كفايه زهق في الارواح يا عزوتي

لاحول ولا قوة إلا بالله
إلى متى يابلدية تمير والدوار على حاله ماتغير صار حوالي اكثر من سنه
يجب علينا عدم السكوت على هذا الوضع

اقتباس: المشاركة الأصلية كتبت بواسطة البرد الابيض    ماذبحناء الا قولة راح المتعهد. البلديه متوفاه دماغياً ومستعد للمناضره

طيب يالغالي ... حكم عقلك المتعهد هرب وخلاهم وش الحل ؟!؟!

استلام متعهد آخر يحتاج لعقود وشهور وإشكاليات كبرى .


أما بالنسبة لموت البلدية دماغياً فأظنه من إلقاء التهم جزافاً

و إلا ما تسمي الجهود اليومية المبذولة منهم كأكبر دائرة

حكومية تتحرك وتشتغل بتمير ، ولديها أخطاء وتستحق

النقد مثل غيرها ، لكن من الظلم لنفسك ولتمير ما تقوله عنها

تصدقون اوقف تقريبا ربع ساعه الى نصف ساعه عشان يفضي الدوار من السيارات
خخخخخخخخخخخخخخخخخخخخخخخخخخخخخخ

الحمد لله على سلآمة صاحب السيارة وبالنسبه للدوار ما رايح يزين وفيه ناس تمدح البلديه ورئيسها وش عليه مدري شوارع متحفره ودوار كبر الطشت وعجزو يكملونه مره يقولون شركة الكهرباء هي سبب التأخير ومره يقولون المقاول انحاش وين الدليل وين الأنذارات للمقاول من مراقب المشروع ؟ لكن الي يشوف البلدية العصر يقول مايلآم المراقب ما في البلدية سيارات ! مع ان الواقع كل سياراة البلدية ما تدخل البلدية الآ في الدوام ولا يعترفون بملكية البلدية للسيارات حيث انهم يزيلون الملصق لكي يتم التنقل بها في اي مكان واتمنا من مندوب البلدية التعقيب .!

@


آلحححمد لله عَ سلآمة رآعي آلحآدددث آليوم ..
وآحسسنَ آلله عزآ آلآهآلـي على بلديتهم . !

المسؤال عن الدوووار ارواح المواطنين ليست رخيصه ....كم من شخص كاد أن تفقده عائلته بسبب دوار الموت ..
.خافو الله بأنفسكم ..وأدو عملكم بأخلاص ...لأنكم سوف تحاسبون عليه..
الدوااااااااار اصبح كقضيه فلسطين لم يوجد له حل.

الدوار ما راح يشيلونه الا اذا صدم فيه ولد واحد من اهل البلديه ..... الله يحفظ الجميع .
اخوي بلال , نعم البلدية تشتغل وتسوي كل شي والدليل انها منورة شارع في قلايع وادرين عشان فيه استراحه واحد مسؤل , وتاركين حواري جديدة ما فيها اناره لأن اللي ساكنين هالحواري مايشتغلون في البلدية ,
ياخي ملينا من كثر مانلمع صور الجهات الحكوميه عندنا , الى متى والحن نشوف ونغمض ؟ ليش مانقول : لا هذا غلط وماينسكت عنه !! , هذا اللي خلا المشاكل تكثر في الديرة من حوادث ومن دوائر حكوميه ماتقوم بعملها , لأنهم مالقوا احد يقولوهم وقفوا والا شكيناكم على محافظه المجمعه . الله يرحم شيبانا الاولين اللي يدخل الدائرة الحكوميه وما يطلع الا وهو راضي .................................

لاتلوموني من حرقتي والله شي يقهر

اقتباس: المشاركة الأصلية كتبت بواسطة الوتر الحساس    الحمد لله على سلآمة صاحب السيارة وبالنسبه للدوار ما رايح يزين وفيه ناس تمدح البلديه ورئيسها وش عليه مدري شوارع متحفره ودوار كبر الطشت وعجزو يكملونه مره يقولون شركة الكهرباء هي سبب التأخير ومره يقولون المقاول انحاش وين الدليل وين الأنذارات للمقاول من مراقب المشروع ؟ لكن الي يشوف البلدية العصر يقول مايلآم المراقب ما في البلدية سيارات ! مع ان الواقع كل سياراة البلدية ما تدخل البلدية الآ في الدوام ولا يعترفون بملكية البلدية للسيارات حيث انهم يزيلون الملصق لكي يتم التنقل بها في اي مكان واتمنا من مندوب البلدية التعقيب .!

اخوي الوتر الحساس ؛ امسك العصا من الوسط عند تشخيص أي عمل ، فمسألة أنك تزعل لما نثني على الجهود فهذا مو صحيح

وبالنسبة للدوار فذكرنا بعض الأعذار لهم ومع ذلك نطالبهم بالحل لأنه من مسؤوليتهم ، ومن مسؤوليتنا الكتابة للجهات المعنية


أما سيارات البلدية فهي راجعة للرئيس المباشر إن وافق فلا إشكالية كباقي أي دائرة حكومية بتمير أو بالمملكة ...

اقتباس: المشاركة الأصلية كتبت بواسطة عاشق الليل    المسؤال عن الدوووار ارواح المواطنين ليست رخيصه ....كم من شخص كاد أن تفقده عائلته بسبب دوار الموت .. .خافو الله بأنفسكم ..وأدو عملكم بأخلاص ...لأنكم سوف تحاسبون عليه.. الدوااااااااار اصبح كقضيه فلسطين لم يوجد له حل.

طرح جميل في الانتقاد في عمل معين وهو الدوار ، بخلاف من نسف جميع الجهود لأجل الدوار


طيب اخوي عاشق الليل مالحلول المطروحة للبلدية لحل مؤقت للدوار حتى عودة الشركة ؟

و ما هي الأشياء التي فعلتها و تقترحها في ذلك من مخاطبة ومراسلة المسؤولين او الاتصال بهم

الله يكون في عونكم
اتمني تنحل مشكلة الدوار ..