نطالب البلديه بترميم رجم تمير..!!

والله مدري وين شايفة الرجم هذا
>>>>>>> تفكر
والله حرام يروح وتكون نهايتة الانهيار
ماتخلي القصائد القديمة من ذكر الرجم ووقوف الشعراء
مثل وقوفهم علي الاطلال

عرفت وين شفت الرجم

اتوقع اهو اللي في الصورة في المنتدي

بما أن الأرض التي عليها الرجم كما ذكر أخي ( مخاوي تمير)
مملوكه ..وليست للبلديه صلاحيات بالتدخل ..
فالأولى من أصحاب هذه الأرض التبرع بترميمه أو فتح المجال للبلديه
بما تراه مناسبا ..
وأي تدخل من البلديه دون موافقة اصحاب الأرض ..ربما يغضب الملاك
ويقومون بإزالته ..!!!
بس بيني وبينكم اللي يشوف الرجم ويركز فيه ..
تحس انه مال من هالدنيا وانه ينهار ابرك له من وجوده في ديره ماتقدر
تاريخه واصالته وصبره ..!!!

سوف يتم مخاطبة الملاك بشان الرجم وان شاء الله ما راح يصير الا كل خير

طيب يروح الرجم هباء كذا
الان موجود ليش ما شالوه اذا هو مو على ارض حكوميه يعني الرجم ماراح يشال نهائيا حتى لو الارض لواحد من تمير المفروض صاحب الارض انه يعطيهم اذن يرممونه وخلاص اهم شي ما يروح هالمعلم المعروف

أخوي أبو أثير

من الان أعلمك ما راح يصير شي !!!!

ومثل ما قال الراكد ما ألتفتوا للي في الارض يناظرون

اللي في السما ...

ماقول الا الله يعين راح الرجم فيها وبس
راحت المعالم وراحت الاشياء الثمينه على اهل تمير

الله يعيييييييييييييييييييييييييييين

يارجم ياللي غزاك الكبر والشيبي @@ انا اشهد انك كبرت وحالتك غبرا
عزيل حالك غريب وبين اجانيبي @@ واهلك تحت الثرى يا مخاوي القمرا

لا لا فكنا من البلدية وشغلها , لا تجيه ولا تقربه والله كان تشوفه املس احلس
خله على شغله احسن ولو يبون يسون خير يحطون شبك عليه وطريق للزوار
ولوحة يكتبون فيها تاريخه والغرض منه وجزاهم خير كان تشوف السياح كب عليه يصورون ويتفرجون خصوصا هالخواجات .
مشكور اخوي ابو اثير .

اقتباس: المشاركة الأصلية كتبت بواسطة قلب الاسد    بما أن الأرض التي عليها الرجم كما ذكر أخي ( مخاوي تمير) مملوكه ..وليست للبلديه صلاحيات بالتدخل .. فالأولى من أصحاب هذه الأرض التبرع بترميمه أو فتح المجال للبلديه بما تراه مناسبا .. وأي تدخل من البلديه دون موافقة اصحاب الأرض ..ربما يغضب الملاك ويقومون بإزالته ..!!!

اضم صوتي الى اصواتكم وبلاخص مع اخوي (قلب الاسد) بانه لابد من البلديه ان تستذن صاحب الارض بالمنطقه المحدوده بالرجم فقط وترميمه وانارته بحيث لا يتضرر صاحب الارض 0000

مشكور اخوي على حرصك

صحيح الرجم بدا عليه التهالك لازم نخبر البلديه او رفع خطاب بذلك


تحياااااااااااااااااااتي