:: الكشتة الربيعية السنوية :: مع ربعاً نشامى وشقردية :: يكفيك أنهم تميراوية 11 / 4 / 1432هـ

ماشاء الله تبارك الله
تقرير رائع
بس فيها صور مرعبه
للضيف العزيز الي بات ليله معكم
يعطيك العافيه

يعطيك العافيه يالمهند
وحلوه سواليف الليل

اقتباس: المشاركة الأصلية كتبت بواسطة ط َـموح    مآشآء الله , تقرير ولآ آروع , اسآل الله ان يجمعكم على خير دآئمـآ , ودي ووردي لك آبآ مهند

شكراً لهذا الورد الطموح يا طموح ..

وجزيت خيراً على دعواتك المباركة ... والصادقة ..

اقتباس: المشاركة الأصلية كتبت بواسطة زمان الصمت    كشته ممتعه وجميلة مع الاخوه الطيبة والتقرير روعه بكل شي ربيع يجنن وشوي ومقلقل يسيل له العاب والصور تفتح النفس يا المهند ومشكور والله يعطيك العافية

الله يعافيك أخوي زمان الصمت ..

شاكر لك هذه الدعوات ...

المقلقل .. فيه قطع شحيمات .. وش زينها زيناه ... لكن شحم .. الله يكفينا شره ..

اقتباس: المشاركة الأصلية كتبت بواسطة الراقيه    مآشآء الله تبآرك الله كشته ولآ آروع منهآ .. ربيع ومنآظر تفتح النفس ودك الوآحد إذآ رآح يجلس آسبوع ... صور موقعكم الثآني آفضل من الآول .. يعطيك العآفيه على التصوير والتعليق الممتعْ .. والله يجمعكم على خير إن شآء الله ..

اللهم آمين ..
والله أن اسبوع شويه بحق هالربيع .. واأجواء هاليومين ..

أحسن ما فيه الجوال ما فيه ارسال ... والأجواء هاليومين خيال ...

موقعنا الأول أول ما شفناه ما صدقنا ... وجلسنا على طول .. وكل من مر الروضة مشى ولا جلس فيه .. قلت يالربع الناس عندهم علم اللي ما جازت لهم هالروضة ..

لكن الحمدلله عوضنا اليوم الثاني ...

اقتباس: المشاركة الأصلية كتبت بواسطة وسم العرقات    مامن شهوة !!!! تبارك الله ...... ياحبيلة عزوزي

عزوزي في عينك .. هههه أكيد بيقولها ...

أبو بسام حطه على الجرح ويبرى ..

اقتباس: المشاركة الأصلية كتبت بواسطة المتحـ2007ـد    وخليت يا المهند لنا في المحل كلشي خذته معك لكن المحل ما شاء الله فيه من كل شي الله عليك يا الحر يوم بغيناك ما جيت وش هالزين يا ابو حمد منور المنتدى بوجودك ربع تعاونوا يخلصون على طول الله يقويكم عليه يا عبدالعزيز والبراق الله من الحلم دين ورب العالمين وشذا الشايب قاعد يسف في هالخضااار يا هلا يابو عبدالله الحمد لله على السلامه ما تشوف شر بدتك السخونه بسبت البرد الله يعينك صوره مميزه في هذه الاجواء الربيعيه والجو الصافي الهادى تخللها صحبه جيده وربع شقرديه كل الشكر لك على هذا الطرح المميز يا المهند والله يعطيك العافيه

هلا بك يالمتحد ...

تعليقات روعة ... وياويلك من شايبنا ... مسكين هو صغير لكن خانه شكله ...

والله إنك صدقت في وصف البراق بالحلم .. الله يجزاه خير ركب سلك الأريل له شهر ما فرغت له ..

أبو عبدالله من ضمن اللي جاهم لفحة برد في الليل يوم اصبح لحقناه بكمون ورشاد ومسمار وشاهي على شان لويزاته جعلهن يطيبن .. وأشوى عطنه تصبيره لين خلصنا من الكشتة ..

ما عليك زود يا المتحد ..
شاكر لك حضورك ..

اقتباس: المشاركة الأصلية كتبت بواسطة ابو مهند    ياويل قلبي علي الروحات علي ديار شماليه اروح لها با اجمل الاوقات مع ربع نشاما شقردية يلبئ قلبك يالمهند علي هالطلعات اهنيك علي الرحلة وعلى الربع بس حسيتها مشروع تسمين مبسوط الي في بالي

هلا بسمييّ .. أبو مهند ..

خل أبو مشعل وربعه يكشتون بك ..

يلزمك حق ... نأكله في رحلة الصيف ...

اللي في بالك ما يحتاج .. خرّب رجيمه .. أبشرك ..

اقتباس: المشاركة الأصلية كتبت بواسطة المتميزة 26    والاهم من هذا كله من شاف يديكم ماظنتي يشرب لكم شاي أو قهوه فمابالك بالأكل ؟! <<<< يمدحون الفازلين

ههههههه اتوقع لة تشوفين الي يولم التمر على الطبيعه يالمتميزه >>> ماراح تاكلين تمر ,,,




طلعه جميله يالمهند مع ربع شقرديه والله يديم الاخوه بينك..
ويا حسفاب الريضان ما شبعنا منها هالسنه ابدددد

لكن العوض في الي جاي والله يعينى على الحر..

تحياتي لك..

تسلم على التقرير الرائع