شاب سعودي يدعوا للإسلام بطريقة حضارية و ينال إعجاب رواد الكيك

اقتباس: المشاركة الأصلية كتبت بواسطة الكاريبي    تصدقين من ساعيتن تقريبا اسأل واحد اقوله وش الكيك؟والله العظيم هذا اللي حاصل ! تكلم عنه وقال نصيحة مالك وماله !وانا في نفسي ابعرف مصطلح الكيك اللي له يومين اسمع به هنا في المنتدى ،وخصوصا هذا الموضوع ، الفريان نقول جزاك الله ،لكن اللي قاعد تسويه اضاعة للوقت ،والوقت له ثمن ،حتى المظهر اللي هو طالع به غير لائق ومقبول للدعوة ،راكب مع صديقك وقاعد تميدح ! واقف في مقبرة ،! المشاهدين خمسة مليون والنتيجة ؟ تبي تعرفين الدعوة الصحيحة والواقعية والحسية والانتاج ! الشيخ الدكتور عبدالرحمن السميط رحمة الله عليه ،رجل بأمة ،رجل وهب نفسه وماله للدعوة الى الله ،اسلم على يده عشره مليون نسمه في القارة الافريقية !العشرة مليون نسمه كم يخرج من اصلابهم من مليون مسلمين !!! وكل اجر هؤلأ للدكتور عبدالرحمن السميط ! علما انه كان مريض !!

كلآم جميل لكن انا مختلفه معك نوعآ مآ ..
الكيك تطرقنا عنه في موضوع فتآة الكيك شكلك ناسي الموضوع ..!!
وهذآ الرجآل الله يجزآه خير يدعو بطريقه حضآريه ومكلف نفسه وبـ آلآخير تقول يتميدح وآضآعة الوقت
وانت الحين حكمت عليه بالمظهر وانما الاعمال بالنيآت .. وكل جيل يختلف عن الآخر بطريقة الدعوه للاسلام .. وش جاب الشيخ رحمه الله لـ هذا وهو توه في بداياته
وتعرف من هم روآد الكيك اللي اعجبوا بدعوته العرب والاجانب .. يعني اغلبهم ماعندهم خلفيه عن الدين الاسلامي ..
وكل واحد وطريقته بالدعوه هذا دعوته حضاريه شاف ان اغلب مستخدمي الكيك تطغي عليهم السلبيه في استخدامه والله يجزاه خير حاول وبطريقته ايصال صوته لجميع الدول عن طريق الكيك
واول مره يمر علي ان فيه واحد يستخدم الكيك للدعوه الى الاسلام ..

اقتباس: واقف في مقبرة ،!

وش فيها اذا وقف عند المقبره هذا من باب العظه والعبره
وشلون تبي الواحد يتعظ اكثر ..!
فيه قصة القسيس النصراني عندما اسلم لما شاف جنازه الملك فهد رحمه الله ونطق الشهادتين، وذلك نظراً لبساطة تشييع الجنازه ..
شكرا ع حضورك ومداخلتك

واقف لي في مقبرة وتقول شف القبر !اما روضة من رياض الجنة والا عذاب !
وش الجديد ؟والطريقة الحضارية والاسلوب الجديد اللي ابتدعه الاخ هذا؟
اجل واقف ،السلام عليكم !!!!
ابعرف وش خذت منه ؟؟؟؟؟؟؟؟؟؟
انت سهران !خذ لك ركعة وتر،ثم يقول (يا الله )!!!!!!
وتقولين توه في مقتبل العمر !هذا ماهوب لاعب والا فنان كل مايتقدم به السن يتطور عطاءه ،لو يشوف له طريقة ثانية يكون افضل !
انا ما قول في نيته شي وان شاء الله انه جايب جهد لكن المفروض ينصحونه ان اللي قاعد يسويه غير مقبول ،والمشاهدات ليست دليل قبول واتباع !
الدكتور عبدالرحمن السميط له اكثر من ثلاثين سنة وهو في القارة الافريقية يدعوا ،ومرض واستمر ،واجه اخطار واستمر !رجل فعل ماتكلم !اذا الاخ صامل للدعوة وهو توه نشيط وصغير يسوي مثل عبدالرحمن السميط !
للمعلومية السميط فرغ نفسه للدعوة وهو كبره !اخذ مليون ريال جائزة الملك فيصل وانفقها في سبيل الدعوة ما اخذ منها هللة واحده،
ذكري للسميط نموذج فقط
يا ناس الدعوة ماهيب تسدح ومقابل جهاز ،
ترى للمعلومية شفت مقطعين وصكيته على طول !

اقتباس: المشاركة الأصلية كتبت بواسطة الكاريبي    واقف لي في مقبرة وتقول شف القبر !اما روضة من رياض الجنة والا عذاب ! وش الجديد ؟والطريقة الحضارية والاسلوب الجديد اللي ابتدعه الاخ هذا؟ اجل واقف ،السلام عليكم !!!! ابعرف وش خذت منه ؟؟؟؟؟؟؟؟؟؟ انت سهران !خذ لك ركعة وتر،ثم يقول (يا الله )!!!!!! وتقولين توه في مقتبل العمر !هذا ماهوب لاعب والا فنان كل مايتقدم به السن يتطور عطاءه ،لو يشوف له طريقة ثانية يكون افضل ! انا ما قول في نيته شي وان شاء الله انه جايب جهد لكن المفروض ينصحونه ان اللي قاعد يسويه غير مقبول ،والمشاهدات ليست دليل قبول واتباع ! الدكتور عبدالرحمن السميط له اكثر من ثلاثين سنة وهو في القارة الافريقية يدعوا ،ومرض واستمر ،واجه اخطار واستمر !رجل فعل ماتكلم !اذا الاخ صامل للدعوة وهو توه نشيط وصغير يسوي مثل عبدالرحمن السميط ! للمعلومية السميط فرغ نفسه للدعوة وهو كبره !اخذ مليون ريال جائزة الملك فيصل وانفقها في سبيل الدعوة ما اخذ منها هللة واحده، ذكري للسميط نموذج فقط يا ناس الدعوة ماهيب تسدح ومقابل جهاز ، ترى للمعلومية شفت مقطعين وصكيته على طول !

انا عارفه ماراح تقتنع لو نكتب لبكره بس بسوي اللي علي لاني مقتنعه بشغله ..
الدعوه للاسلآم تختلف عن السآبق اصبحت الان عن طريق النت وانت جالس تقهوى ترسل للمنتديات والمواقع والقروبات الأجنبيه وتدعوهم للاسلام واحتسب الأجر عند الله
والحمدلله انه يستخدم الكيك في الخير مو مثل البعض في السخافات وقلة الحياء ..!
وان شاء الله يكون له مستقبل في الدعوه الى الله و كل شي بعلم الغيب ..
والله لو فكرت كلنا مقصرين من ناحية الدعوه للاسلام كم من واحد مايعرف معنى الاسلام من خدم وغيرهم الكثيير ..
يقول رسول صلى الله عليه وسلم : ادعهم إلى الإسلام وأخبرهم بما يجب عليهم من حق الله تعالى فيه، فوالله لأن يهدي الله بك رجلاً واحداً خير لك من حمر النعم ..

يعني اقتنع بالقوة ،بالنار والحديد!
جيبوا شي يقنع ونقتنع لكن غصب مانيب مقتنع ابد !
الظاهر ان الفريان يبي يسوي مثل ذاك المصر عمر خالد الداعية !
اقول الله يوفقه منبسط على عدد المشاهدات ،ليته يتفرغ لدراسته ،وان كانه صامل على الدعوة يقرأ عن عبدالرحمن السميط!
على فكرة ترى السميط دكتور باطنية وخذ فترة يناظر في شكله ويقول الله يرحمه انا شكلي ماهوب شكل دكتور ،وتفرغ للدعوة الله يرحمه وكل مسلم

شكرا الراقية على الموضوع الرائع

اقتباس: المشاركة الأصلية كتبت بواسطة الكاريبي    يعني اقتنع بالقوة ،بالنار والحديد! جيبوا شي يقنع ونقتنع لكن غصب مانيب مقتنع ابد ! الظاهر ان الفريان يبي يسوي مثل ذاك المصر عمر خالد الداعية ! اقول الله يوفقه منبسط على عدد المشاهدات ،ليته يتفرغ لدراسته ،وان كانه صامل على الدعوة يقرأ عن عبدالرحمن السميط! على فكرة ترى السميط دكتور باطنية وخذ فترة يناظر في شكله ويقول الله يرحمه انا شكلي ماهوب شكل دكتور ،وتفرغ للدعوة الله يرحمه وكل مسلم شكرا الراقية على الموضوع الرائع

ايه لازم تقتنع وبالقوه ..!
تدري ان البعض يحطون ستيكرز ( ملصقات ) على سياراتهم للتعريف بالاسلام فما بالك بهذآ الشاب اللي يدعو عن طريق الكيك ..
وش عليك بعدد مشاهداته او لبسه الحمدلله لبسه ساتر ومافيه شي
المهم خلنا في اساس الموضوع ..!
اهم شي كيف تجذب المشاهد لك وبأسلوبه وبطريقته نجح من الناحيه هذي .. اهم شي تحقيق الهدف والحمدلله هدفه نشر الدعوه وتحققت بفضل من الله ..

اقتباس: المشاركة الأصلية كتبت بواسطة الراقيه    ايه لازم تقتنع وبالقوه ..! تدري ان البعض يحطون ستيكرز ( ملصقات ) على سياراتهم للتعريف بالاسلام فما بالك بهذآ الشاب اللي يدعو عن طريق الكيك .. وش عليك بعدد مشاهداته او لبسه الحمدلله لبسه ساتر ومافيه شي المهم خلنا في اساس الموضوع ..! اهم شي كيف تجذب المشاهد لك وبأسلوبه وبطريقته نجح من الناحيه هذي .. اهم شي تحقيق الهدف والحمدلله هدفه نشر الدعوه وتحققت بفضل من الله ..

بالقوة ابقتنع ،حيل الله اقوى ،
بس ودي اشوف شي يقنع ،عجزت والله،
وفكرت فيه ،وفكرت كثير وحاولت ،وقلت لو يخلي عنه العبث ويبحث عن طريقة افضل ،يشوف حاله فيها ،!
يالراقية احمد ديدات وهو احمد ديدات جلس سنين وهو يقارع القساوسة والنصارى بلادلة القاطعة وعجز عنهم تبين هذا بين يوم وليلة ينشر الاسلام بالكلام اللي قاعدين نسمعه !
قال ايش قال (السلام عليكم)هذا المسجد !هذي المقبرة !
اقول خليه يوسع صدره هماه جايزله ،
وبعدين عطينا نتائج عمله ؟خل نشوف !
وش يقرب له الفريان اللي دايم يظهر في الصور؟؟؟؟؟؟؟؟

اقتباس: المشاركة الأصلية كتبت بواسطة الكاريبي    بالقوة ابقتنع ،حيل الله اقوى ، بس ودي اشوف شي يقنع ،عجزت والله، وفكرت فيه ،وفكرت كثير وحاولت ،وقلت لو يخلي عنه العبث ويبحث عن طريقة افضل ،يشوف حاله فيها ،! يالراقية احمد ديدات وهو احمد ديدات جلس سنين وهو يقارع القساوسة والنصارى بلادلة القاطعة وعجز عنهم تبين هذا بين يوم وليلة ينشر الاسلام بالكلام اللي قاعدين نسمعه ! قال ايش قال (السلام عليكم)هذا المسجد !هذي المقبرة ! اقول خليه يوسع صدره هماه جايزله ، وبعدين عطينا نتائج عمله ؟خل نشوف ! وش يقرب له الفريان اللي دايم يظهر في الصور؟؟؟؟؟؟؟؟

مادام مااقتنعت من الاول كيف بتقتنع من الاخر
نتائج عمله اللي شفته مايحتاج نعيد ونكرر
الفريان والله مدري عنه ليش انت تعرف شي عنه
غريبه قارنت بينهم ..!!

اقتباس: المشاركة الأصلية كتبت بواسطة الراقيه    مادام مااقتنعت من الاول كيف بتقتنع من الاخر نتائج عمله اللي شفته مايحتاج نعيد ونكرر الفريان والله مدري عنه ليش انت تعرف شي عنه غريبه قارنت بينهم ..!!

لا والله ماعرفه الله يستر علينا وعليه ويوفقه ،

لكن انا ابديت اللي في خاطري والحمدلله !!!
شكرا الراقية على سعة الصدر والمواضيع الطيبة ،حقيقة مواضيعك لها روح ،خصوصا حبك لمواضيعك ومتابعتها وهذا تميز فيك ،

وفقك الله

اقتباس: المشاركة الأصلية كتبت بواسطة الكاريبي    لا والله ماعرفه الله يستر علينا وعليه ويوفقه ، لكن انا ابديت اللي في خاطري والحمدلله !!! شكرا الراقية على سعة الصدر والمواضيع الطيبة ،حقيقة مواضيعك لها روح ،خصوصا حبك لمواضيعك ومتابعتها وهذا تميز فيك ، وفقك الله

حياك الله
والاختلاف في الرأي لا يفسد للود قضية ..
شاكره لك ولمداخلاتك الاكثر من رائعه وسعة صدرك ..

اقتباس: المشاركة الأصلية كتبت بواسطة لميس    الله يكثر من امثاله يارب مششكورة يالغلا ع الخبر

آمين
شكرا لك ولحضورك