زاوية الشاعر الكبير / فهد المفرج تحديث مستمراَ

جديد الشاعر فهد المفرج قصيدة بمناسبة العيد السعيد اعادة الله علينا بالايمن والمسرات.
اترككم مع القصيدة :ـ
قل عيدك مبارك ترى الليله العيد
عيد الفطر ماهوب عيد الضحيـه
وش ينبغى بالعيد مادامـك بعيـد
وش ينبغى به وانت زعل ٍ عليـه
حب العرب ينقص وحبي لك يزيد
حبك صواب وحب غيرك خطيـه
اسهر الى نامت عيون الاجاويـد
مير الله اقوى ياالعيـون الشقيـه
لاتحسب اني سالي ٍ يااتلع الجيـد
تطري عليه كل صبـح وعشيـه
وحياة رفاع السما مـروي البيـد
انـي عليـل وعلتـي باطنـيـه
ذبحتني ياحـول يافاتـن الغيـد
اثرك خـوي ٍ مايراعـي خويـه
لولاي اداري الهرج وادرا المناقيد
من خوفتي لايكثر الهـرج فيـه
لانهبك في غفلة عيون الحواسيـد
واسكن انا واياك بارض ٍ خليـه
تبي الصراحه ياصدوق المواعيد
الحال من عقبـك تراهـا رديـه
عز الله انك ظبي من شرّد الصيد
واتعبت سادة قنـص وبوارديـه
لايامهددنـي بالابعـاد تهـديـد
يكفي التفاته منك تحسـب هديـه
بالله عايدني تـرى الليلـه العيـد
عيد الفطر ماهوب عيد الضحيـه
ترى الليلة العيد.
هاوي الصوتيات / مخاوي سدير.

والله زمان كان في منتدى بس فقدنا صدوق المخايل الذي ابداع في العرضه

صح لسانه باابومشهور

مشكور اخوي مغاط جابر على المرور الغالي ولك تحياتي .

هاوي الصوتيات .

السلام عليكم ورحمة الله وبركاته

امانه ترى اللي في كافيني قصيدة جميلة للشاعر / فهد المفرج لا اطيل عليكم

اتررككم مع القصيدة :ـ

اضغط هنا....

كان معكم / هاوي الصوتيات.

السلام عليكم ورحمة الله وبركاته

هذة قصيدة للشاعر الكبير / ابو مشهور اتركككم مع القصيدة القاء / فهد المفرج.

ياهيه والفنا الكرى والمخده ...قصيدة القاء لفهد المفرج

هاوي الصوتيات .