الطلاب ونظافه المدارس

انا معكم بس مافيه شي الواحد يعلم الاطفال النظافه بس بدون كلوركس

طيب النظافه من الايمان ويشيلون اوساخهم بس وش هي اوساخهم قراطيس وعلب حليب وعصير بس الغبار مو مسؤلين ينظفونه وليه كلوركس والنظافه شي شخصي و كلهم يجون للمدرسه نظيفين والعمال والفراشات على ايش ياخذون رواتب زيادة عماله





اشكركم عالتفاعل

والله احنا مارحنا ننظف المدرسه احنا رايحين نتعلم ما نظفنا بيوتنا فننظف المدرسه
اجل ليش في شي في المدرسه اسمها فراشه بس كذا على الفاضي

اقتباس: المشاركة الأصلية كتبت بواسطة وافي تمير    ياأخي هذا يدل على تربية المدرسه لهم بعد تربية الاهل وزارة التربيه والتعليم التربيه قدموها قبل التعليم يعني يربون الولد قبل تعليمه والمدرسه تعودهم على التنظيف والنشاط وعدم الخمول والكسل الحين في مدرسة المعجل في الحوطه اتحداك تحصل طلاب يذب عصير الربيع في الساحه اذا خلص منه يذبه في برميل النفايات وهذا يدل على صحوة عقول المعلمين في مدرسة المعجل. انا اتمنى ان يطبق نظام مدرسة المعجل على مدارس المملكه كلها. احترامي وتقديري لك وللجميع

وافي تمير بعد التحيه اوافقك الرأي بحدود
كررت مدرسة المعجل والمعجل المشكله مو في علبة عصير ربيع او سنتوب
المشكله ان الطالب او الطالبه يذهبون للمدرسه بالصباح بملابس جديده او نظيفه للذهاب لتعلم العلم برقي
واسلوب حسن ويعرفون دينهم وواجبهم ولكن لم يذهبوا ليتعلموا كيف ينظفون الطاولات من الغبار ويستخدممون الكلوركس
ويوسخون ملابسهم وفيه عماله متخصصه للذالك المدرسه تعلمهم ان النظافه من الايمان ولايجوز رمي المخلفات
ويعلمونهم ان اماطة الاذى عن الطريق صدقه ولكن مو من اول مايجون يدخلون الفصول ع الصبح ولان المتخصصون بالتنظيف
مشغولون بتنظيف مكاتب الاداره يجي المعلم او المعلمه ويخلون الاطفال اوالطلبه ينظفون الغبار ويمسحون بكلوركس
هذا تعذيب مو تعليم قد يكون أحدهم فيه ربوا ويكتم عليهم او مايتحمل ريحة المطهرات يجب على المعلم او المعلمه
ان يكونون قدوه حسنه بطريقة التعليم بالنصح والارشاد والتوجيه الاحسن وتعليم فضل النظافه ..
وبعض مدارس البنين طريقة تعليمهم مو بمسح الطاولات بل ياخذونهم للمساجد ويجعلونهم ينظفونها يعلمونهم
ان تنظيف بيوت الله والاهتمام بها فيها اجر عظيم يسون لهم دورات بالاماكن العامه بالصحراء لرفع المعلبات والاكياس
وانا وغيري لااتوقع ان مدرسة المعجل اللي بالحوطه يخلون الطلاب ينظفون الغبار ويمسحون الطاولات سواء بكلوركس اوغيره
يعلمونهم عدم رمي علب العصير والاكياس بالفصل او بالساحه .
والله من ورآء القصد وانا ولي أمر مستحيل أجعل إبني يقوم بمثل هذه الاعمال وهو بسن الطفوله سواء في بيتي او بالمدرسه
والله يصلح حالنا وحال ابنائنا والله يهدي معلمينا ومعلماتنا للصواب والصلاح
وكان الله في عونهم فهم يتحملون مسؤلية عظمى يخرجون جيل ورى جيل والله يجعله جيل صلاح مثقف بالدين والعلم والتربية الحسنة
واشكر صاحبة الموضوع ليت حزني مجرد دمع على النقطه المهمه ودمتم بخير

بسم الله الرحمن الرحيم
شكرآ لكٍ ع أهتمآمك وكتآبة آلموضوع ..
للآسف هذآ شيء جدآ خآطئ , ومو من آلتربيه يخلون طفل بأول إبتدآئي يمسك كلوركس .
آلكلوركس مضر لهم :)
وآلصحه آهم من هآلتربيه اللي فيهآ ضرر على الاطفال :)
نحتآج في مدآرسنآ لآهتمآم بالنظآفه
صحيح الطآلب مسؤول عن نظافة فصله وانه مايرمي مخلفاته في الارض
لكن الغبار الطلاب مو مسؤولين انهم يمسكون لي ويغسلون المدرسه !!
مفروض يكون فيه فريق عمل متخصص لنظافه المدارس
للآسف مدرستي بتمير تعآني من الغبار وحمآمات تشبه حمامات محطات روائح نشمها من بعيد :)
ولآفي الا فراشه وحده ( مخصصه لكنس غرفه الاداره والمعلمات ومسح مكاتبهم )
وباقي المدرسه الشكوى لله :)
في صحراء :)

شكرآ لكم ..

حسبي الله علي من كان السبب في جعل بناتنا ينظفون طاولاتهم بصابون ولا وبعد في حمامات المدرسه عسي ماوظفناهم شغالات وياليت الامر كذا تجيني وريحتها صابون والمريول مبقع من الوساخه
المفروض يكون تشجيع من بداية السنه لاحسن طاوله نظيفه مو نجيبهم ونقول غسلوا والبلا اللي صدورهم تعبانه وش ذنبهم

آلله يعييين =(

الله يعطيك العافيه ع الموضوع
ان شاء الله صوتك مسموع