مطلوووب كتب واشرطه دينيه

يا اخي انت تبي تسوي خير او تبي تدور وراي ... تراي اقول اجمع كتب مهوب فلوس على شان تسال كل هذي الاسئله جزاك الله خير عندك كتب قل عندي ما عندك كتب قل ما عندي

وش فيك زعلت طيب ؟!!

عندي كتب وعندي اشرطه وابي اوصلها بنفسي للجهة الرسمية الي تقول
انا ما اعرفك ولا اعرف صندوقك , هو عمل الخير ما يصير الا عن طريقك !

عطنا اسم الجهة الرسمية وخل الخير يعم على الجميع

أنتظر ردك .

جزاك الله خير أخوي الغالي المتحد وكثر الله من أمثالك

وجعل الله في ميزان حسناتك ...جزاك الله خير

يعطيك العافية اخوى المتــحد دائمآ سباق بفعل الخير جعل اللة عملك لوجة اللة سبحانة وتعالى

يعيطك العافية اخوي ابو حمد ...وانا عندي كم كتيب وشريط أن شاءالله اشوف طريقة اوصلها ..للصندوق بس لا يكون فيه ضبان ولا ورره

واذكر اسم الجهة الحكومية وش انت خايف منه ؟؟ اعرفك (( شجاع ))


تحياتي وتقديري ..

و

يـــا الـمتـحــــــــ2007ـــــــد

وفقك الله لما يحب ويرضى ولما فيه الخير والصلاح على هذه المشاركة اثابك الله وجزاك بالأحسان والتوفيق واسأل الله أن يجعلها في ميزان أعمالك

ليش الخوف يا اخوان ترى الدعوة كتب ما هي فلوس
وخبرتي ان الممنوع هي جمع الاموال بدون تصريح اما جمع الكتب ما فيه باس واتوقع المتحد يبيها بصفة شخصية وعمل مثل هذا ما يحتاج جهة حكومية او رسمية والدعوة بسيطة وعلى الرغبة وبامكانكم رفع الموضوع للجمعية عشان تكون الفكرة تحت اشراف جهة معينه ومعروفة للجميع
انــــــــــــــــــــــــا ارى ذلك وانتم وش رايكم

اقتباس: المشاركة الأصلية كتبت بواسطة من الامراء    ليش الخوف يا اخوان ترى الدعوة كتب ما هي فلوس وخبرتي ان الممنوع هي جمع الاموال بدون تصريح اما جمع الكتب ما فيه باس واتوقع المتحد يبيها بصفة شخصية وعمل مثل هذا ما يحتاج جهة حكومية او رسمية والدعوة بسيطة وعلى الرغبة وبامكانكم رفع الموضوع للجمعية عشان تكون الفكرة تحت اشراف جهة معينه ومعروفة للجميع انــــــــــــــــــــــــا ارى ذلك وانتم وش رايكم

أسمح لي أخي الغالي من الأمراء , فيه كتب وأشرطة ( تغسل الفكر ) بعد
وهذه منعها أشد من الفلوس .
الفكرة حلوة وممتازة وبادرة يشكر عليها اخونا المتحد , لكن ماهو كل عضو يعرفه ! ومدام أنه يقول عن طريق جهة رسمية عطونا أسمها خلونا نرسل لها مالدينا من كتب واشرطة عشان تكون الفائدة اكبر .
وجزاكم الله كل خير

اخوي بلتوث اذا كان عندك كتب تغسل المخ محنا محتاجين لها نبغى كتب دينيه عن كيفية الصلاه عن رمضان عن الحج عن الاذكار اليوميه ومن هذه الكتب المفيده والدعوه ما فيها ارهاب ولا غسيل مخ الله يهاديك بس

صدق اخوي المتحد الطلب في الخارج على كتب العقيدة (كتاب التوحيد/ كشف الشبهات/الاصول الثلاثة) لمحمد بن عبدالوهاب
(الملخص الفقهي) صالح الفوزان
(تفسير ابن سعدي)
هل هذه تغسل الفكر يا بلوتوث
قل خيرا او اصمت لا تثبط همم المسلمين