ونحن اين احتفالات العيد في تمير؟

عيبنا في تمير اعتمدنا على البلديه في كل شي
وهي ليست ملزمه باقامة اي مناسبه
ولكن الخلل في ابناء تمير وفرقتهم
فلم يعد لدينا مرجع في تمير كباقي المدن المجاوره
وكل سنه اردى من الي قبلها .

مدري أتذكر أني راد على موضوع يشبه هالموضوع !
يمكن أنه طار مع الباك أب الاخير ! , المهم ,
نرجع ونقول الديار اللي حولنا أغلب المتكفلين باحتفالاتهم
أهالي الديرة نفسهم وبمساعدة من البلدية ,
هنا الوضع يختلف .. فيه فئات من الناس ,
تطامر ليلها نهارها عشان مايكون فيه احتفالات !
و والاسباب مجهولة , يمكن مثل ماقال المتحد عنصريه !
أو مايبون ازعاج .. او عندهم نوع من " الغلو " بالدين ,
المهم .. ريح بالك ولا تحتري شيء .. و ضبط لك جدول
عشان تزور الاحتفالات بالديار اللي حولنا !

اقتباس: المشاركة الأصلية كتبت بواسطة النادر    عيبنا في تمير اعتمدنا على البلديه في كل شي وهي ليست ملزمه باقامة اي مناسبه ولكن الخلل في ابناء تمير وفرقتهم فلم يعد لدينا مرجع في تمير كباقي المدن المجاوره وكل سنه اردى من الي قبلها .

رد كافي ويختصر الكثير من التفكير لا املك الا ان اشكرك على صدقك مع نفسك قبل الاخرين لمصلحة بلدك

*** اخوي ( سمو الأمير ) / تمير لها قائد مخول من الأمير سلمان و لا أظنك تجهل أبو عبد العزيز

*** اخوي المتحد ( المتحد ) / نعم العنصرية هي التي ذبحتنا ، و كلماتك درر و رسالة لرجالات تمير


-------------------


*** بما أن أكثر العوائل بتمير مرتبطة بأعياد و احتفالات خاصة لها أول يوم فلا مانع أن يكون الاحتفال ثاني يوم ويكون بعيد عن إزعاج كبار السن و البيوت
ويكون بإشراف رئيس المركز وتجهيزات بلدية تمير و دعم رجالات تمير ، و مشكلتنا كل يغني على ليلاه و يبحث عن مصلحته

اقتباس: المشاركة الأصلية كتبت بواسطة الحقيقه    يا اخوك هذا في نظرك ومن تحليل بطنك ... انت شايف احد محقور .... او كل لاقط سيفه !!!!! الديره وحده واهل تمير اخوان ...

هذي نظرة الجميع واللي على راسه بطحاء يحسس عليها

واللي يرفع خشمه لابد له من يوم ويندق مهما طال الزمن او قصر

الديره وحده وصغيره كلنا عيال قرية وكلأ يعرف أخية

والعيد ينفع بلا حنه

يعني لازم هياط وعرض عضلات وانا الاقوى والاحسن وانا دافع اكثر

اللي يبي حفلة عيد يحط صندوق ويكون في ايادي امينه ويتبرعون فيه اهل تمير

كلهم ليش نعتمد على كبار الشخصيات ونشحذهم

لو كل شخص دفع 100 ريال لكفت لأقامة حفلات عديده بدون اللجوء الى احد

فكروا بعقل وابن ادم ما راح يعمر في الارض مرده يموت ويدفن

لو هذولاء الحسودين يسكتون كان تمير وبخير واحسن المدن


بس لما يتدخلون في شي مايخصهم في كل صغيره وكبير

تمير راح تضل زي ماهي ولا راح يتغير فيها شي

خلاص لمتى الحقد والحسد في قلوبهم

لانحس بطعم العيد ولا شي

"


آلمُشكلِة إن النآآآس اللي يتسببون بآلاشيآء هذي كمآ سميتموهم بـآلحسودين . هُم منآ وفينآ . يعني مو غربآء

وإذآ مآقدم آلشي اللي ينفع ديرته وآهلهآ . وآلوجآهه آمآم المدن المجاوره . مآفيه خيرْ . ولآ يستحقْ آن يؤمن على شي .

آنآ قِلتْ بالمَوضوع آلسآبق . آنو السنه هذي رآحت بخيرهآ وشرهآ كـ إقامة احتفال لعيد الفطر .. ومما سبق إلغاء المهرجان السنوي .

خَلونا نوصل صوتنآ للمختص فيما فعله المتسبب . ويالله ينفذ العام المقبل ان كنا من الحيين ..

((( ربعن تعآونوآ مآذلوآ )))



//

لو فيه مركز اماره قوي يجمع اهل الديره كان وصلت تمير الى مستوى احسن مماهي عليه الان
فلا احتفالات في العيد وهذي السنه لايوجد مهرجان صيفي
والبعض الاخر يقول تباهي وشوفه نفس سبحان الله لايزال تفكيرنا يرجع الى الورا والمدن والقراى المجاوره تفكيرها الى الامام

والله صدقت يا النادر كل سنه اردى من الثانيه يشققون الطبول ولا فيه تنسيق ولا نضام وحوووووووووسه الله من واحد يردح وتكرفع في طرف الزوليه وكل واحد راز خشته عند الكمره كنهم اول مره يشوفون كيمره ههههههههههه والله من الفضايح نشوفها في الكمره الي كندرته طايحه والي شما غه مايل مع الحماس كن داخله سكني

حنا وش نقول يالحريم نتعيد في بيوتنا انا باكبر وسادتي وبنام استغفر الله كل الا ستراحات ماخذينها اهلها مافيه مكان نروح له الله لنا والرجال يتشرطون احمدوا ربكم بس وعن النعفقه