستفيد من الثقافه والعلم الذي نحصل عليه إذا لم نطبقه في حياتنا و باختلاطنا بالناس
وكذلك لن نستفيد من الناس ونستوعب ما قد يقال أو مايطرح من مواضيع ادبيه إذا لم نكون قد درسنا وتعلمنا

سؤالي الثاني يقول :

هل اسم كووGIRLوول اسم على مسمى ..؟
تقدر تقول كذا
هذا الاسم عجبني واحسه قريب مني

اقتباس: المشاركة الأصلية كتبت بواسطة ابو الوليد    الأخت كووول سعيدون بتواجدك هناااا بكرسي الاعتراف اول شي اتمنى لك حياه سعيدة مع افراد اسرتك وان يحفظ الله اولادك وزوجك من كل سوء ثاني شي وش معنى كووGIRLوول ؟ ثالثا وش قالت لك الأخت M!SS KSAعن منتدى تمير بالضبط؟ رابعا هل هناك فرق بين البنت قبل الزواج والبنت الأم ؟ خامساً العدوانيه طبع شين فلاتتمنينه وامي تقول لي دايم ياوليدي الطيب خير من الردى وشكراً لسعة صدرك

مشكور أخوي ابو الوليد
معنى كووgirlوول : البنت اللطيفه

طبعا m!ss ksa شقيقتي
قالت ليش ماتسجلين في المنتدى ...فسجلت وهذي القصه

اكيد فيه فرق كبير :
صار فيه مسؤليه وتربيه واهتمام وتعب بس في المقابل يحس الشخص بالاستقرار وانه وصل وحقق كيانه وكون أسره