كثرة اللوحات في تمير .. وش الداعي ؟؟؟

اقتباس: المشاركة الأصلية كتبت بواسطة انت محبوبي    مشكوررررررررررررررررررررررررررررررررررر اخوي على الموضوع بس وجه نظري يمكن يخافون الناس القادمة للزيارة المنطقة ما يدلون فيها بسبب التطور الذي تشاهده ؟؟؟؟؟؟؟؟؟؟؟؟؟؟؟؟؟؟؟؟؟؟ ما اقول الا الحمد لله على العقل

هلا انت محبوبي اشكرك على هالرد والمشاركه , لكن اخر سطر مدري وش تقصد فيه ؟ ان شاءالله بس مهوب انا .
بارك الله فيك

اقتباس: المشاركة الأصلية كتبت بواسطة الطيار    ايش شارع ( التجغيف ) حلوه ذي

هلا بالاخ الطيار
اشكرك على المرور والشرطه هههههه اتقشمر معك
خلها على ربك من كثر اللوحات قضت الاسامي
بارك الله فيك

اقتباس: المشاركة الأصلية كتبت بواسطة عبودي 24    انا معك اخوي فيما ذكرت لوحات منتشرة بشكل مزعج وغريب شي يفشل .. وكنهم اللي ما صدقوا خبر يحطونها اما عن شارع ( التجغيف ) ... اسم غريب لكن ارجع لاصل هذه الكلمه في اللغه العربيه وتعرف معناها الاكيد انهم ما بيحطون اسم كذا بدون ما يكون له معنى ربما الكثير يجهله ... اختيار اسماء مألوفه للناس وسهله افضل لكن انا اشوف انه من كثرة هاللوحات ما عاد لقوا اسم القادم نبي نلقى اسماء اهل تمير في لوحات !!!! لك شكري اخوي

مشكوووور على مرورك اخ عبودي وصح لسانك عز الله صدقت شكل اللوحات اصبح مزعج من كثرتها , لكن التجغيف حتى لو كان لها معنى , الافضل ما تكتب اسم شارع !
بارك الله فيك

اقتباس: المشاركة الأصلية كتبت بواسطة هادي    بالنسبه للمسميات الغريبه فهي لاماكن معروفه في تمير اما لشعيب او روضة او ضلع انا معك ان بعض الاسماء ماهي جميلة وكان الواجب عدم ذكرها لكن عاد هذا اللي صار وفيه مذكرة مقدمها المجلس البلدي بهذا الخصوص سلام

انا معك الاسامي معروفه وكلها اسامي شعبان و اودية مع العلم اني ما استسغت اشوف اسم شارعنا اسم شعيب اشهب الهب !
المفروض اكتفوا باسماء الصحابه رضي الله عنهم .

وبعدين المجلس البلدي ما شفنا منه شي ليومك هذا كل فترة اجتماع في اجتماع ولا شفنا شي على ارض الواقع
بارك الله فيك

للاسف انه فعلا لا يوجد قناعه تمامه بالاسماء ؛ فبعضها جميل كأسم لكنه ليس في المكان المناسب ؛ و بعضها لا الاسم مقبول و لا المكان مناسب

يعطيك العافيه اخوي بلوتوث على الطرح الرائع

تحياتي

اقتباس: المشاركة الأصلية كتبت بواسطة الدنيا عجايب    بالنسبه لمسميات الشوارع اخوي هذاء مفيد لنا القادمين من خاااااارج المدينه واعتقد بان هذه المسميات اذا كنتم ياهل المدينه تعرفون شوارعها فان هنااااااااك اناس مثلنا لايعرفون اسماء الشوارع بداخل المدينه فهذاء من التطور الحاصل بالمنطقه ونشكر القائمين على ذلك واشكر لك حرصك الشديد لطرحك مثل هذه المواضيع التي تتحدث عن التطور في المدينه ؟؟ وتقبل مروري هذاء؟؟؟؟؟

مشكووور على مرورك الكريم اخي الدنيا عجايب , المشكلة في كثرتها بشكل مبالغ فيه ! ولو اكتفوا بالشوارع الرئيسية كان أفضل , بارك الله فيك ,,,,,

اقتباس: المشاركة الأصلية كتبت بواسطة المتحـ2007ـد    المفروض كتبوا بدل ماهو شارع فلان في كل الحي يكتبون حي فلان في اربع شوارع رائسيه بكذا يوفرون على الدوله مبالغ ويستفيدون منها ... بالنسبه لشارع التجغيف المفروض اخوي هادي عارف وش معناه لانه شعيب معروف في تميريه منذ القيدم

مشكووور على مرورك يالمتحد , اتفق معك المفروض اللوحات على الشوراع الرئيسية فقط او الاحياء فقط .
وبالنسبة لشارع التجغيف اول مره اسمع انه اسم شعيب ! وراح اتاكد من المعلومة , مشكور وبارك الله فيك ,,,,,

مشكور يالغالي على الموضوع الرائع .....
بصراحة الواحد مايدري وش يقول عقب اللي يشوفه
حارتنا شارعها عدد اللوحات فيه والله اعلم خمس لوحات
ولا تدري وش المراد منها ، غير كذا اسماء غريبة ايضا لايعرف
مالمراد بها ، شارع العام اللي عند القصابين وانت رايح عشيرة حاطين
شارع الملك فيصل مادري خالد وهو 500 متر او اقل شي عجيب بصراحة
غير كذا حاطين عمدان للوحات التي في وسط البرحات وش معناها بعد هاذي
الواحد يترقب ويشوف وش بتصير نهايتها الله المستعان والله مالقوا شغل ابد

اقتباس: المشاركة الأصلية كتبت بواسطة Bluetooth    هلا انت محبوبي اشكرك على هالرد والمشاركه , لكن اخر سطر مدري وش تقصد فيه ؟ ان شاءالله بس مهوب انا . بارك الله فيك

وش دعوة اخوي
انا اقصد اللي حاط اللوحات وباز بها في تمير

ولو حطها في شي غيرة كان اصرف

الأخوان في البلدية أجتهدو ويستحقون الشكر على جهودهم ..لكن هذا ما يمنع أن نطرح رأينا في الموضوع بكل شفافية ..

أتفق مع الأخوان أن هناك مبالغة وكثافة في وضع اللوحات الأرشادية ..بشكل غير معقول ..!!

فعندما يأتي الزائر ويشاهد هذه اللوحات بهذا الشكل يخيل له أنه في
(( بكين )) وليس في (( تمير )) ..!!

شارع 200 متر تجد فيه 4 – 5 لوحات ومسميات للشارع وللحي !! لماذا كل هذا ؟؟

حتى المسميات لا يوجد تناسق في وضعها ...تخيل مثلا" عندما تصف منزلك لشخص ما ...(( شارع عمر بن الخطاب تقاطع أم الارشه )) ..!!!

الغريب والعجيب في الموضوع ..أن جهاز حكومي مثل البلدية مبنى كبير و واضح وعلى شارع عام ومع ذلك لا تخلو لوحة من ذكر البلدية وموقع مقرها ..!!!
وفي المقابل دائرة مثل شركة الكهرباء لا يوجد ما يدل على موقعها !!!

عموما" لا يخلو أي عمل من الأخطاء وهذا شي وارد ..ومثل ما هناك أخطاء أيضا".. هناك نجاح وتميز .

تحياتي وتقديري ..