ببغاء افريقي للبيع

الطير كم عمره
وهل هو يجعر ولا لا
وريشه كانه منتف روحه شوي

بالتوفيق

اسف ياجماعه على التاخير بالرد بس انشغلت مع رمضان مبارك عليكم الشهر جميعا الله يجعلنا من صوامه وقوامة ويتقبل منا ومنكم صالح الاعمال
ابو حمد ما سيم من قبل
صاحب المعالي
سومة طيبة من وجه طيب الطير سليم من الامراض ولله الحمد عيبه انه ماهو مدرب واذا تبي تشوفه رقمي بيوصلك على الخاص اتصل فيني ونتفاهم

والله مادري كم عمره بالضبط
ايه يجعر مثل ماقلت ماهو اليف بإمكانك تدربه
ايه منتف صدره لانه كان عند واحد الله يهديه مروعه بس الحين هدأ شوي وجعرته صارت اخف من اول وبدأ يستجيب لما احك راسه

طيب ابو عبد العزيز

عيونه فيها لوان اصفر على الابيض

والله عيونه اشوف انها طبيعيه والطير صار له فترة عندي ما لاحظت عليه اي شي حتى اكلة تمام
لاكن ممكن الصورة ما توضح عيونه تمام لانه تصوير جوال تقدر تشوفه على الطبيعة وتفحصه يالغالي
اذا تبي تشوفه راسلني على الخاص

اقتباس: المشاركة الأصلية كتبت بواسطة ẔṂŊ ĢǍṦě    كم تبي فيه من الاخر؟

مالي حد يالغالي السوم وصل 1000 وانا قريب ماراح نختلف باذن الله

وووين موقعك يا ابو عزوز

انا من تمير يا عزوز بس الحين خارج تمير اذا تبي تشوف الطير بكرة بكون موجود

اذا كانت العيون سوداء الي لون رمادي غامق يكون عمره من الشهر الى الست شهور
اذا كانت العيون من الرمادي الغامق الى رمادي فاتح يكون من ست شهور الى السنه
اذا كانت العيون لونها رمادي فاتح الى اللون الابيض يكون عمرة من سنه الى سنتين
اذا العيون لونها ابيض مائله للون الأصفر بيكون عمره حدود السنتين الي ثلاث سنين
اذا صارت العيون لونها اصفر يكون عمره من ثلاث سنين وفوق


موفق اخوي بالبيع بس حبيت أوضح العمر