جاكم البرد اللي يذكر

الظاهر انك لابس ( هيلا هب ) وش هالشراب اللي

ياصل لنصف الفخذ او ان (رجليك قصار )
هلا والله حبيبي مخاوي تمير والله مدري لقيت لي صروال والظاهر انه ذاك اللي يلبسونه اللي يلزق(سبرتش )والله مدري لكن ياخوك لبق في مقدر احرك رجليني ضيق و يلمع وعسا الله لا يتكل عليه

اقتباس: المشاركة الأصلية كتبت بواسطة قلب الاسد    أقول يانسيم يمدحون البيات الشتوي .. وعليك بالمطرحه الخضراء .. !!

ياخوي هالمطارح الخضر قامت تطبع في وجهينا لا قمت الصبح لين وجهي اخضر ولا ينفع تغسله مايروح
يصير الوجه كنه (اصطنبه) ياقلب الاسد.

هلا والله بنسيم

لا شفت اسمك تذكرت النشره الجويه على عطول

والبرد علاجه كثر الهدوم والله يستر على البزور لا يذبحهم

والله يرزقنا بمطره تدفينا

اقتباس: المشاركة الأصلية كتبت بواسطة المتحـ2007ـد    هلا والله بنسيم لا شفت اسمك تذكرت النشره الجويه على عطول والبرد علاجه كثر الهدوم والله يستر على البزور لا يذبحهم والله يرزقنا بمطره تدفينا

هلا بالمتحد معد فيه نشرة فيه والله زمهرير اليوم في الخفس الماء جامد تصدق الى الساعة تسع.
الحمد لله تونا على البزور .وبعدين وينك معدك لك ضيح في المنتدى على شمسك غيوم .
تحياتي نسسسسسسسيم

الله يسسسسسسسستر يا نسسسسسسسسسسسسيم

اقتباس: المشاركة الأصلية كتبت بواسطة المستشــــار    الله يسسسسسسسستر يا نسسسسسسسسسسسسيم

امين يالمستشار بس الشباب مايحسون بالبرد ثياب بيض مدري ليه؟

مشكور يالمستشار

وحلالالالالالالاة من هو نازل بوسط جيزان *** يتوقى بسموم حرها وشموسها ....

بلا فكس .... بلا كنبل أخضر


أخوي نسييييييم أنا مدري وش ألحن لاقين في هالديرة .... إن جاء الصيف نحشنا لأبها وصلالة ... وإن جاء الشتاء تمنينا جيزان ...

الله يعينا على هالبرد يا نسيم امس الماء مثلج في الشمال قبل لينا بشوي وكنت هناك
وعلى طاري خربوه الكشاته رحت لم روضه كانت اجمل الريضان قبل الاجازه
والحين صارت اوسخ الريضان بعد الاجازه وما يدخاها الا المعاقب
راح انزل موضوع الليله اوباكر عن هذيك الجهه
تحياتي لك
يا مقدم نشره منتدى تمير

أخوي نسييييييم أنا مدري وش ألحن لاقين في هالديرة .... إن جاء الصيف نحشنا لأبها وصلالة ... وإن جاء الشتاء تمنينا جيزان ...

اخوي المهند احنا في هالديرة نعاني من فراغ كبير علشان كذا ماندري وش نبي .شغلنا الشاغل وش اشترا فلان نشتري مثله فلان باع نبيع فلان راح صلاله نروح وهكذا .السويد تراهم يعانون من ملل عظيم لان الجو عندهم واحد مايتغير برد ثلج النهار قصير لذا نسبة الانتحار عندهم منتشرة .الله يستريالمهند تذكر سيارات الديزل اللي طحنا فيها صار تمير كنه (راس تنوره)من الدخان .الان الشيصان شف وش كثرها كأننا في (تهامة)
تراي استثني ابوحمد من اهل الشيصان هههههههه

مشكور يالمهند على الدخول الجميل

تحياتي لك نسسسسسسيم

اقتباس: المشاركة الأصلية كتبت بواسطة ابوحمد2011    الله يعينا على هالبرد يا نسيم امس الماء مثلج في الشمال قبل لينا بشوي وكنت هناك وعلى طاري خربوه الكشاته رحت لم روضه كانت اجمل الريضان قبل الاجازه والحين صارت اوسخ الريضان بعد الاجازه وما يدخاها الا المعاقب راح انزل موضوع الليله اوباكر عن هذيك الجهه تحياتي لك يا مقدم نشره منتدى تمير

اذكر مرة يابوحمد من مدة طويلة عبينا التوانك ماء من تربه واتجهنا الي لينه اول مابدوا يمهدون الطريق الى لينه تربه .المهم الما اللي عبيناه حار والله الذي لا اله غيره ان الماء يجمد واحنا ناظر فيه جليد شىء خيالي .
فا اخوي ابوحمد انصحك ونفسي وش اللي يحدنا على البعد والله ماتلقى بزين من (تمير )وربيعها رح وتغد وتعش وعود للدفء وهكذا اسمع كلام مجرب شف هالكشاته اللي يجونا يستاجرون عندنا عشان ربيعنا وحنا نبعد .عندنا الدهنا رمل وحطب تبي غبار وقلة حياء ومطبات وجروف عليك بعطي الله الشوكي .تبي منزال الترف والخضرة والريح الزين مفيض مليح على كيف كيفك مفيض ابوركبة العتش لين تاصل التنهات
بس لاتعلم اهل الرياض .
يارجال نزل الصور كلها خربانه خربانه خل اهل الرياض يخربون على اهل لينه.

مشكور ابوحمد اي على فكرة منتصف الاسبوع الجاي مطر بمشيئة الله على الشمال.

تحياتي نسسسسسسسيم